၁၀ ယဟိဝၤယွၤ ဆၢတဲာ်ပာ်စၢၤဝဲလၢ အခ့အပှၤတဂၤအံၤ ကဘၣ်နး ဘၣ်ဖှီၣ်နးမး* ဒီးကစၢ်ယွၤ ပျဲဝဲလၢ အဝဲကတူၢ်ဘၣ်တၢ်လီၤ.

အဝဲကအိၣ်မူဖးယံာ် ဒီးယဟိဝၤယွၤ အတၢ်ဘၣ်သး ကလၢထီၣ်ပှဲၤထီၣ် ခီဖျိလၢအီၤလီၤ.+

၂၄ “တၢ်ပာ်ပနီၣ်န့ၢ် တၢ်ဆၢကတီၢ် အနွံ ၇၀* လၢနပှၤကလုာ် ဒီးနဝ့ၢ်စီဆှံ+ အဂီၢ်လီၤ. ဒီးတၢ်ကမၤလီၤမၢ်ကွံာ် တၢ်မၤကမၣ်တၢ်, တၢ်ကမၤကတၢၢ်ကွံာ် တၢ်ဒဲးဘး,+ တၢ်ကပျၢ်ကွံာ် တၢ်ကမၣ်,+ တၢ်ကဒုးအိၣ်ထီၣ်​ တၢ်တီတၢ်လိၤ အထူအယိာ်,+ တၢ်ကပာ်ဂၢၢ်ပာ်ကျၢၤ တၢ်ထံၣ်လၢညါခီ ဒီးဝံအတၢ်စံးပာ်+ ဒီးတၢ်ကပာ်စီဆှံ တၢ်လီၢ်စီဆှံကတၢၢ်လီၤ.*

၂၈ ဒ်န့ၣ်အသိး ပှၤကညီဖိခွါဟဲလီၤန့ၣ်​ တမ့ၢ်လၢ ပှၤကမၤန့ၢ်တၢ်လၢအဂီၢ်ဘၣ်. အဟဲလီၤဒ်သိး အကမၤန့ၢ်တၢ်လၢ ပှၤဂၤအဂီၢ်+ ဒီးဟ့ၣ်လီၤအသးသမူ လၢပှၤအါဂၤအဂီၢ် ဒ်တၢ်ပှ့ၤက့ၤအသိးလီၤ.”+

၁၃ ခရံာ်ပှ့ၤပှၤ+ ဒီးမၤထူၣ်ဖျဲးထီၣ်က့ၤပှၤလၢ+ တၢ်ဆိၣ်အၢလၢ အဘၣ်ထွဲဒီး စီၤမိၤၡ့ အတၢ်သိၣ်တၢ်သီ ခီဖျိလၢ အဝဲကဲထီၣ် တၢ်ဆိၣ်အၢလၢပလီၢ်လီၤ. ဒ်တၢ်ကွဲးအသး အိၣ်ဝဲအသိး “ပှၤလၢ အဘၣ်တၢ်ပျၤထီအီၤလၢ သ့ၣ်တၢၣ်အလိၤန့ၣ် ဘၣ်တၢ်ဆိၣ်အၢကိးဂၤဒဲးလီၤ.”+

၁၃ ဒီးပအိၣ်ခိးကွၢ်လၢ်လၢ ပတၢ်မုၢ်လၢ်လၢ အကမၤသးခုပှၤန့ၣ်+ ကလၢထီၣ်ပှဲၤထီၣ် ဒီးပကစၢ်ယွၤလၢအဒိၣ် ဒီးပတၢ်အုၣ်က့ၤခီၣ်က့ၤကစၢ် ယ့ၣ်ၡူးခရံာ်န့ၣ် ကပာ်ဖျါထီၣ်အသး ပှဲၤဒီးတၢ်လၤကပီၤလီၤ. ၁၄ ခရံာ်န့ၣ် ဟ့ၣ်လီၤကွံာ်အသးလၢပဂီၢ်+ ဒ်သိးကမၤထူၣ်ဖျဲးပှၤလၢ+ တၢ်အၢတၢ်သီကိးမံၤဒဲး ဒီးဒ်သိး အကမၤကဆှီထီၣ် ပှၤလီၤလီၤဆီဆီတဒူၣ်လၢ အနီၢ်ကစၢ်အဂီၢ် ဒီးအဝဲသ့ၣ် ကသးဆူၣ်လၢ တၢ်မၤလၢအဂ့ၤတဖၣ်အဂီၢ်လီၤ.+