၇ “လၢဝ့ၢ်တဖၣ်လၢ အအိၣ်လၢ ကီၢ်လၢ ယဟိဝၤယွၤ ဟ့ၣ်လီၤသုအပူၤ နသကိးတဂၤဂၤ မ့ၢ်ဖှီၣ်လီၤန့ၣ်​ တဘၣ်မၤကိၤနသး ဒီးပံဒံ* လၢနသကိးတဂၤအံၤ အဖီခိၣ်တဂ့ၤ.+ ၈ နကဘၣ်​ သးအိၣ်ဟ့ၣ်အီၤတၢ်+ ဒီးဟ့ၣ်လိၢ်အီၤ တၢ်လၢအလိၣ်ဘၣ်ဝဲ ခဲလၢာ်လီၤ.

၁၁ အဝဲတဲဆၢက့ၤ အဝဲသ့ၣ်လၢ “ပှၤလၢအဆ့ကၤ အိၣ်ခံဘ့ၣ်န့ၣ်* မ်အဟ့ၣ်နီၤလီၤ ပှၤလၢအဆ့ကၤ တအိၣ်ဘၣ်​ တဘ့ၣ်တက့ၢ်. ဒီးပှၤလၢ အတၢ်အီၣ်တၢ်အီအိၣ်န့ၣ်​ မ်အဟ့ၣ်နီၤလီၤပှၤလၢ အတၢ်အီၣ်တၢ်အီ တအိၣ်ဘၣ်တဖၣ်​ စ့ၢ်ကီးတက့ၢ်.”+

၁၃ ဟ့ၣ်နီၤလီၤတၢ်လၢ ပှၤစီဆှံတဖၣ်အအိၣ် ဒ်အဝဲသ့ၣ် အတၢ်လိၣ်ဘၣ် အိၣ်ဝဲအသိးတက့ၢ်.+ ပာ်ဖျါထီၣ် တၢ်သးအိၣ်တူၢ်လိာ် ပှၤတမှံၤ ထီဘိတက့ၢ်.+

၁၅ အဒိ ဒီပုၢ်ဝဲၢ်မုၣ် ဒီပုၢ်ဝဲၢ်ခွါတဂၤဂ့ၤ တဂၤဂ့ၤ အတၢ်ကူတၢ်ကၤ တယၢဘၣ်* ဒီးအတၢ်အီၣ်တၢ်အီ လၢတနံၤအဂီၢ် တနံၤအဂီၢ် တယၢဘၣ်. ၁၆ ဒီးပှၤလၢသုကျါတဂၤဂၤ မ့ၢ်တဲဘၣ်အီၤလၢ “က့ၤမုာ်မုာ်နီၤ, မၤကလၢၤထီၣ်နသး ဒီးအီၣ်တၢ်ဘျဲဘျဲနီၤ” ဘၣ်ဆၣ် သုမ့ၢ်တဟ့ၣ်အီၤ တၢ်လၢအလိၣ်ဘၣ်လၢ အနီၢ်ခိတခီဘၣ်န့ၣ် မ့ၢ်အဘျုးကအိၣ်ဧါ.+

၂၀ ပှၤတဂၤဂၤ မ့ၢ်တဲလၢ “ယအဲၣ်ကစၢ်ယွၤ” ဘၣ်ဆၣ် အဝဲမ့ၢ်သးဟ့ အဒီပုၢ်ဝဲၢ်န့ၣ် အမ့ၢ်ပှၤလၢ အလံၣ်တၢ်လီတၢ်လီၤ.+ ပှၤလၢအတအဲၣ် အဒီပုၢ်ဝဲၢ်လၢ+ အထံၣ်ဝဲန့ၣ် အအဲၣ်ကစၢ်ယွၤလၢ အထံၣ်ဝဲတသ့ဘၣ်တဂၤန့ၣ် ကသ့ဒ်လဲၣ်.+