၂၇ ဖဲယ့ၣ်ၡူး ဟးထီၣ်ကွံာ်အခါ ပှၤမဲာ်တထံၣ်တၢ်ခံဂၤ+ ပိာ်ထီၣ်အခံ ဒီးကိးပသူထီၣ်ဝဲလၢ “စီၤဒၤဝံးအဖိခွါဧၢ,* သးကညီၤပှၤမီၤ.”

၄၆ ဝံၤဒီး အဝဲသ့ၣ်​ လဲၤနုာ်လီၤလၢ ဝ့ၢ်ယရံၤဃိအပူၤလီၤ. ဖဲယ့ၣ်ၡူး ဒီးအပျဲၢ်အဘီၣ်​ ဒီးပှၤဂီၢ်မုၢ် ဟးထီၣ်လၢ ဝ့ၢ်ယရံၤဃိအခါ စီၤဘၣ်တံၤမဲ (စီၤတံၤမဲအဖိခွါ) လၢအမ့ၢ် ပှၤမဲာ်တထံၣ်တၢ်လၢ အဃ့အီၣ်တၢ်တဂၤ ဆ့ၣ်နီၤလၢ ကျဲကပၤလီၤ.+ ၄၇ ဖဲအနၢ်ဟူဝဲလၢ ပှၤနစၤရ့းဖိယ့ၣ်ၡူး ဟဲဝဲအခါ အကိးပသူထီၣ်လၢ “စီၤဒၤဝံးအဖိခွါ+ ယ့ၣ်ၡူးဧၢ, သးကညီၤယၤမီၤ.”+ ၄၈ ဒီးပှၤဂီၢ်မုၢ်တဖၣ်​ ဒူအီၤ ဒီးမၢအအိၣ်ဘှ့ၣ်လီၤ. ဘၣ်ဆၣ်​ အဝဲကိးပသူထီၣ်ဝဲ ဆူၣ်န့ၢ်ဒံးအလီၢ်လၢ “စီၤဒၤဝံးအဖိခွါဧၢ, သးကညီၤယၤမီၤ.” ၄၉ အဃိ ယ့ၣ်ၡူးအိၣ်ပတုာ် ဒီးတဲဝဲလၢ “မၢအဟဲလၢ ယအိၣ်ဟီ.” အဃိ အဝဲသ့ၣ်ကိးန့ၢ် ပှၤမဲာ်တထံၣ်တၢ်တဂၤန့ၣ်​ ဒီးတဲအီၤလၢ “ပာ်ဆူၣ်ထီၣ်နသးဒီး ဆၢထၢၣ်ဟီ, အဝဲကိးနၤလံ.” ၅၀ အဃိ အဝဲဘ့ၣ်လီၤကွံာ် အဆ့ကၤ လၢအဖီခိၣ်တဘ့ၣ်​ ဒီးဆၢထၢၣ်​ လဲၤလၢ ယ့ၣ်ၡူးအအိၣ်​ တဘျီဃီလီၤ. ၅၁ ဒီးယ့ၣ်ၡူးတဲအီၤလၢ “နအဲၣ်ဒိးလၢ ယကမၤန့ၢ်နၤ တၢ်မနုၤလဲၣ်.” ပှၤမဲာ်တထံၣ်တၢ်တဂၤန့ၣ်​ တဲအီၤလၢ “သရၣ်ဧၢ,* ယအဲၣ်ဒိး ထံၣ်ထီၣ်က့ၤတၢ်လီၤ.” ၅၂ ယ့ၣ်ၡူး တဲဘၣ်အီၤလၢ “က့ၤဟီ, နတၢ်နာ် မၤဘျါက့ၤနၤလံ.”+ တဘျီဃီန့ၣ်​ အဝဲထံၣ်ထီၣ်က့ၤတၢ်+ ဒီးပိာ်ထီၣ်​ ယ့ၣ်ၡူးအခံလီၤ.

၃၅ ဖဲယ့ၣ်ၡူး ဟဲဘူးထီၣ်ဒီး ယရံၤဃိအခါ ပှၤလၢ အမဲာ်ချံတထံၣ်တၢ်တဂၤ ဆ့ၣ်နီၤ ဃ့အီၣ်တၢ်လၢ ကျဲကပၤလီၤ.+ ၃၆ မ့ၢ်လၢအနၢ်ဟူဝဲ ပှၤဂီၢ်မုၢ်တဖၣ်​ ဟဲဝဲအဃိ အဝဲသံကွၢ်ဝဲလၢ ပှၤမၤတၢ်မနုၤလဲၣ်. ၃၇ အဝဲသ့ၣ်​ တဲအီၤလၢ “ပှၤနစၤရ့းဖိ ယ့ၣ်ၡူးဟဲလံ.” ၃၈ ဖဲန့ၣ်​ အဝဲကိးပသူထီၣ်ဝဲလၢ “စီၤဒၤဝံးအဖိခွါ ယ့ၣ်ၡူးဧၢ, သးကညီၤယၤမီၤ.” ၃၉ ဒီးပှၤလၢ အအိၣ်လၢ တၢ်မဲာ်ညါတဖၣ်​ ဒူအီၤဒီး မၢအအိၣ်ဘှ့ၣ်လီၤ. ဘၣ်ဆၣ်​ အဝဲကိးပသူထီၣ်ဝဲ ဆူၣ်န့ၢ်ဒံးအလီၢ်လၢ “စီၤဒၤဝံးအဖိခွါဧၢ, သးကညီၤယၤမီၤ.” ၄၀ အဃိ ယ့ၣ်ၡူးအိၣ်ပတုာ် ဒီးမၢပှၤဟဲကိး ပှၤတဂၤန့ၣ်​ လၢအအိၣ်လီၤ. ဖဲအဟဲဘူးထီၣ်ဝဲအခါ ယ့ၣ်ၡူး သံကွၢ်အီၤလၢ ၄၁ “နအဲၣ်ဒိးလၢ ယကမၤန့ၢ်နၤ တၢ်မနုၤလဲၣ်.” အဝဲတဲဝဲ “ကစၢ်ဧၢ, ယအဲၣ်ဒိး ထံၣ်ထီၣ်က့ၤတၢ်လီၤ.” ၄၂ အဃိ ယ့ၣ်ၡူးတဲအီၤလၢ “နတၢ်နာ် မၤဘျါက့ၤနၤလံ. ထံၣ်ထီၣ်က့ၤတၢ်တက့ၢ်.”+ ၄၃ တဘျီဃီန့ၣ်​ အဝဲထံၣ်ထီၣ်က့ၤတၢ် ဒီးပိာ်ထီၣ်​ ယ့ၣ်ၡူးအခံ+ ဒီးမၤလၤကပီၤ ကစၢ်ယွၤလီၤ. တကးဒံးဘၣ်​ ဖဲပှၤထံၣ်ဘၣ်​ တၢ်မၤအသးအံၤအခါ ပှၤခဲလၢာ် စံးထီၣ်ပတြၢၤ ကစၢ်ယွၤလီၤ.+