၃၇ အိ စီၤပၤဧၢ, နၤန့ၣ်နမ့ၢ်စီၤပၤတဖၣ်​ အစီၤပၤလၢ မူခိၣ်အကစၢ် ဟ့ၣ်လီၤဝဲဘီမုၢ်,+ တၢ်စိတၢ်ကမီၤ, တၢ်ဂံၢ်တၢ်ဘါ ဒီးတၢ်လၤကပီၤလီၤ. ၃၈ ဒီးကစၢ်ယွၤ ဟ့ၣ်လီၤပှၤဟီၣ်ခိၣ်ဖိလၢ အအိၣ်လၢတၢ်လီၢ် တပူၤဂ့ၤတပူၤဂ့ၤ လၢနစုပူၤ ဃုာ်ဒီးဆၣ်ဖိကီၢ်ဖိ အဒူၣ်တဖၣ်လၢ တၢ်ပျီပူၤ ဒီးထိၣ်ဖိလံၣ်ဖိ လၢမူခိၣ်လီၤ. ဒီးအဝဲဒုးကဲထီၣ်နၤလၢ အဝဲသ့ၣ်ခဲလၢာ် အခိၣ်လီၤ.+ အဃိ နၤန့ၣ်​ နမ့ၢ်တၢ်ဂီၤအခိၣ်ထူလီၤ.+