• ယံးရမံယၤ ၅:၁၂, ၁၃
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၁၂ “အဝဲသ့ၣ် တတူၢ်လိာ် ယၤ, ယဟိဝၤယွၤဘၣ် ဒီးအဝဲသ့ၣ် တဲဝဲ တလီၢ်လီၢ်လၢ

      ‘ကစၢ်ယွၤ တမၤတၢ်နီတမံၤဘၣ်.*+

      တၢ်နးတၢ်ဖှီၣ် တဟဲဘၣ်ပှၤဘၣ်,

      ပတထံၣ်ဘၣ် တၢ်ဒုးတၢ်ယၤ ဒီးတၢ်သၣ်ဝံၤလီၤဒိဘၣ်.’+

      ၁၃ ဝံတဖၣ်န့ၣ် တဲထဲတၢ်ကတိၤလၢ အဘျုးတအိၣ်ဘၣ်

      ဒီးကစၢ်ယွၤ အတၢ်ကတိၤ တအိၣ်လၢ အဝဲသ့ၣ်အပူၤဘၣ်.

      ဒီးအဝဲသ့ၣ် ကကဲထီၣ် တၢ်လၢအဘျုးတအိၣ်ဘၣ် ဒ်အဝဲသ့ၣ် အတၢ်ကတိၤတဖၣ် အသိးလီၤ.”

  • ယံးရမံယၤ ၂၃:၁၅
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၁၅ အဃိ ဘၣ်ဃးဒီး ဝံတဖၣ်န့ၣ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ

      “ယကဟ့ၣ်ဒုးအီၣ် အဝဲသ့ၣ်လၢ တၢ်မုၢ်တၢ်ဘိလၢအခၣ်

      ဒီးဟ့ၣ်ဒုးအီ အဝဲသ့ၣ်လၢ ထံလၢ အအိၣ်ဒီးအစုၣ်လီၤ.+

      ခီဖျိလၢ ဝ့ၢ်ယရူၤၡလ့ၣ် အဝံတဖၣ်အံၤအဃိ ပှၤပာ်တ့ၢ်ကွံာ်ယၤ* လၢကီၢ်ဒီဘ့ၣ်ညါလီၤ.”

  • ယဃ့းစက့လး ၁၃:၉
    ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ

    • ၉ ယထီဒါ ဝံတဖၣ်လၢ အထံၣ်တၢ်ထံၣ်လၢညါခီ လၢအတတီတလိၤ ဒီးအတဲဆိပာ်စၢၤတၢ် လၢတၢ်လံၣ်တၢ်လီ အပူၤလီၤ.+ လၢခံ အဝဲသ့ၣ် တအိၣ်ဘၣ်လၢ ပှၤဂီၢ်မုၢ်လၢ ယရ့အီၤဘူးဘူးတဖၣ် အကျါလၢၤဘၣ်. ဒီးအဝဲသ့ၣ် အမံၤန့ၣ် တဘၣ်တၢ်ကွဲးနီၣ်အီၤလၢ ပှၤအံၣ်စရ့လးဖိတဖၣ် အတၢ်ကွဲးနီၣ်အကျါလၢၤဘၣ်. ဒီးအဝဲသ့ၣ် တဟဲက့ၤဘၣ်လၢ ကီၢ်အံၣ်စရ့လး အပူၤလၢၤဘၣ်. ဒီးသုကသ့ၣ်ညါဘၣ် လၢယမ့ၢ် တၢ်ပၢကစၢ် ယဟိဝၤယွၤလီၤ.+