၁၉ ဖဲမူခိၣ်ကလူးတဖၣ်အံၤ သုးအသး တဘျီဂ့ၤတဘျီဂ့ၤန့ၣ် လ့ၣ်ကဟၣ်အပၣ်တဖၣ် သုးပိာ်အဝဲသ့ၣ်အခံလီၤ. ဒီးဖဲအဝဲသ့ၣ် သုးကစီၤထီၣ်အသးလၢ တၢ်ဖးဖီလၢ ဟီၣ်ခိၣ်အဖီခိၣ်အခါ လ့ၣ်ကဟၣ်အပၣ်တဖၣ် သုးကစီၤထီၣ်အသး စ့ၢ်ကီးလီၤ.+ ၂၀ မူခိၣ်ကလူးတဖၣ်အံၤ လဲၤဝဲ ဖဲတၢ်လီၢ်လၢ သးစီဆှံ ဟံးစုနဲၣ်ကျဲ အဝဲသ့ၣ် ဒီးဖဲသးစီဆှံ လဲၤတၢ်လီၢ် တပူၤဂ့ၤတပူၤဂ့ၤန့ၣ်လီၤ. ဒီးလ့ၣ်ကဟၣ်အပၣ်တဖၣ်စ့ၢ်ကီး သုးကစီၤထီၣ်အသး ဃုာ်ဒီးအဝဲသ့ၣ်, မ့ၢ်လၢ သးစီဆှံလၢ အဟံးစုနဲၣ်ကျဲ မူခိၣ်ကလူးတဖၣ်န့ၣ် အိၣ်ဝဲလၢ လ့ၣ်ကဟၣ်အပၣ်တဖၣ်အပူၤ စ့ၢ်ကီးအဃိလီၤ. ၂၁ ဖဲမူခိၣ်ကလူးတဖၣ်အံၤ သုးအသးအခါ လ့ၣ်ကဟၣ်အပၣ်တဖၣ် သုးအသး ဒီးဖဲမူခိၣ်ကလူးတဖၣ် အိၣ်ပတုာ်အခါ လ့ၣ်ကဟၣ်အပၣ်တဖၣ် အိၣ်ပတုာ်ဝဲလီၤ. ဒီးဖဲမူခိၣ်ကလူးတဖၣ် သုးကစီၤထီၣ်အသးလၢ တၢ်ဖးဖီ လၢဟီၣ်ခိၣ်အဖီခိၣ်အခါ လ့ၣ်ကဟၣ်အပၣ်တဖၣ် သုးကစီၤထီၣ်အသး ဃုာ်ဒီးအဝဲသ့ၣ်, မ့ၢ်လၢ သးစီဆှံလၢ အဟံးစုနဲၣ်ကျဲ မူခိၣ်ကလူးတဖၣ်န့ၣ် အိၣ်ဝဲလၢ လ့ၣ်ကဟၣ်အပၣ်တဖၣ်အပူၤစ့ၢ်ကီး အဃိလီၤ.