၉ ပှၤတတီတလိၤ တန့ၢ်သါဘၣ် ကစၢ်ယွၤအဘီအမုၢ်ဘၣ်န့ၣ် သုတသ့ၣ်ညါဧီၤ.+ တဘၣ်လံၣ်န့ၢ်လီန့ၢ်လီၤ သုနီၢ်ကစၢ်အသးတဂ့ၤ. ပှၤလၢ အမၤကမၣ်မုၣ်ကမၣ်ခွါ* မ့ၢ်ဂ့ၤ,+ ပှၤဘါတၢ်ဂီၤတၢ်ဖှီၣ်မ့ၢ်ဂ့ၤ,+ ပှၤအဲၣ်ဘၢမါ အဲၣ်ဘၢဝၤမ့ၢ်ဂ့ၤ,+ ပိာ်ခွါလၢ အဟ့ၣ်အခွဲးလၢ ပိာ်ခွါကဒဲကဒဲ ကမၤအီၤလၢ လုၢ်လၢ်လၢ အထီဒါလိာ်သးဒီး န့ဆၢၣ်မ့ၢ်ဂ့ၤ,+ ပိာ်ခွါလၢအမံဃုာ်ဒီး ပိာ်ခွါကဒဲကဒဲမ့ၢ်ဂ့ၤ,+ ၁၀ ပှၤလၢ အဟုၣ်တၢ်မ့ၢ်ဂ့ၤ, ပှၤလၢ အသးကွံတၢ်မ့ၢ်ဂ့ၤ,+ ပှၤလၢ အအီမူၤသံးမ့ၢ်ဂ့ၤ,*+ ပှၤလၢ အဒုၣ်ဒွဲၣ်စံးအၢပှၤဂၤမ့ၢ်ဂ့ၤ, ပှၤလၢ အဟံးန့ၢ်ဆူၣ် ပှၤဂၤအတၢ်မ့ၢ်ဂ့ၤ တန့ၢ်သါဘၣ် ကစၢ်ယွၤအဘီအမုၢ်ဘၣ်.+ ၁၁ လၢညါ သုဝဲတနီၤနီၤန့ၣ် သုမ့ၢ်တ့ၢ်ပှၤဒ်န့ၣ်လီၤ. ဘၣ်ဆၣ် သုဘၣ် တၢ်မၤကဆှီထီၣ်က့ၤသု,+ သုဘၣ်တၢ်ပာ်စီဆှံသု+ ဒီးသုဘၣ် တၢ်ပာ်တီပာ်လိၤသုလၢ+ ကစၢ်ယ့ၣ်ၡူးခရံာ်အမံၤ ဒီးပကစၢ်ယွၤ အသးစီဆှံအဃိလီၤ.

၃ မ့ၢ်, တဘျီခါ ပဝဲခဲလၢာ် ပအိၣ်မူဒ် ပှၤတဖၣ်န့ၣ်အသိးလီၤ.+ ပမၤဒ်ပဖံးပညၣ် အတၢ်သူၣ်လီသးကွံ ဒီးဒ်ပတၢ်ဆိကမိၣ် အိၣ်ဝဲအသိးလီၤ.+ ဒီးဒ်ပှၤဂၤတဖၣ်အသိး စးထီၣ်လၢ ပအိၣ်ဖျဲၣ်ထီၣ်လံၤလံၤန့ၣ် ပဝဲစ့ၢ်ကီး ပမ့ၢ်ပှၤလၢအကြၢးဒီး ကစၢ်ယွၤ အတၢ်သးထီၣ်လီၤ.+

၃ ပဝဲစ့ၢ်ကီး တဘျီခါ ပကဲပှၤလၢ အတဆိကမိၣ်ထံတၢ်ဘၣ်, ပှၤလၢအနၢ်က့ၣ် ဒီးပှၤဆှၢကမၣ်ပှၤလီၤ. ပကဲတ့ၢ် တၢ်သူၣ်လီသးကွံ ဒီးတၢ်မုာ်တၢ်ပၠီၣ် အကလုာ်ကလုာ် အကုၢ်လီၤ. ဒီးပဆဲးလဲၤတၢ်လၢ တၢ်အၢတၢ်သီ ဒီးတၢ်သူၣ်က့ၣ်သးကါအပူၤ, ပကဲပှၤလၢ အလီၤသးဟ့ ဒီးပသးဟ့လိာ်သး တဂၤဒီးတဂၤလီၤ.