-
မးသဲ ၁၂:၁-၈ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၁၂ ဖဲန့ၣ်အဆၢကတီၢ် ယ့ၣ်ၡူးလဲၤခီဂာ်ဝဲ စံာ်ပျီတဖၣ်လၢ မုၢ်အိၣ်ဘှံးနံၤလီၤ. ဒီးအပျဲၢ်အဘီၣ်တဖၣ် အဲၣ်ဒိးအီၣ်တၢ်အဃိ အဝဲသ့ၣ်ဒဲးဝဲဘုဒီးအီၣ်ဝဲလီၤ.+ ၂ ဖဲပှၤဖၤရံၤၡဲတဖၣ် ထံၣ်ဝဲအခါ အဝဲသ့ၣ်တဲယ့ၣ်ၡူးလၢ “ကွၢ်တထံၣ်, ဘၣ်မနုၤအဃိ နပျဲၢ်နဘီၣ်တဖၣ် မၤတၢ်လၢ အတကြၢးမၤဝဲလၢ မုၢ်အိၣ်ဘှံးနံၤဘၣ်လဲၣ်.”+ ၃ ယ့ၣ်ၡူး တဲအဝဲသ့ၣ်လၢ “ဖဲစီၤဒၤဝံး ဒီးပှၤလၢ အိၣ်ဒီးအီၤတဖၣ် လီၤဘဲအခါ စီၤဒၤဝံး မၤတၢ်မနုၤလဲၣ်န့ၣ် သုတဖးဘၣ်ဧီၤ.+ ၄ စီၤဒၤဝံးလဲၤနုာ်လီၤလၢ ကစၢ်ယွၤ အဟံၣ်ပူၤ ဒီးအဝဲသ့ၣ် အီၣ်ဝဲကိၣ်လၢ တၢ်လုၢ်ထီၣ်တၢ်အဂီၢ်လီၤ.+ နီၢ်ကီၢ်န့ၣ် စီၤဒၤဝံးဒီး ပှၤလၢအအိၣ်ဒီးအီၤတဖၣ် တကြၢးအီၣ်ဝဲ ကိၣ်အံၤဘၣ်. ပှၤအီၣ်န့ၢ်ဒၣ်ထဲ ပှၤလုၢ်တၢ်ဒိၣ်တဖၣ်လီၤ.+ ၅ ဒီးလၢ မုၢ်အိၣ်ဘှံးနံၤန့ၣ် ပှၤလုၢ်တၢ်ဒိၣ်တဖၣ် လၢအအိၣ်လၢ တၢ်လုၢ်ဟံၣ်အပူၤန့ၣ် မၤကမၣ်ဝဲ မုၢ်အိၣ်ဘှံးနံၤ အတၢ်သိၣ်တၢ်သီ ဘၣ်ဆၣ် အတၢ်ကမၣ် တအိၣ်ဘၣ်န့ၣ် သုတဖးဘၣ်လၢ စီၤမိၤၡ့ အတၢ်သိၣ်တၢ်သီ အပူၤဧီၤ.+ ၆ ယကတဲဘၣ်သုလၢ ပှၤလၢအရ့ဒိၣ်န့ၢ်ဒံး တၢ်လုၢ်ဟံၣ်န့ၣ် အိၣ်ဖဲအံၤ တဂၤလီၤ.+ ၇ ဒီးသုမ့ၢ်နၢ်ပၢၢ် တၢ်ကတိၤလၢအမ့ၢ် ‘လၢပှၤကလုၢ်ထီၣ် တၢ်လုၢ်တၢ်ပာ်အလီၢ်+ ယအဲၣ်ဒိးလၢ ပှၤသးကညီၤတၢ်’+ န့ၣ် တမ့ၢ်လၢ သုကပာ်ဒ့ၣ်ပာ်ကမၣ် ပှၤလၢ အတၢ်ကမၣ်တအိၣ်ဘၣ်တဖၣ်ဘၣ်, ၈ မ့ၢ်လၢ ပှၤကညီဖိခွါအံၤမ့ၢ်ဝဲ မုၢ်အိၣ်ဘှံးနံၤ အကစၢ်အဃိလီၤ.”+
