၁၂ ဘၣ်ဆၣ်​ ဖဲပှၤလုၢ်တၢ်ဒိၣ်အခိၣ်တဖၣ်​ ဒီးပှၤသူၣ်က့သးပှၢ်တဖၣ်​ ပာ်ဒ့ၣ်ပာ်ကမၣ်အီၤအခါ အဝဲတတဲဆၢက့ၤဝဲ တၢ်နီတမံၤဘၣ်.+ ၁၃ ဒီးစီၤပံၤလး တဲအီၤလၢ “အဝဲသ့ၣ်​ ပာ်ဒ့ၣ်ပာ်ကမၣ်နၤ အါထဲထဲအံၤန့ၣ်​ နတနၢ်ဟူဧီၤ.” ၁၄ ဘၣ်ဆၣ်​ ယ့ၣ်ၡူး တတဲဆၢက့ၤအီၤ နီတမံၤဘၣ်. အဃိ ပဒိၣ်ဖးဒိၣ်အံၤ ကမၢကမၣ်ဝဲ ဒိၣ်မးလီၤ.

၃၂ ဒီးအဝဲဖး တၢ်ကွဲးအသး တတီၤလၢ အတဲဝဲလၢ “ဒ်သိတဒုအသိး အဝဲဘၣ်တၢ် ဆှၢထီၣ်အီၤလၢ တၢ်ကမၤသံအီၤ အဂီၢ်လီၤ. ဒီးဒ်သိဖိ အိၣ်ဘှ့ၣ်ဝဲဖဲ ပှၤတံာ်အဆူၣ်​ အခါအသိး အဝဲစ့ၢ်ကီး တအိးထီၣ်​ အထးခိၣ်ဘၣ်.+ ၃၃ ဖဲအဘၣ်​ တၢ်ဒုၣ်ဒွဲၣ်စံးအၢအီၤအခါ ပှၤတစံၣ်ညီၣ်န့ၢ်အီၤ တီတီလိၤလိၤဘၣ်.+ ဒီးမ့ၢ်လၢ အသးသမူ ကဘၣ်တၢ် ထုးထီၣ်ကွံာ်အီၤလၢ ဟီၣ်ခိၣ်ချၢအဃိ မတဂၤကတဲတၢ် ဘၣ်ဃးဒီး အတၢ်ဟဲလီၤစၢၤလီၤသွဲၣ်​ အဂ့ၢ်အကျိၤလဲၣ်.”+