-
မၢ်ကူး ၁၄:၄၃-၄၇ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၄၃ ဖဲယ့ၣ်ၡူး တဲတၢ်ဒံးအခါ စီၤယူဒၤလၢ အပၣ်ဃုာ်လၢ တၢ်မၢဖိတဆံခံဂၤအကျါန့ၣ် ဟဲတုၤဝဲလီၤ. ဒီးပှၤဂီၢ်မုၢ်လၢအအိၣ်ဒီး နးဒီးနီၣ်တီၢ်တဖၣ်န့ၣ် ဟဲဃုာ်ဒီးအီၤလီၤ. အဝဲသ့ၣ်မ့ၢ်ဝဲ ပှၤလၢ ပှၤလုၢ်တၢ်ဒိၣ်အခိၣ်တဖၣ် ဒီးပှၤကွဲးလံာ်ဖိ ဒီးပှၤသူၣ်က့သးပှၢ်တဖၣ် ဆှၢလီၤဝဲလီၤ.+ ၄၄ ဒီးပှၤလၢ အကဟ့ၣ်လီၤကွံာ်အီၤတဂၤန့ၣ် ဟ့ၣ်ပာ်စၢၤ ပှၤတဖၣ်န့ၣ် တၢ်ပနီၣ်ခီဖျိ တဲပာ်စၢၤအဝဲသ့ၣ်လၢ “ပှၤလၢ ယနၢမူအီၤတဂၤန့ၣ် မ့ၢ်ပှၤအဝဲန့ၣ်လီၤ. ဖီၣ်န့ၢ်အီၤ, က့ၤကိးအီၤ ဒီးပျဲထူၣ်ဖျဲးအီၤ တဂ့ၤနီၤ.” ၄၅ ဒီးအဝဲဟဲတုၤ ဒီးလဲၤလၢ ယ့ၣ်ၡူးအအိၣ် တဘျီဃီ ဒီးတဲဝဲလၢ “သရၣ်ဧၢ,”* ဒီးနၢမူအီၤ ကဖီလီဖိလီၤ. ၄၆ အဃိ အဝဲသ့ၣ်ဖီၣ်န့ၢ် ယ့ၣ်ၡူးလီၤ. ၄၇ ဘၣ်ဆၣ် ပှၤလၢအဆၢထၢၣ်ဖဲန့ၣ်တဖၣ် အကျါတဂၤ ထုးထီၣ်အနး ဒီးကျီဝဲ ပှၤလုၢ်တၢ်ခိၣ် အဒိၣ်ကတၢၢ် အကုၢ်တဂၤ ဒီးအနၢ်ကု ထီၣ်တဲာ်ဝဲတခီလီၤ.+
-
-
လူၤကၣ် ၂၂:၄၇-၅၁ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၄၇ ဖဲယ့ၣ်ၡူးတဲတၢ်ဒံးအခါ စီၤယူဒၤလၢ အပၣ်ဃုာ်လၢ တၢ်မၢဖိတဆံခံဂၤအကျါန့ၣ် ဟဲဆှၢဝဲပှၤဂီၢ်မုၢ် ဒီးအဝဲလဲၤလၢ ယ့ၣ်ၡူးအအိၣ် ဒ်သိးကနၢမူအီၤလီၤ.+ ၄၈ ဘၣ်ဆၣ် ယ့ၣ်ၡူး တဲအီၤလၢ “စီၤယူဒၤဧၢ, နကဟ့ၣ်လီၤကွံာ် ပှၤကညီဖိခွါအံၤလၢ တၢ်နၢမူတထံၣ်န့ၣ်ဧါ.” ၄၉ ဖဲပှၤလၢအိၣ်ဝးတရံးအီၤတဖၣ် ထံၣ်ဝဲတၢ်လၢ အကကဲထီၣ်အသးအခါ အဝဲသ့ၣ်တဲဝဲလၢ “ကစၢ်ဧၢ, ပကဘၣ်ကျီ အဝဲသ့ၣ်လၢနးဧါ.” ၅၀ ဒီးပှၤလၢ အဝဲသ့ၣ်အကျါတဂၤ ကျီဝဲ ပှၤလုၢ်တၢ်ခိၣ် အဒိၣ်ကတၢၢ် အကုၢ်တဂၤဒီး အနၢ်ကုလၢ အထွဲတခီ ထီၣ်တဲာ်ဝဲလီၤ.+ ၅၁ ဘၣ်ဆၣ် ယ့ၣ်ၡူး တဲဝဲလၢ “ပှဲၤန့ၣ်ဘၣ်လံ.” ဒီးယ့ၣ်ၡူးထိးဘၣ်ဝဲ အနၢ်ကု ဒီးမၤဘျါက့ၤအီၤလီၤ.
-