၁၈ “ဖဲန့ၣ်အဆၢကတီၢ် အံၣ်စရ့လးအပှၤဂီၢ်မုၢ် ဒီးယူဒၤအပှၤဂီၢ်မုၢ် ကလဲၤသကိးတၢ် ဒ်သိးသိးလီၤ.+ အဝဲသ့ၣ် ကဟးထီၣ်ဖဲ အဝဲသ့ၣ်အိၣ်ဝဲအလီၢ် လၢကလံၤစိးတခီန့ၣ် တပူၤဃီ ဒီးအဝဲသ့ၣ် ကဟဲက့ၤလၢ ထံကီၢ်လၢ ယဟ့ၣ်လီၤ သုမိၢ်ပၢ်ဖံဖု လၢပျၢၤတဖၣ် ဒ်တၢ်န့ၢ်သါအသိးလီၤ.+

၁၆ “ပှၤကညီဖိခွါဧၢ, ဟံးန့ၢ်သ့ၣ်တကူာ် ဒီးလၢအလိၤန့ၣ် ကွဲးလီၤလၢ ‘လၢယူဒၤဘီမုၢ် ဒီးပှၤအံၣ်စရ့လးဖိလၢ အအိၣ်ဒီးအီၤတဖၣ်အဂီၢ်’ တက့ၢ်.+ ဒီးဟံးန့ၢ် သ့ၣ်အဂၤတကူာ် ဒီးလၢအလိၤန့ၣ် ကွဲးလီၤလၢ ‘စီၤယိၤသး အသ့ၣ်ကူာ်လၢ အဒိလီၤဝဲ အ့ဖရဲၣ်ဘီမုၢ် ဒီးပှၤအံၣ်စရ့လးဖိလၢ အအိၣ်ဒီးအီၤတဖၣ်’ တက့ၢ်.+

၁၉ တဲဘၣ်အဝဲသ့ၣ်လၢ ‘တၢ်ပၢကစၢ် ယဟိဝၤယွၤ တဲဝဲလၢ “စီၤယိၤသး အသ့ၣ်ကူာ်လၢ အဒိလီၤဝဲ အ့ဖရဲၣ်ဘီမုၢ် ဒီးပှၤအံၣ်စရ့လးဖိ အဒူၣ်လၢ အအိၣ်ဒီးအီၤတဖၣ်န့ၣ် ယကဟံးန့ၢ်အီၤ ဒီးမၤဘုးတာ်အီၤဒီး ယူဒၤဘီမုၢ် အသ့ၣ်ကူာ်လီၤ. ယကမၤကဲထီၣ်က့ၤအီၤလၢ သ့ၣ်တကူာ်ဃီ+ ဒီးအဝဲသ့ၣ် ကကဲထီၣ်သ့ၣ်တကူာ်ဃီလၢ ယစုပူၤလီၤ.”’

၁၀ “ဒီးပှၤအံၣ်စရ့လးဖိတဖၣ်​ အနီၣ်ဂံၢ်န့ၣ်​ ကအိၣ်အါ ထဲသိးဒီး ပီၣ်လဲၣ်အမဲးတဖၣ်လၢ ပှၤဂံၢ်ကွၢ်ဒွးကွၢ်အီၤ တသ့ဘၣ်.+ ဒီးဖဲတၢ်လီၢ်လၢ ယတဲအဝဲသ့ၣ်လၢ ‘သုတမ့ၢ်ယပှၤဂီၢ်မုၢ်ဘၣ်’+ န့ၣ်ယကကိး အဝဲသ့ၣ်လၢ ‘ကစၢ်ယွၤလၢအမူဝဲတဂၤ အဖိခွါတဖၣ်လီၤ.’+ ၁၁ ဒီးယူဒၤ အပှၤဂီၢ်မုၢ် ဒီးအံၣ်စရ့လး အပှၤဂီၢ်မုၢ် ကပာ်ဖှိၣ်ထီၣ်အသး ဃူဃူဖိးဖိး+ ဒီးအဝဲသ့ၣ်​ ကဃုထၢထီၣ်​ အခိၣ်အနၢ်တဂၤ ဒီးကဟးထီၣ်ဝဲလၢ ကီၢ်ပူၤလီၤ. အဝဲန့ၣ်​ ကမ့ၢ်ဝဲ မုၢ်နံၤဖးဒိၣ်တနံၤလၢ ယံးစရ့လး အဂီၢ်လီၤ.+