၁၃ “ပှၤကွဲးလံာ်ဖိ ဒီးပှၤဖၤရံၤၡဲတဖၣ်လၢ အပာ်မၤအသးသ့ၣ်ဧၢ, သုကးပံးဃာ် မူခိၣ်ဘီမုၢ်ဒ်သိး ပှၤလဲၤနုာ်လီၤ သုတန့ၢ်တဂ့ၤ အဂီၢ်လီၤ. သုနီၢ်ကစၢ်ဒၣ်ဝဲ သုတလဲၤနုာ်လီၤဘၣ်​ ဒီးပှၤလၢအအဲၣ်ဒိး လဲၤနုာ်ဝဲတဖၣ်န့ၣ်​ သုတဟ့ၣ်အခွဲးလၢ အဝဲသ့ၣ်​ ကလဲၤနုာ်လီၤဝဲ စ့ၢ်ကီးဘၣ်,+ အဃိ သုကဘၣ်ကီဘၣ်ခဲလီၤ.

၁၄ ဒီပုၢ်ဝဲၢ်သ့ၣ်ဧၢ, သုကဲထီၣ်ပှၤလၢ အကွၢ်လိ ခရံာ်ဖိအတၢ်အိၣ်ဖှိၣ်တဖၣ်လၢ အအိၣ်လၢ ယူဒၤအဟီၣ်ကဝီၤ လၢအမ့ၢ် ကစၢ်ယွၤ အတၢ်အိၣ်ဖှိၣ်တဖၣ်လီၤ. ဒ်ဒီပုၢ်ဝဲၢ်တဖၣ်လၢ အအိၣ်လၢ ယူဒၤအဟီၣ်ကဝီၤ တူၢ်ဘၣ်တၢ်မၤနးမၤဖှီၣ်လၢ ပှၤယူဒၤဖိအစုပူၤအသိး သုဝဲစ့ၢ်ကီး သုတူၢ်ဘၣ် တၢ်မၤနးမၤဖှီၣ်လၢ သုပှၤကလုာ်အစုပူၤ+ ဒ်န့ၣ်အသိးလီၤ. ၁၅ ဒီးပှၤယူဒၤဖိတဖၣ်န့ၣ် မ့ၢ်ပှၤလၢ အမၤသံကစၢ်ယ့ၣ်ၡူး+ ဒီးဝံတဖၣ် ဒီးမၤအၢမၤနးပှၤလီၤ.+ တကးဒံးဘၣ် အဝဲသ့ၣ်တမၤ တၢ်ဘၣ်ကစၢ်ယွၤအသးဘၣ် ဒီးအဝဲသ့ၣ်ထီဒါ တၢ်လၢအကဲဘျုးလၢ ပှၤခဲလၢာ်အဂီၢ်လီၤ. ၁၆ အဝဲသ့ၣ် မၤဝဲဒ်န့ၣ် ခီဖျိ အဝဲသ့ၣ်ကျဲးစၢးတြီပှၤ ဒ်သိးပသု တစံၣ်တဲၤတဲလီၤ ပှၤကလုာ်တဖၣ်လၢ တၢ်ကစီၣ်လၢ ကဆှၢအဝဲသ့ၣ်လၢ တၢ်အုၣ်က့ၤခီၣ်က့ၤတဂ့ၤအဂီၢ်လီၤ.+ လၢတၢ်န့ၣ်အဃိ အဝဲသ့ၣ်မၤအါထီၣ် အတၢ်ဒဲးဘးထီဘိလီၤ. ဘၣ်ဆၣ် ကစၢ်ယွၤအတၢ်သးဒိၣ်န့ၣ် ကလီၤဘၣ်လၢ အဝဲသ့ၣ်အလိၤ သပှၢ်တၢၢ်လီၤ.+