၃၂ ဒီးအဝဲသ့ၣ်လဲၤတုၤလၢ တၢ်လီၢ်တတီၤလၢအမ့ၢ် က့ၤသစ့းမနၤ ဒီးယ့ၣ်ၡူးတဲဘၣ်​ အပျဲၢ်အဘီၣ်တဖၣ်လၢ “ဖဲယဃ့ထုကဖၣ်တၢ်အခါ ဆ့ၣ်နီၤဖဲအံၤနီၤ.”+ ၃၃ အဝဲလဲၤကိးဃုာ်ဝဲ စီၤပ့းတရူး, စီၤယၤကိာ် ဒီးစီၤယိၤဟၣ်လီၤ.+ ဒီးယ့ၣ်ၡူး သူၣ်ကိၢ်သးဂီၤတၢ်ဒိၣ်မး ဒီးသးအုးဒိၣ်မးလီၤ. ၃၄ ဒီးယ့ၣ်ၡူးတဲဘၣ်​ အဝဲသ့ၣ်လၢ “ယသးအုးဒိၣ်မး+ တုၤလၢယကသံလီၤ. အိၣ်ဖဲအံၤဒီး ဆိးသီနီၤ.”*+ ၃၅ ဒီးအဝဲလဲၤလၢ အမဲာ်ညါတစဲး, ထိၣ်လီၤပှီၤအသး ဒီးဃ့ထုကဖၣ်ဝဲဒ်သိး မ့ၢ်သ့န့ၣ်​ တၢ်အိၣ်သးအံၤ ကလဲၤပူၤကွံာ်အီၤ အဂီၢ်လီၤ. ၃၆ ဒီးအတဲဝဲလၢ “အးဘၤ* ပၢ်ဧၢ,+ နမၤတၢ်သ့ခဲလၢာ်လီၤ. ထုးကွံာ်ခွးအံၤလၢ ယအိၣ်တက့ၢ်. ဘၣ်ဆၣ်​ တမ့ၢ်ဒ်ယတၢ်ဘၣ်သး အသိးဘၣ်. မ်အမ့ၢ်ဒ် နတၢ်ဘၣ်သး အသိးတက့ၢ်.”+