၂၇ ဒီးဖဲယူဒၤအစီၤပၤ ယဟိၤယါခံၣ်+ ဘၣ်တၢ်က့ၤဖီၣ်အီၤ ပှဲၤထီၣ်​ ၃၇ နံၣ်တနံၣ်, လါ ၁၂ လါတလါ, လါထီၣ်​ ၂၇ သီတသီန့ၣ်​ ဘၤဘူၤလိၣ်​ အစီၤပၤအ့ဝလးမရၤဒိး ပျၢ်ကွံာ် ယူဒၤ အစီၤပၤယဟိၤယါခံၣ်​ လၢဃိာ်ပူၤလီၤ.+ တၢ်ကဲထီၣ်အသးဒ်န့ၣ်​ ဖဲစီၤအ့ဝလးမရၤဒိး ကဲထီၣ်စီၤပၤ အဆိကတၢၢ်တနံၣ်​ အတီၢ်ပူၤလီၤ. ၂၈ ဘၤဘူၤလိၣ်​ အစီၤပၤန့ၣ်​ တဲတၢ်ဒီးစီၤယဟိၤယါခံၣ်​ မုာ်မုာ် ဒီးအဝဲပာ်ထီၣ်​ စီၤယဟိၤယါခံၣ်​ ထီန့ၢ်ဒံး* စီၤပၤအဂၤတဖၣ်လၢ အဘၣ်တၢ်က့ၤဖီၣ်အီၤ လၢဘၤဘူၤလိၣ်အပူၤန့ၣ်လီၤ. ၂၉ အဃိ စီၤယဟိၤယါခံၣ်​ ဘ့ၣ်လီၤကွံာ် ပှၤဃိာ်ဖိအတၢ်ကူတၢ်ကၤ ဒီးဖဲအဝဲအိၣ်မူဒံးဝဲ အဆၢကတီၢ်န့ၣ်​ အဝဲအီၣ်တၢ်လၢ စီၤပၤအစီၢ်နီၤခိၣ်​ ထီဘိလီၤ. ၃၀ ဖဲအဝဲ အိၣ်မူဒံးဝဲ အဆၢကတီၢ်န့ၣ်​ စီၤပၤ ဟ့ၣ်လီၤအီၤ တၢ်အီၣ်တၢ်အီ တနံၤဘၣ်တနံၤ ထီဘိလီၤ.