-
-
မၢ်ကူး ၂:၂၃-၂၈ဟီၣ်ခိၣ်သီ တၢ်ကွဲးကျိာ်ထံ လံာ်စီဆှံ
-
-
၂၃ ဖဲမုၢ်အိၣ်ဘှံးနံၤန့ၣ် ယ့ၣ်ၡူး လဲၤခီဂာ်ဝဲ စံာ်ပျီတဖၣ် ဒီးဖဲအပျဲၢ်အဘီၣ်တဖၣ် လဲၤတၢ်အခါ အဝဲသ့ၣ် ဒဲးဝဲဘုလီၤ.+ ၂၄ အဃိ ပှၤဖၤရံၤၡဲတဖၣ် တဲယ့ၣ်ၡူးလၢ “ကွၢ်တထံၣ်, ဘၣ်မနုၤအဃိ အဝဲသ့ၣ် မၤတၢ်လၢ ပှၤတကြၢးမၤဝဲလၢ မုၢ်အိၣ်ဘှံးနံၤဘၣ်လဲၣ်.” ၂၅ ဘၣ်ဆၣ် ယ့ၣ်ၡူး တဲအဝဲသ့ၣ်လၢ “ဖဲစီၤဒၤဝံး အတၢ်အီၣ် တအိၣ်လၢၤဘၣ်ဒီး အဝဲဒီးပှၤလၢ အအိၣ်ဒီးအီၤတဖၣ် လီၤဘဲအခါ စီၤဒၤဝံးမၤတၢ်မနုၤလဲၣ်န့ၣ် သုတဖးဘၣ် နီတဘျီဧီၤ.+ ၂၆ တၢ်ကွဲးအသး ဘၣ်ဃးဒီး စီၤအ့ဘယၤသၢ်+ လၢအမ့ၢ် ပှၤလုၢ်တၢ်ဒိၣ်အခိၣ်အဂ့ၢ်န့ၣ် ပာ်ဖျါဝဲလၢ စီၤဒၤဝံး လဲၤနုာ်လီၤလၢ ကစၢ်ယွၤအဟံၣ်ပူၤ ဒီးအီၣ်ဝဲကိၣ်လၢ တၢ်လုၢ်ထီၣ်တၢ်အဂီၢ် ဒီးဟ့ၣ်လီၤအီၣ်စ့ၢ်ကီးဝဲ ပှၤတနီၤလၢ အအိၣ်ဒီးအီၤလီၤ. နီၢ်ကီၢ်န့ၣ် ပှၤတကြၢးအီၣ်ဝဲ နီတဂၤဘၣ်, ပှၤအီၣ်န့ၢ်ဒၣ်ထဲ ပှၤလုၢ်တၢ်ဒိၣ်တဖၣ်လီၤ.”+ ၂၇ ဝံၤဒီး ယ့ၣ်ၡူးတဲဘၣ် အဝဲသ့ၣ်လၢ “တၢ်လၢ မုၢ်အိၣ်ဘှံးနံၤန့ၣ် တၢ်ဒုးအိၣ်ထီၣ်အီၤလၢ ပှၤဟီၣ်ခိၣ်ဖိအဂီၢ်လီၤ.+ တမ့ၢ်လၢ ပှၤဟီၣ်ခိၣ်ဖိ အိၣ်ထီၣ်ဝဲလၢ မုၢ်အိၣ်ဘှံးနံၤအဂီၢ်ဘၣ်. ၂၈ ပှၤကညီဖိခွါအံၤ မ့ၢ်ဝဲ မုၢ်အိၣ်ဘှံးနံၤ အကစၢ်လီၤ.”+
-