၂၆ ပှၤလၢအအိၣ်လၢ ကီၢ်မၤက့းဒနံ ဒီးအဃါယၤ ကီၢ်ရ့ၣ်အပူၤန့ၣ် အဝဲသ့ၣ်သးအိၣ် ဟ့ၣ်မၤစၢၤဝဲ ပှၤစီဆှံလၢအဖှီၣ်တဖၣ် လၢအအိၣ်လၢ ဝ့ၢ်ယရူၤၡလ့ၣ် အပူၤလီၤ.+ ၂၇ ဒီပုၢ်ဝဲၢ်တဖၣ်န့ၣ် သးအိၣ်မၤဝဲဒ်န့ၣ် ဒီးနီၢ်ကီၢ်န့ၣ် အဝဲသ့ၣ် အကမၢ်ထီၣ်ဒီး ပှၤစီဆှံတဖၣ်လီၤ. မ့ၢ်လၢ ပှၤစီဆှံတဖၣ် နီၤလီၤတ့ၢ်အဝဲသ့ၣ်လၢ တၢ်လၢအဒိးန့ၢ်ဝဲလၢ ကစၢ်ယွၤအအိၣ်* အဃိ အဝဲသ့ၣ် အကမၢ်ထီၣ်ဒီး ပှၤစီဆှံတဖၣ်လၢ နီၢ်ခိတခီလီၤ.+

၆ တကးဒံးဘၣ် ပှၤလၢအဘၣ် တၢ်သိၣ်လိအီၤလၢ ကစၢ်ယွၤ အကလုၢ်ကထါန့ၣ် မ်အနီၤလီၤ တၢ်လၢအဂ့ၤကိးမံၤဒဲးလၢ ပှၤလၢအသိၣ်လိအီၤ တဂၤန့ၣ်အအိၣ်တက့ၢ်.+

၁၅ နီၢ်ကီၢ်န့ၣ် သုဝဲပှၤဖံလံးပံၤဖိသ့ၣ်ဧၢ, သုသ့ၣ်ညါစ့ၢ်ကီးလၢ သုနၢ်ဟူဘၣ် တၢ်သးခုကစီၣ် အဆိကတၢၢ် တဘျီဝံၤအလီၢ်ခံ ဖဲယဟးထီၣ်လၢ ကီၢ်မၤက့းဒနံအခါ သုမ့ၢ်တၢ်အိၣ်ဖှိၣ်ထဲတဖုလၢ အမၤစၢၤယၤလီၤ. တၢ်အိၣ်ဖှိၣ်လၢအဂၤ တမၤစၢၤယၤဘၣ်.+ ၁၆ ဖဲယအိၣ်လၢ ဝ့ၢ်သ့းစၤလနံအပူၤအခါ သုဆှၢန့ၢ်ယၤ တၢ်လၢ ယလိၣ်ဘၣ်တဖၣ်န့ၣ် တမ့ၢ်ထဲတဘျီဘၣ်, သုဆှၢန့ၢ်ယၤ ခံဘျီညါလီၤ. ၁၇ တမ့ၢ်လၢ ယဃုတၢ်ဟ့ၣ်တဖၣ်ဘၣ်. အိၣ်ဒၣ်ယအဲၣ်ဒိးလၢ သုကဒိးန့ၢ်ဘၣ်အမၠး လၢအဟဲခီဖျိ သုမၤတၢ်ဂ့ၤအဃိလီၤ.