၂၁ ဒီးစီၤမိၤၡ့ ကိးန့ၢ် အံၣ်စရ့လး အပှၤသူၣ်က့သးပှၢ် ခဲလၢာ်+ ဒီးတဲအဝဲသ့ၣ်လၢ “လဲၤဃုထၢထီၣ်​ ဆၣ်ဖိကီၢ်ဖိတဖၣ်* လၢသုဟံၣ်ဖိဃီဖိ တဒူၣ်စုာ်စုာ်အဂီၢ် ဒီးမၤသံအီၤ ဒ်အမ့ၢ် ဘူၣ်လဲၤကပာ် အတၢ်လုၢ်အသိးတက့ၢ်. ၂၂ ဒီးသုဘၣ်ဘျၢလီၤ ကဖျီၣ်အ့စိး တကဒိၣ်လၢ တၢ်သွံၣ်လၢ အအိၣ်လၢ ထံဒၢအပူၤ ဒီးပဲထီၣ်တၢ်သွံၣ်​ လၢပဲတြီ အဒီခိၣ်​ ဒီးပဲတြီအကပၤ ခံကပၤလီၤ. ဒီးသုတဘၣ်​ ဟးထီၣ်လၢ သုဟံၣ်ပူၤ နီတဂၤဘၣ်​ တုၤလီၤလၢ ဂီၤခီလီၤ. ၂၃ ဒီးယဟိဝၤယွၤ ကလဲၤတၢ်လၢ ကီၢ်ပူၤ ဒ်သိး ကစံၣ်ညီၣ်​ ပှၤအဲၤကူပတူးဖိတဖၣ်လီၤ. ဒီးယဟိဝၤယွၤ မ့ၢ်ထံၣ်တၢ်သွံၣ်လၢ ပဲတြီ အကပၤ ခံကပၤ ဒီးဟံၣ်အပဲတြီ အဒီခိၣ်န့ၣ်​ အဝဲကလဲၤကပာ်ကွံာ်ဝဲ ပဲတြီတဘ့ၣ်အံၤ သပှၢ်ကတၢၢ် ဒီးအဝဲ တပျဲလၢ တၢ်နးတၢ်ဖှီၣ်အံၤ ကမၤသံပှၤလၢ အအိၣ်လၢသုဟံၣ်ပူၤ နီတဂၤဘၣ်.+