၁၈ ဖဲန့ၣ်အဆၢကတီၢ် အပျဲၢ်အဘီၣ်တဖၣ်​ ဟဲလၢယ့ၣ်ၡူးအအိၣ်​ ဒီးတဲဝဲလၢ “ပှၤအဒိၣ်ကတၢၢ်လၢ မူခိၣ်အဘီမုၢ်အပူၤန့ၣ်​ ကမ့ၢ် မတဂၤလဲၣ်.”+ ၂ အဃိ ယ့ၣ်ၡူးကိးန့ၢ်ဝဲ ဖိသၣ်တဂၤ ဒီးဒုးဆၢထၢၣ်အီၤလၢ အဝဲသ့ၣ်​ အခၢၣ်သးလီၤ. ၃ ဒီးယ့ၣ်ၡူးတဲဝဲလၢ “ယကတဲဘၣ်သု တီတီလၢ သုကဘၣ်ဆီတလဲ သုတၢ်ပာ်သူၣ်ပာ်သး ဒီးကဲထီၣ်ဒ် ဖိသၣ်တဖၣ်​ အသိးလီၤ.+ သုမ့ၢ်တမၤ ဒ်န့ၣ်ဘၣ်န့ၣ်​ လ့ၤတက့ၤ သုတနုာ်လီၤဘၣ်လၢ မူခိၣ်အဘီမုၢ် အပူၤဘၣ်.+ ၄ ဘၣ်ဆၣ်​ ပှၤလၢအဆီၣ်လီၤအသး ဒ်ဖိသၣ်တဂၤအံၤ အသိးန့ၣ်​ ကမ့ၢ် ပှၤအဒိၣ်ကတၢၢ်လၢ မူခိၣ်အဘီမုၢ်အပူၤ+ ၅ ဒီးပှၤလၢ အတူၢ်လိာ်ဖိသၣ်​ ဒ်အံၤတဂၤ လၢယမံၤအဃိန့ၣ်​ မ့ၢ်အတူၢ်လိာ်ယၤစ့ၢ်ကီးလီၤ.

၄၆ ဝံၤဒီး အဝဲသ့ၣ်​ တဲအါလိာ်သး ဘၣ်ဃးဒီး မတဂၤ ကဲပှၤအဒိၣ်ကတၢၢ်လၢ အဝဲသ့ၣ်​ အကျါလဲၣ်.+ ၄၇ ဒီးယ့ၣ်ၡူးသ့ၣ်ညါ တၢ်အိၣ်လၢ အဝဲသ့ၣ်​ အသးပူၤအဃိ အဝဲကိးန့ၢ်ဝဲ ဖိသၣ်တဂၤ ဒီးဒုးဆၢထၢၣ်အီၤလၢ အကပၤ ၄၈ ဒီးတဲဘၣ်​ အဝဲသ့ၣ်လၢ “ပှၤလၢအတူၢ်လိာ် ဖိသၣ်တဂၤအံၤ လၢယမံၤအဃိန့ၣ်​ မ့ၢ်အတူၢ်လိာ်ယၤ စ့ၢ်ကီးလီၤ. ဒီးပှၤလၢ အတူၢ်လိာ်ယၤန့ၣ်​ မ့ၢ်အတူၢ်လိာ်စ့ၢ်ကီး ပှၤလၢ အဆှၢလီၤယၤ တဂၤလီၤ.+ ဒီးပှၤလၢသုကျါ လၢအပာ်အသးဒ် ပှၤအဆံးတဂၤအသိးန့ၣ်​ အဝဲမ့ၢ်ပှၤလၢ အဒိၣ်လီၤ.”+

၂၄ ဒီးအဝဲသ့ၣ်စးထီၣ်​ တဲအါလိာ်အသးဆူၣ်ဆူၣ်​ ဘၣ်ဃးဒီး မတဂၤ မ့ၢ်ပှၤအဒိၣ်ကတၢၢ်လၢ အဝဲသ့ၣ်​ အကျါလဲၣ်န့ၣ်လီၤ.+