၇ ဘၣ်ဆၣ် ပတဲဘၣ်ဃးဒီး တၢ်ခူသူၣ်စီဆှံတခါ+ လၢအမ့ၢ် ကစၢ်ယွၤ အတၢ်ကူၣ်သ့လၢ အအိၣ်ခူသူၣ်အသး လၢကစၢ်ယွၤ တိာ်ပာ်တ့ၢ်ဝဲ တချုးလၢ ဟီၣ်ခိၣ် အတၢ်ရဲၣ်တၢ်ကျဲၤ လၢအအၢအသီအံၤ ဟဲကဲထီၣ်အသးဒံးဘၣ် အခါလီၤ. ကစၢ်ယွၤ မၤဝဲဒ်န့ၣ်န့ၣ် မ့ၢ်ဒ်သိး ပကဒိးန့ၢ်ဘၣ် တၢ်လၤတၢ်ကပီၤအဂီၢ်လီၤ.

၅ စိၤလၢ အပူၤကွံာ်တဖၣ်န့ၣ် တၢ်တဒုးသ့ၣ်ညါ ပှၤဟီၣ်ခိၣ်ဖိတဖၣ်လၢ တၢ်ခူသူၣ်အဝဲအံၤ လီၤတံၢ်လီၤဆဲးဘၣ်. ဘၣ်ဆၣ်ခဲအံၤ တၢ်လီၣ်ဖျါထီၣ်အီၤ ခီဖျိလၢ သးစီဆှံ ဆူတၢ်မၢဖိစီဆှံတဖၣ် ဒီးဝံတဖၣ်အအိၣ် လီၤတံၢ်လီၤဆဲးလီၤ.+ ၆ တၢ်ခူသူၣ် မ့ၢ်ဝဲဒ်အံၤလီၤ. ပှၤကလုာ်တဖၣ်လၢ အမ့ၢ် ယ့ၣ်ၡူးခရံာ် အပျဲၢ်အဘီၣ်တဖၣ်န့ၣ် ကကဲထီၣ် ပှၤန့ၢ်သါဘၣ်တၢ် ဃုာ်ဒီးပှၤ, ကပၣ်ဃုာ်လၢ နီၢ်ခိတဂၤဃီအပူၤ+ ဒီးကဒိးန့ၢ်ဘၣ် တၢ်စံးပာ်ဃုာ်ဒီးပှၤ ခီဖျိလၢ တၢ်သးခုကစီၣ် အဃိလီၤ.