• ယၡါယၤ ၂၁:၂
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    •  ၂ ယထံၣ်ဘၣ် တၢ်ထံၣ်လၢညါခီ လၢအလီၤပျံၤလီၤဖုး ဒ်လၢလာ်အံၤအသိးလီၤ.

      ပှၤလၢအသးတတီဘၣ်န့ၣ် မၤတၢ်လၢ တၢ်သးတတီဘၣ်အပူၤလီၤ.

      ပှၤမၤဟးဂီၤတၢ်ဖိန့ၣ် မၤဟးဂီၤတၢ်လီၤ.

      အိ ပှၤဧ့ၤလၣ်ဖိသ့ၣ်ဧၢ, လဲၤထီၣ်ဒုးတၢ်တက့ၢ်. အိ ပှၤမၤဒဲဖိသ့ၣ်ဧၢ, လဲၤကဝီၤတၢ်တက့ၢ်.+

      ယကမၤကတၢၢ်ကွံာ် တၢ်ကအုကစွါ လၢအ* ဒုးအိၣ်ထီၣ်ဝဲခဲလၢာ်လီၤ.+

  • ယံးရမံယၤ ၅၁:၁၁
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၁၁ “ထူးကပီၤထီၣ် ပျၢ်ဘိတဖၣ်+ ဒီးဟံးထီၣ် ကတီၤကဝီၤကျီၤ တဖၣ်တက့ၢ်.

      ခီဖျိလၢ ယဟိဝၤယွၤ ပာ်လီၤ အသးလၢ ကမၤဟးဂီၤ ဘၤဘူၤလိၣ်အဃိ

      အဝဲ ထိၣ်ဟူးထိၣ်ဂဲၤထီၣ် ကီၢ်မၤဒဲ အစီၤပၤတဖၣ် အသးလံ.+

      ယဟိဝၤယွၤ ကဟ့ၣ်ကၣ်က့ၤ ဘၤဘူၤလိၣ် ဒီးအဝဲကဟ့ၣ်ကၣ်တၢ်လၢ အတၢ်လုၢ်ဟံၣ် အဂီၢ်န့ၣ် တၢ်ဆၢကတီၢ်ဘၣ်လံ.

  • ယံးရမံယၤ ၅၁:၂၇, ၂၈
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၂၇ “ဆီလီၤတၢ်ပနီၣ်အတၢၣ်လၢ သုးဖိတဖၣ် ကပာ်ဖှိၣ်ထီၣ်အသးလၢ ကီၢ်ပူၤအဂီၢ်,+

      အူထီၣ်ကွဲၤလၢ ပှၤကလုာ် တဖၣ်အကျါ

      ဒီးဃုထၢထီၣ် ပှၤကလုာ်တဖၣ်လၢ ကဒုးအီၤ* တက့ၢ်.

      ကိးန့ၢ် ဘီမုၢ်တဖၣ် လၢအမ့ၢ် အရၤရး,+ မံးနံး, အၤၡကံနး+ လၢကလဲၤဒုးအီၤအဂီၢ်

      ဒီးဟ့ၣ်လီၤ ပှၤထၢသုးဖိ မူဒါလၢ ကထၢသုးဖိအသီတဖၣ် အဂီၢ်တက့ၢ်.

      ဒုးဟဲထီၣ် ကသ့ၣ်တဖၣ် ဒ်သိးဒီး ဒွဲၣ်အဖုတဖၣ် တက့ၢ်.

      ၂၈ ဃုထၢထီၣ် ပှၤကလုာ်တဖၣ်လၢ ကဒုးအီၤ,

      ဃုထၢထီၣ် ကီၢ်မၤဒဲအစီၤပၤတဖၣ်,+ အဝဲသ့ၣ် အပဒိၣ်ဖးဒိၣ်တဖၣ်, အပဒိၣ်ခဲလၢာ်

      ဒီးကယဲၢ်ထံကီၢ်လၢ အဝဲသ့ၣ်ပၢဝဲ ခဲလၢာ်တက့ၢ်.

  • ယံးရမံယၤ ၅၁:၄၈
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၄၈ ပှၤလၢအမၤဟးဂီၤတၢ်တဖၣ် လၢအအိၣ်လၢ ကလံၤစိးတခီန့ၣ် ကဟဲလၢဘၤဘူၤလိၣ် အအိၣ်လီၤ.+

      ဒီးဖဲဘၤဘူၤလိၣ် လီၤပှီၢ်အခါ မူခိၣ်, ဟီၣ်ခိၣ် ဒီးတၢ်လၢအအိၣ်လၢ အပူၤခဲလၢာ်

      ကကိးပသူထီၣ်လၢ တၢ်သူၣ်ဖှံသးညီအပူၤလီၤ.”+ ယဟိဝၤယွၤ တဲဝဲ ဒ်န့ၣ်လီၤ.