၂၄ ပှၤခိးတၢ်ဖိအခိၣ် က့ၤကိးစ့ၢ်ကီး ပှၤလုၢ်တၢ်ဒိၣ်အခိၣ် စီၤစရါယၤ,+ ပှၤလုၢ်တၢ်ဒိၣ် ခံဂၤတဂၤ စီၤစဖါနယၤ+ ဒီးပှၤခိးတြဲၤဖိ သၢဂၤလီၤ.+ ၂၅ ဒီးလၢဝ့ၢ်ပူၤန့ၣ် အဝဲက့ၤကိးပဒိၣ်တဂၤ လၢအမ့ၢ် ပှၤသုးဖိအခိၣ်, စီၤပၤအပှၤဟ့ၣ်ကူၣ်တၢ် နွံဂၤလၢ အအိၣ်လၢ ဝ့ၢ်ပူၤ, သုးခိၣ်ကျၢၢ် အနဲၣ်ရွဲၣ်လၢ အထၢသုးဖိအသီတဖၣ် ဒီးပှၤပိာ်ခွါအဂၤ ၆၀ လၢအအိၣ်လၢ ဝ့ၢ်ပူၤလီၤ. ၂၆ ပှၤခိးတၢ်ဖိအခိၣ် စီၤနဘူစၢ်ရဒၣ် က့ၤကိးအဝဲသ့ၣ်လၢ ဘၤဘူၤလိၣ် အစီၤပၤအအိၣ် ဖဲဝ့ၢ်ရံးဘလၤလီၤ. ၂၇ ဒီးဘၤဘူၤလိၣ် အစီၤပၤ မၤသံကွံာ်အဝဲသ့ၣ် ဖဲဝ့ၢ်ရံးဘလၤ+ လၢဃမါသး အဟီၣ်ကဝီၤလီၤ. အဃိ ယူဒၤအပှၤဂီၢ်မုၢ် ဘၣ်တၢ်က့ၤကိးအီၤ ဖးယံၤဒီး အထံကီၢ်လီၤ.+