၉ အဃိ ပှၤအံၣ်စရ့လးဖိ လူၤမၤတၢ်လၢ ယဟိဝၤယွၤ ထံၣ်ဝဲလၢ အကမၣ်တဖၣ်လီၤ. ဒီးလၢအဝဲသ့ၣ်​ အဝ့ၢ်ခဲလၢာ်အပူၤန့ၣ်​ အဝဲသ့ၣ်​ တ့ထီၣ်​ တၢ်လီၢ်ထီၣ်ထီတဖၣ်​ လၢတၢ်လီၢ် ကိးတီၤဒဲး+ စးထီၣ်လၢ တၢးထီခိးတၢ်အလီၢ် တုၤလၢ ဝ့ၢ်တဖၣ်လၢအအိၣ်ဒီး အဒူၣ်လၢအကျၢၤအပူၤလီၤ. ၁၀ အဝဲသ့ၣ်​ ဆဲးဆီလီၤဝဲ လၢၢ်ထူၣ်စီဆှံတဖၣ်​ ဒီးတၢ်စီဆှံအထူၣ်တဖၣ်*+ လၢအနီၢ်ကစၢ်အဂီၢ် လၢတၢ်လူၢ်လၢ အထီကိးဖျၢၣ်ဒဲးအလိၤ ဒီးလၢသ့ၣ်လါဟ့ လၢအပှဲၤဒီးအလၣ်​ ကိးထူၣ်ဒဲး အခီၣ်ထံး+ ၁၁ ဒီးအဝဲသ့ၣ်​ ဒွဲၣ်ခုၣ်ထီၣ်တၢ်လုၢ်လၢ တၢ်လီၢ်ထီၣ်ထီ ခဲလၢာ်အဖီခိၣ်​ ဒ်ပှၤကလုာ်တဖၣ်လၢ ယဟိဝၤယွၤ နီဟးထီၣ်ကွံာ်လၢ အဝဲသ့ၣ်​ အမဲာ်ညါ မၤဝဲအသိးလီၤ.+ အဝဲသ့ၣ်​ ဆဲးမၤတၢ်လၢ အအၢအသီဒိၣ်မးလၢ အမၤဆါ ယဟိဝၤယွၤအသးလီၤ.

၄ အနီတဂၤန့ၣ် အမံၤမ့ၢ်ဝဲ နီၢ်အၤဟိးလၤ* ဒီးအဒ့မုၣ်တဂၤန့ၣ် အမံၤမ့ၢ်ဝဲ နီၢ်အၤဟိးလံဘၤလီၤ.* အဝဲသ့ၣ် ကဲထီၣ်ယတၢ် ဒီးအဝဲသ့ၣ် အိၣ်ဖျဲၣ်ထီၣ်န့ၢ်ယၤ ဖိမုၣ်ဖိခွါတဖၣ်လီၤ. နီၢ်အၤဟိးလၤန့ၣ် အဲၣ်ဒိးတဲဝဲ ၡၤမရံ+ ဒီးနီၢ်အၤဟိးလံဘၤန့ၣ် အဲၣ်ဒိးတဲဝဲ ယရူၤၡလ့ၣ်လီၤ.

၅ “နီၢ်အၤဟိးလၤန့ၣ် ဖဲအဝဲမ့ၢ်ယတၢ်အခါ အဆါလီၤအီၣ်သးလီၤ.+ အသးကတၢလၢ အတၢ်အဲၣ်တီတဖၣ်+ လၢအမ့ၢ် ပှၤအၤၡူၢ်ဖိလၢ+ အအိၣ်လၢအဃၢၤ အဃိလီၤ.