၁၂ ဒီးစီၤပၤ မၤလိာ် ပှၤလုၢ်တၢ်ဒိၣ်​ စီၤဃံးလကံယၤ, စီၤၡၤဖၣ်​ အဖိခွါ စီၤအဃံကၣ်,+ စီၤမံၤကါယၤ အဖိခွါ စီၤဧးကဘိၢ်, နဲၣ်ရွဲၣ်​ စီၤၡၤဖၣ်​ ဒီးစီၤပၤအခ့အပှၤ စီၤဧစါယၤလၢ ၁၃ “မ့ၢ်လၢ ပမိၢ်ပၢ်ဖံဖု လၢပျၢၤတဖၣ်​ တဒိကနၣ်​ တၢ်ကွဲးအသးလၢ လံာ်တဘ့ၣ်အံၤအပူၤဘၣ်​ ဒီးတမၤထွဲတၢ်လၢ အဘၣ်တၢ်ကွဲးအီၤလၢ ပကြၢးမၤအီၤတဖၣ်အံၤဘၣ်​ အဃိ ယဟိဝၤယွၤ သးပှံၢ်ထီၣ်ပှၤဒိၣ်မးလံ.+ ဘၣ်ဃးဒီး တၢ်ကွဲးအသးလၢ လံာ်လၢ ပှၤထံၣ်န့ၢ်အီၤ တဘ့ၣ်အံၤအပူၤန့ၣ်​ လဲၤသံကွၢ်တၢ်လၢ ယဟိဝၤယွၤအအိၣ်​ လၢယဂီၢ်, လၢပှၤဂီၢ်မုၢ်အဂီၢ် ဒီးလၢကယဲၢ် ပှၤအိၣ်လၢ ယူဒၤဘီမုၢ်ပူၤ အဂီၢ်တက့ၢ်.”

၁၃ အဃိ ပှၤခိးတၢ်ဖိအခိၣ် စီၤနဘူစၢ်ရဒၣ်, ရၤဘစါရံၣ် စီၤနဘူၤၡၤစဘၣ်, ရၤမဲး စီၤန့ရကၤလးၡရ့ၢ်စၢ် ဒီးပှၤဒိၣ်ပှၤပှၢ်လၢ ဘၤဘူၤလိၣ်အစီၤပၤ ဆှၢလီၤဝဲ ကိးဂၤဒဲးန့ၣ် ၁၄ မၢပှၤလဲၤကိးထီၣ် ဝံယံးရမံယၤလၢ ပှၤခိးတၢ်ဖိတဖၣ် အကရၢၢ်ပူၤ+ ဒီးဟ့ၣ်လီၤအီၤလၢ စီၤကဒါလယၤ အစုပူၤ+ ဒ်သိး အကက့ၤကိး ဝံယံးရမံယၤလၢ အဟံၣ်အဂီၢ်လီၤ. စီၤကဒါလယၤ အပၢ်မ့ၢ်ဝဲ စီၤအဃံကၣ်+ ဒီးစီၤအဃံကၣ် အပၢ်မ့ၢ်ဝဲ စီၤၡၤဖၣ်လီၤ.+ ဒီးဝံယံးရမံယၤန့ၣ် အိၣ်ဘၣ်ဝဲလၢ ပှၤဂီၢ်မုၢ် အကျါလီၤ.

၅ တချုးဖဲ ဝံယံးရမံယၤ ဆၢတဲာ်အသးလၢ ကက့ၤဒံးဘၣ်အခါ စီၤနဘူစၢ်ရဒၣ် တဲအီၤလၢ “က့ၤကဒါက့ၤလၢ စီၤၡၤဖၣ်အလံၤ+ လၢအမ့ၢ် စီၤအဃံကၣ်အဖိခွါ+ စီၤကဒါလယၤအအိၣ်+ ဒီးအိၣ်ဒီးအီၤလၢ ပှၤဂီၢ်မုၢ်အကျါတက့ၢ်. ဘၤဘူၤလိၣ်အစီၤပၤ ပာ်ထီၣ်အီၤလၢ ကပၢဝဲယူဒၤအဝ့ၢ်တဖၣ်လီၤ. နမ့ၢ်တက့ၤဖဲန့ၣ်ဘၣ်န့ၣ် ကွၢ်လၢနကဃုထၢ တတီၤတီၤန့ၣ် နလဲၤဖဲန့ၣ်သ့လီၤ.”

ဒီးပှၤခိးတၢ်ဖိအခိၣ် ဟ့ၣ်လီၤအီၤ တၢ်အီၣ်တနီၤ ဒီးတၢ်ဟ့ၣ်တမံၤ ဒီးပျၢ်ကွံာ်အီၤလီၤ.