၁၄ “သုကဘၣ်မၤ ဘူၣ်လၢယဂီၢ် တနံၣ်သၢဘျီလီၤ.+ ၁၅ သုကဘၣ်မၤ ဘူၣ်ကိၣ်လၢ အတပၣ်ဒီး ကိၣ်မံၣ်ဘၣ်လီၤ.+ မ့ၢ်လၢ သုဟးထီၣ်လၢ ကီၢ်အဲၤကူပတူးအပူၤလၢ လါအၤဘံာ်အဃိ ဒ်ယမၤလိာ်သုအသိး တၢ်ဆၢကတီၢ်လၢ အဘၣ်တၢ်ပာ်ပနီၣ်အီၤ လၢလါအၤဘံာ်အပူၤ မ့ၢ်ဘၣ်န့ၣ်+ သုကဘၣ်အီၣ်​ ကိၣ်လၢအတပၣ်ဒီး ကိၣ်မံၣ်ဘၣ်န့ၣ်​ နွံသီလီၤ. ပှၤလၢ အတဟဲစိာ် တၢ်နီတမံၤဘၣ်န့ၣ်​ တဘၣ်​ ဟဲပာ်ဖျါထီၣ်အသး လၢယမဲာ်ညါ နီတဂၤဘၣ်.+

၁၆ “ပှၤပိာ်ခွါ ကိးဂၤဒဲးန့ၣ်​ ကဘၣ်​ ဟဲပာ်ဖျါထီၣ်အသးလၢ နကစၢ် ယဟိဝၤယွၤ အမဲာ်ညါ ဖဲတၢ်လီၢ်လၢ ကစၢ်ယွၤ ဃုထၢထီၣ်ဝဲ အလီၢ် တနံၣ်သၢဘျီလီၤ. ဖဲဘူၣ်ကိၣ်လၢအတပၣ်ဒီး ကိၣ်မံၣ်ဘၣ်,+ ဘူၣ်နွံတဖၣ်+ ဒီးဘူၣ်ဒဲတဖၣ်+ ဘၣ်ဝဲအခါ အဝဲသ့ၣ်​ ကဘၣ်​ ဟဲပာ်ဖျါထီၣ်အသး ဒီးအဝဲသ့ၣ်​ မ့ၢ်တဟဲစိာ် တၢ်နီတမံၤဘၣ်န့ၣ်​ အဝဲသ့ၣ်​ တဘၣ်​ ဟဲပာ်ဖျါထီၣ်အသး လၢယဟိဝၤယွၤ အမဲာ်ညါ နီတဂၤဘၣ်.