၁၈ ဒီးစီၤယိၤဟၣ်​ အပျဲၢ်အဘီၣ်တဖၣ်​ တဲဘၣ်အီၤလၢ တၢ်ဂ့ၢ်တဖၣ်အံၤ ခဲလၢာ်လီၤ.+ ၁၉ အဃိ စီၤယိၤဟၣ်​ ကိးန့ၢ်ဝဲအပျဲၢ်အဘီၣ်ခံဂၤ ဒီးမၢအဝဲသ့ၣ်​ လဲၤလၢကစၢ်အအိၣ်​ ဒ်သိး ကသံကွၢ်အီၤလၢ “မ့ၢ်နကဲပှၤလၢ ပခိးကွၢ်လၢ်အီၤတဂၤန့ၣ်ဧါ.+ မ့တမ့ၢ် ပကဘၣ်ခိးကွၢ်လၢ် ပှၤလၢအဂၤတဂၤဒံးဧါ.” ၂၀ ဖဲအဝဲသ့ၣ်​ ဟဲတုၤလၢ ယ့ၣ်ၡူးအအိၣ်အခါ အဝဲသ့ၣ်တဲဝဲလၢ “ပှၤဘျၢတၢ် စီၤယိၤဟၣ်​ ဆှၢလီၤပှၤလၢနအိၣ်​ ဒ်သိးကသံကွၢ်နၤလၢ ‘မ့ၢ်နကဲပှၤလၢ ပခိးကွၢ်လၢ်အီၤ တဂၤန့ၣ်ဧါ. မ့တမ့ၢ် ပကဘၣ်ခိးကွၢ်လၢ် ပှၤလၢ အဂၤတဂၤဒံးဧါ.’” ၂၁ ဖဲနၣ်ရံၣ်ဝဲန့ၣ်​ ယ့ၣ်ၡူးမၤဘျါ ပှၤဆူးပှၤဆါတဖၣ်,+ တၢ်ဆါလၢအနး, နီဟးထီၣ်ကွံာ် တၢ်ဝံတၢ်နါ ဒီးပှၤလၢ အမဲာ်တထံၣ်တၢ်အါဂၤ ထံၣ်ထီၣ်က့ၤတၢ်လီၤ. ၂၂ ဒီးယ့ၣ်ၡူး တဲဆၢအဝဲသ့ၣ်လၢ “က့ၤတဲဘၣ်​ စီၤယိၤဟၣ်လၢ တၢ်လၢသုထံၣ်ဘၣ်​ ဒီးနၢ်ဟူဘၣ်တဖၣ်တက့ၢ်. ပှၤလၢ အမဲာ်တထံၣ်တၢ်တဖၣ်န့ၣ်​ ထံၣ်ထီၣ်က့ၤတၢ်လံ,+ ပှၤလၢ အခီၣ်ဟးဂီၤတဖၣ်န့ၣ်​ ဟးသ့ထီၣ်က့ၤလံ, ပှၤလၢ အဘၣ်တၢ်ဆါအၢတဖၣ်န့ၣ်​ ကဆှီထီၣ်က့ၤလံ, ပှၤလၢ အတနၢ်ဟူတၢ်တဖၣ်န့ၣ်​ နၢ်ဟူထီၣ်က့ၤတၢ်လံ,+ ပှၤလၢ အသံတဖၣ်န့ၣ်​ ဘၣ်တၢ်မၤ သမူထီၣ်က့ၤအီၤလံ ဒီးပှၤလၢ အဖှီၣ်အယာ်တဖၣ်န့ၣ်​ ဘၣ်တၢ်စံၣ်တဲၤတဲလီၤ အဝဲသ့ၣ်လၢ တၢ်သးခုကစီၣ်လံ.+ ၂၃ ပှၤလၢအတလီၤဃံၢ်လၢ ယဃိဘၣ်န့ၣ်​ ကသးခုဝဲလီၤ.”+