၁၅ ဒီးအဒိးန့ၢ်ဘၣ်အခွဲးလၢ အကအူနုာ်တၢ်မူ* လၢဆၣ်ဖိကီၢ်ဖိလၢ အအၢတဒုန့ၣ်အဂီၤအပူၤ ဒ်သိး ဆၣ်ဖိကီၢ်ဖိလၢ အအၢတဒုအဂီၤန့ၣ် ကတဲတၢ် ဒီးကဟ့ၣ်လီၤ တၢ်ကလုၢ်လၢ ပှၤကိးဂၤဒဲးလၢ အတဘူၣ်ထီၣ်ဘါထီၣ် ဆၣ်ဖိကီၢ်ဖိလၢ အအၢတဒုန့ၣ်အဂီၤဘၣ်န့ၣ် ကဘၣ်တၢ်မၤသံအီၤလီၤ.

၂၀ ပှၤလၢ အဆ့ၣ်နီၤလၢ ကသ့ၣ် အလိၤတဂၤန့ၣ် ဖီၣ်န့ၢ်ဝဲ ဆၣ်ဖိကီၢ်ဖိလၢ အအၢတဒုန့ၣ် ဃုာ်ဒီး ဝံလၢအဘျၣ်+ လၢအမၤတ့ၢ် တၢ်ပနီၣ်လီၤလးတဖၣ်လၢ ဆၣ်ဖိကီၢ်ဖိလၢအအၢတဒုန့ၣ်+ အမဲာ်ညါလီၤ. ခီဖျိလၢ တၢ်ပနီၣ်လီၤလးတဖၣ်အံၤအဃိ ဝံလၢအဘျၣ် ဆှၢကမၣ်တ့ၢ် ပှၤလၢအဒိးန့ၢ်ဘၣ် ဆၣ်ဖိကီၢ်ဖိလၢအအၢ အတၢ်ပနီၣ် ဒီးပှၤလၢ အဘူၣ်ထီၣ်ဘါထီၣ် ဆၣ်ဖိကီၢ်ဖိလၢအအၢန့ၣ် အဂီၤလီၤ.+ ဒီးဆၣ်ဖိကီၢ်ဖိလၢ အအၢတဒု ဒီးဝံလၢအဘျၣ်န့ၣ် တၢ်ကွံာ်လီၤမူဒံး အဝဲသ့ၣ်လၢ နိၣ်မ့ၣ်အူလၢ အအိၣ်ဒီးကး*+ လၢအကဲၤကပျီၤထီၣ်န့ၣ် အပူၤလီၤ.