၁၂ “‘ဒ်နကစၢ် ယဟိဝၤယွၤ မၤလိာ်နၤအသိး မၤထွဲ မုၢ်အိၣ်ဘှံးနံၤ အတၢ်သိၣ်တၢ်သီ ဒ်သိး နကပာ်စီဆှံအီၤ အဂီၢ်တက့ၢ်.+ ၁၃ နကဘၣ်မၤ နတၢ်မၤခဲလၢာ် လၢဃုသီ အတီၢ်ပူၤလီၤ.+ ၁၄ ဘၣ်ဆၣ်​ နွံသီတသီန့ၣ်​ မ့ၢ်ဝဲ မုၢ်အိၣ်ဘှံးနံၤလၢ နကစၢ် ယဟိဝၤယွၤ အဂီၢ်လီၤ.+ နတဘၣ်​ မၤတၢ်မၤ နီတမံၤတဂ့ၤ.+ နၤမ့ၢ်ဂ့ၤ, နဖိမုၣ်ဖိခွါမ့ၢ်ဂ့ၤ, နကုၢ်မုၣ်ကုၢ်ခွါမ့ၢ်ဂ့ၤ, နကျီၢ်ဖါမ့ၢ်ဂ့ၤ, နကသ့ၣ်ယီၤမ့ၢ်ဂ့ၤ, နဆၣ်ဖိကီၢ်ဖိ အဒၢ တမံၤဂ့ၤတမံၤဂ့ၤ မ့ၢ်ဂ့ၤ ဒီးပှၤထံဂၤကီၢ်ဂၤဖိလၢ အအိၣ်လၢ နဝ့ၢ်တဖၣ်အပူၤ မ့ၢ်ဂ့ၤန့ၣ်​ တဘၣ်မၤတၢ်မၤ နီတမံၤဘၣ်.+ နကုၢ်ပိာ်မုၣ်​ ဒီးကုၢ်ပိာ်ခွါတဖၣ်န့ၣ်​ ကဘၣ်အိၣ်ဘှံး ဒ်သိးနၤလီၤ.+