၁၄ “‘ဘၣ်ဆၣ်​ သုမ့ၢ်တဒိကနၣ်​ ယကလုၢ်ဘၣ်​ ဒီးသုမ့ၢ် တမၤထွဲ တၢ်မၤလိာ်တဖၣ်အံၤ ခဲလၢာ်ဘၣ်+ ၁၅ ဒီးသုမ့ၢ်တကနၣ်ဃုာ် ယတၢ်ဘျၢတဖၣ်ဘၣ်+ ဒီးသုမ့ၢ်သးဘၣ်အၢ ယတၢ်သိၣ်တၢ်သီတဖၣ်​ တုၤလၢ သုတမၤထွဲ ယတၢ်မၤလိာ်တဖၣ်ဘၣ်​ ဒီးတလူၤပိာ်ထွဲ ယတၢ်အၢၣ်လီၤအီလီၤဘၣ်န့ၣ်+ ၁၆ ယကမၤသု ဒ်အံၤလီၤ. ယကသိၣ်ဃီၣ်သုလၢ တၢ်လီၤပျံၤလီၤဖုး လၢအမ့ၢ် တၢ်ပသိၣ်ဆါ ဒီးတၢ်လိၤကိၢ်ဒိၣ်ဒိၣ်​ တုၤလၢ သုမဲာ်ချံ ကဒုထီၣ်​ ဒီးသုဂံၢ်သုဘါ လၢာ်ဝဲလီၤ. ဒီးသုကဖှံလီၤ တၢ်ချံကလီကလီ ခီဖျိလၢ သုဒုၣ်သုဒါ ကဟဲအီၣ်ကွံာ် တၢ်လၢ အမဲထီၣ်သၣ်ထီၣ်တဖၣ်​ အဃိလီၤ.+

၁၄ ပှၤလုၢ်တၢ်ဒိၣ်တဖၣ်​ အပှၤခိၣ်ပှၤနၢ်တဖၣ်​ ဃုာ်ဒီး ပှၤဂီၢ်မုၢ် ခဲလၢာ်န့ၣ်​ မၤဝဲတၢ်လၢ အတတီတလိၤဘၣ်တဖၣ်​ အါထီၣ်အါထီၣ်, မၤဝဲ တၢ်လၢအလီၤ သးဘၣ်အၢတဖၣ်​ ဒ်ပှၤကလုာ်တဖၣ်​ မၤဝဲအသိး ဒီးအဝဲသ့ၣ်​ မၤဘၣ်အၢ ယဟိဝၤယွၤ အဟံၣ်လၢ+ အပာ်စီဆှံပာ်စၢၤဝဲလၢ ဝ့ၢ်ယရူၤၡလ့ၣ်​ အပူၤန့ၣ်လီၤ.