၈ စးထီၣ်လၢ ဆၢကတီၢ်ခဲအံၤန့ၣ် တၢ်တီတၢ်လိၤ အခိၣ်သလုး အိၣ်ပာ်လီၤအသးလၢယဂီၢ်လံ.+ ကစၢ်လၢအမ့ၢ် စံၣ်ညီၣ်ကွီၢ်လၢ အတီအလိၤတဂၤန့ၣ်+ ကဟ့ၣ်ယၤ ခိၣ်သလုးအံၤ ဒ်ခိၣ်ဖးအသိး ဖဲမုၢ်နံၤအဝဲန့ၣ်လီၤ.+ ဘၣ်ဆၣ် အတဟ့ၣ်ထဲ ယၤတဂၤဘၣ်. အကဟ့ၣ်စ့ၢ်ကီး ပှၤခဲလၢာ်လၢ အအဲၣ်ဒိးလၢ အဝဲကပာ်ဖျါထီၣ်အသးလီၤ.

၃ ပကစၢ်ယ့ၣ်ၡူးခရံာ်အပၢ် လၢအမ့ၢ်စ့ၢ်ကီး အကစၢ်ယွၤန့ၣ် မ်အဘၣ် တၢ်စံးထီၣ်ပတြၢၤအီၤတက့ၢ်. ကစၢ်ယွၤ ပာ်ဖျါထီၣ် တၢ်သးကညီၤအါမးလၢ ပဖီခိၣ် ခီဖျိအဒုးအိၣ်ဖျဲၣ်ထီၣ် ပှၤလၢအသီတဘျီ+ ဒ်သိးပကအိၣ်ဒီး တၢ်မုၢ်လၢ်လၢအမူဝဲအဂီၢ်လီၤ.+ တၢ်အဝဲအံၤ ဟဲကဲထီၣ်ခီဖျိလၢ အဒုးဂဲၤဆၢထၢၣ်သမူထီၣ်က့ၤ ယ့ၣ်ၡူးခရံာ်လၢ တၢ်သံအဃိလီၤ.+ ၄ ကစၢ်ယွၤဟ့ၣ်သု တၢ်န့ၢ်သါလၢ အဟးဂီၤတသ့ဘၣ်,+ အစီဆှံဝဲ ဒီးအကအိၣ်ဝဲလီၤထူလီၤယိာ်လီၤ. တၢ်န့ၢ်သါအံၤ အိၣ်ခိးပာ်စၢၤသုလၢ မူခိၣ်လီၤ.+