၂၄ “မ့မ့ၢ် ကယဲၢ်ပှၤလၢ အနၢ်ဟူယတၢ်ကတိၤ ဒီးမၤထွဲဝဲတဖၣ်န့ၣ်​ လီၤဂာ်ဒ်သိးဒီး ပှၤကူၣ်တၢ်သ့လၢ အသူၣ်ထီၣ်ဟံၣ်လၢ လၢၢ်ခိၣ်လီၤ.+ ၂၅ မ့ၢ်လၢဟံၣ်အံၤ သူၣ်ထီၣ်အသးလၢ လၢၢ်ခိၣ်အဃိ ဖဲတၢ်ဟဲစူၤ, ထံဒိၣ်ထီၣ်​ ဒီးကလံၤဟဲအူဘၣ်​ ဟံၣ်အခါ ဟံၣ်န့ၣ်တလီၤပှီၢ်ဘၣ်. ၂၆ မ့မ့ၢ် ကယဲၢ်ပှၤလၢ အနၢ်ဟူယတၢ်ကတိၤ ဒီးတမၤထွဲဝဲဘၣ်တဖၣ်န့ၣ်​ လီၤဂာ်ဒ်သိးဒီး ပှၤလၢအသးတဆးဘၣ်​ လၢအသူၣ်ထီၣ်အဟံၣ်လၢ မဲးခိၣ်လီၤ.+ ၂၇ ဖဲတၢ်ဟဲစူၤ, ထံဒိၣ်ထီၣ်​ ဒီးကလံၤဟဲအူဘၣ်ဟံၣ်​ ဆူၣ်ဆူၣ်အခါ+ ဟံၣ်တဖျၢၣ်အံၤလီၤပှီၢ်ဝဲဒီး ဟးဂီၤကွံာ်ဝဲ ခဲလၢာ်လီၤ.”