၈ ဖဲအဝဲသ့ၣ်​ ဟဲက့ၤလၢ ယွၤလၢအမ့ၢ်အတီအဟံၣ်​ လၢယရူၤၡလ့ၣ်​ ဝံၤအလီၢ်ခံ ခံနံၣ်တနံၣ်, လါခံလါတလါန့ၣ်​ စီၤၡၤလတံၤအ့လး အဖိခွါ စီၤစရူဘၤဘ့လး ဒီးစီၤယိၤစါဒး အဖိခွါ စီၤယ့ၤၡူ ဒီးအဝဲသ့ၣ်​ အဒီပုၢ်ဝဲၢ် လၢအမ့ၢ် ပှၤလုၢ်တၢ်ဒိၣ်တဖၣ်​ ဒီးပှၤလ့ၤဝံဖိတဖၣ်​ ဒီးပှၤလၢ အဘၣ်တၢ်က့ၤဖီၣ်အီၤတဖၣ်* လၢအဟဲက့ၤလၢ ဝ့ၢ်ယရူၤၡလ့ၣ်န့ၣ်+ စးထီၣ်ဝဲတၢ်မၤအံၤလီၤ. ဒီးအဝဲသ့ၣ်​ ပာ်ထီၣ်ဝဲ ပှၤလ့ၤဝံဖိ လၢအသးအိၣ်​ အနံၣ်​ ၂၀ ဒီးဆူအဖီခိၣ်တဖၣ်​ ဒ်ပှၤလၢအတီခိၣ်ရိၤမဲ တၢ်မၤလၢ အဘၣ်ဃးဒီး ယဟိဝၤယွၤ အဟံၣ်န့ၣ်လီၤ.

၁၀ ဖဲပှၤဆီလီၤ ယဟိဝၤယွၤ အတၢ်လုၢ်ဟံၣ်​ အခီၣ်ထံး+ ဝံၤအခါ ပှၤလုၢ်တၢ်ဒိၣ်တဖၣ်​ လၢအကၤဝဲ ဆ့ဖးထီတဖၣ်​ ဒီးအအိၣ်ဒီး ကွဲၤတဖၣ်+ ဒီးစီၤအၤစာ် အဖိခွါတဖၣ်​ လၢအမ့ၢ် ပှၤလ့ၤဝံဖိတဖၣ်​ လၢအအိၣ်ဒီး စှၢၣ်စှံးန့ၣ်​ ဆၢထၢၣ်​ စံးထီၣ်ပတြၢၤဝဲ ယဟိဝၤယွၤ ဒ်အံၣ်စရ့လး အစီၤပၤဒၤဝံး အတၢ်ဟံးစုနဲၣ်ကျဲ အိၣ်ဝဲအသိးလီၤ.+

၁၄ ဒီးကစၢ်ယွၤ အဟံၣ်​ အတၢ်ပီးတၢ်လီတဖၣ်လၢ ပှၤတ့အီၤလၢ ထူဒီးစ့ လၢစီၤနဘူၤကးန့စၢ် ဟဲက့ၤစိာ်ဝဲလၢ ယရူၤၡလ့ၣ်​ အတၢ်လုၢ်ဟံၣ်​ ဒီးပာ်ဝဲလၢ ဘၤဘူၤလိၣ်​ အတၢ်လုၢ်ဟံၣ်န့ၣ်​ စီၤပၤကိရ့ၣ်​ ထုးထီၣ်က့ၤဝဲလီၤ.+ ဒီးပှၤဟ့ၣ်လီၤ တၢ်သ့ၣ်တဖၣ်န့ၣ်လၢ စီၤၡ့ၡဘးစၢ်* အစုပူၤလီၤ.+ စီၤၡ့ၡဘးစၢ်န့ၣ်​ မ့ၢ်ပှၤလၢ စီၤပၤကိရ့ၣ်​ ပာ်ထီၣ်အီၤလၢ ပဒိၣ်ဖးဒိၣ်လီၤ.+

၁၆ အဃိ စီၤၡ့ၡဘးစၢ် ဟဲက့ၤဆီလီၤ ကစၢ်ယွၤ အဟံၣ်အခီၣ်ထံး+ လၢဝ့ၢ်ယရူၤၡလ့ၣ်လီၤ. ဒီးပှၤသူၣ်ထီၣ်အီၤ တုၤလၢခဲအံၤ ဘၣ်ဆၣ်​ တဝံၤဒံးဘၣ်.’+