၄၅ “‘ဒီးဖဲသုနီၤဖးလီၤ ဟီၣ်ခိၣ်လၢ တၢ်န့ၢ်သါအဂီၢ်အခါ+ သုကဘၣ်မၤဘူၣ်လီၤ ယဟိဝၤယွၤလၢ ဟီၣ်ခိၣ်စီဆှံ တကဝီၤလၢ ကီၢ်ပူၤလီၤ.+ ဒီးဟီၣ်ခိၣ်စီဆှံ တကဝီၤအံၤ အထီကဘၣ်အိၣ်ဝဲ အပျၢ်* ၂၅,၀၀၀ ဒီးအလဲၢ် ကဘၣ်အိၣ်ဝဲ အပျၢ် ၁၀,၀၀၀ လီၤ.+ ဒီးဟီၣ်ခိၣ်အံၤ ဒီတကဝီၤန့ၣ် ကမ့ၢ်ဝဲ ဟီၣ်ခိၣ်စီဆှံ အကဝီၤလီၤ. ၂ ဒီးလၢဟီၣ်ခိၣ်တကဝီၤအံၤ အကိပူၤန့ၣ် ပှၤကဘၣ် ပာ်ပနီၣ်ဝဲ တၢ်လီၢ်လၢ တၢ်စီဆှံအလီၢ် အဂီၢ်လီၤ. တၢ်လီၢ်အံၤ မ့ၢ်ဝဲ တၢ်လီၢ်အနၢၣ်လွံၢ်နၢၣ်လၢ အကနူၤထဲသိးလိာ်အသး ဒီးတကပၤစုာ်စုာ်န့ၣ် အိၣ်ဝဲအပျၢ် ၅၀၀ လီၤ.+ ဒီးလၢအကပၤ ကိးကပၤဒဲးန့ၣ် အိၣ်ဝဲဒီး တၢ်ပျီလၢ အလဲၢ်ဝဲ အပျၢ် ၅၀ လီၤ.+