၃၀ စီၤကန့လံးတဲဝဲလၢ “လၢအပူၤကွံာ်လွံၢ်သီ ဒီးဖဲတၢ်ဆၢကတီၢ်ဒ်အံၤ, ဘၣ်ဖဲ ဟါလီၤခီ ၃ နၣ်ရံၣ်န့ၣ်* ယဃ့ထုကဖၣ်တၢ်လၢ ယဟံၣ်ပူၤလီၤ. ဒီးယထံၣ်​ ပှၤတဂၤလၢ အသိးဆ့ကၤ ကပြုၢ်ကပြီၤ ဆၢထၢၣ်ဝဲလၢ ယမဲာ်ညါ သတူၢ်ကလာ်လီၤ. ၃၁ ဒီးအဝဲ တဲဝဲလၢ ‘စီၤကန့လံးဧၢ, ကစၢ်ယွၤ နၢ်ဟူ ဒီးတူၢ်လိာ် နတၢ်ထုကဖၣ်လံ, ဒီးနဟ့ၣ်မၤစၢၤ ပှၤဖှီၣ်ဖိယာ်ဖိတဖၣ်န့ၣ်​ ကစၢ်ယွၤ တိၢ်နီၣ်ဃာ်ဝဲလီၤ. ၃၂ အဃိ ဆှၢလီၤပှၤတဖၣ်လၢ ဝ့ၢ်ယၤဖိၤဒ်သိး ကလဲၤကိးန့ၢ် စီၤၡံမိၣ်လၢ ပှၤကိးအီၤလၢ စီၤပ့းတရူးတက့ၢ်. အဝဲ အိၣ်တမှံၤလၢ စီၤၡံမိၣ်လၢ အမၤတၢ်မၤလၢ ဘၣ်ဃးဒီး ဆၣ်ဖိကီၢ်ဖိအဘ့ၣ်တဂၤအဟံၣ်​ လၢအအိၣ်ဘူးဒီး ပီၣ်လဲၣ်နံၤလီၤ.’+ ၃၃ အဃိ ယဆှၢလီၤ ပှၤလၢနအိၣ်​ တဘျီဃီလီၤ. ဒီးနဟဲအဃိ တၢ်ဘျုးဒိၣ်မးလီၤ. ခဲအံၤ ပဝဲခဲလၢာ် ပအိၣ်လၢ ကစၢ်ယွၤအမဲာ်ညါ ဒ်သိးပကဒိကနၣ်​ တၢ်ခဲလၢာ်လၢ ယဟိဝၤယွၤ* မၤလိာ်နၤလၢ နကတဲဖျါထီၣ်အီၤလီၤ.”