၆ နကမၤဟးဂီၤ ပှၤလၢ အတဲလံၣ်တဲလီတၢ်တဖၣ်လီၤ.+

ယဟိဝၤယွၤ သးဘၣ်အၢဝဲ ပှၤလၢအမၤဆူၣ်မၤစိးတၢ် ဒီးပှၤလၢအတဲတၢ် တတီတလိၤဘၣ်လီၤ.+

၅၂ အိ ဝ့ၢ်စံယိၣ်ဧၢ,+ ပၢၢ်ထီၣ်, ပၢၢ်ထီၣ် ဒီးမၤဆူၣ်ထီၣ် နဂံၢ်နဘါတက့ၢ်.+

အိ ဝ့ၢ်စီဆှံ ယရူၤၡလ့ၣ်ဧၢ, ကူထီၣ်သိးထီၣ် နတၢ်ကူတၢ်သိးလၢ အဃံအလၤတက့ၢ်.+

ပှၤလၢ အတဒိးတၢ်ကူးတရံးဘၣ် ဒီးပှၤလၢ အတကဆှီဘၣ်န့ၣ် တဟဲနုာ်လီၤလၢ နပူၤလၢၤဘၣ်.+

၉ ပှၤတတီတလိၤ တန့ၢ်သါဘၣ် ကစၢ်ယွၤအဘီအမုၢ်ဘၣ်န့ၣ် သုတသ့ၣ်ညါဧီၤ.+ တဘၣ်လံၣ်န့ၢ်လီန့ၢ်လီၤ သုနီၢ်ကစၢ်အသးတဂ့ၤ. ပှၤလၢ အမၤကမၣ်မုၣ်ကမၣ်ခွါ* မ့ၢ်ဂ့ၤ,+ ပှၤဘါတၢ်ဂီၤတၢ်ဖှီၣ်မ့ၢ်ဂ့ၤ,+ ပှၤအဲၣ်ဘၢမါ အဲၣ်ဘၢဝၤမ့ၢ်ဂ့ၤ,+ ပိာ်ခွါလၢ အဟ့ၣ်အခွဲးလၢ ပိာ်ခွါကဒဲကဒဲ ကမၤအီၤလၢ လုၢ်လၢ်လၢ အထီဒါလိာ်သးဒီး န့ဆၢၣ်မ့ၢ်ဂ့ၤ,+ ပိာ်ခွါလၢအမံဃုာ်ဒီး ပိာ်ခွါကဒဲကဒဲမ့ၢ်ဂ့ၤ,+ ၁၀ ပှၤလၢ အဟုၣ်တၢ်မ့ၢ်ဂ့ၤ, ပှၤလၢ အသးကွံတၢ်မ့ၢ်ဂ့ၤ,+ ပှၤလၢ အအီမူၤသံးမ့ၢ်ဂ့ၤ,*+ ပှၤလၢ အဒုၣ်ဒွဲၣ်စံးအၢပှၤဂၤမ့ၢ်ဂ့ၤ, ပှၤလၢ အဟံးန့ၢ်ဆူၣ် ပှၤဂၤအတၢ်မ့ၢ်ဂ့ၤ တန့ၢ်သါဘၣ် ကစၢ်ယွၤအဘီအမုၢ်ဘၣ်.+

၁၉ တၢ်ဖံးတၢ်ညၣ် အတၢ်သူၣ်လီသးကွံ အတၢ်မၤတဖၣ်န့ၣ် အိၣ်ဖျါဝဲၡဲၡဲ ဒီးမ့ၢ်ဝဲ တၢ်မၤကမၣ်မုၣ်ကမၣ်ခွါ,*+ တၢ်တကဆှီဘၣ်, တၢ်မၤကမၣ်တၢ်လၢ တအိၣ်ဒီးတၢ်မဲာ်ဆှး,*+ ၂၀ တၢ်ဘါတၢ်ဂီၤတၢ်ဖှီၣ်, တၢ်ဝံတၢ်နါ အတၢ်ဖံးတၢ်မၤ,+ တၢ်ထီဒုၣ်ထီဒါလိာ်သး, တၢ်အ့ၣ်လိာ်ဆိးက့, တၢ်ထံၣ်ကမၣ်ပှၤဂၤ, တၢ်သးဒိၣ်ထီၣ်တၢ်, တၢ်သးတလီၤပလိာ်လိာ်သး, တၢ်လီၤမုၢ်လီၤဖး, တၢ်လူၤပိာ်ပှၤကညီအခံ, ၂၁ တၢ်သူၣ်က့ၣ်သးကါ, တၢ်အီမူၤသံး,*+ မူးပွဲလၢ အလီၤရၢၢ်လီၤစၢၢ် ဒီးတၢ်အဂၤလၢ အလီၤဂာ်ဒီး တၢ်သ့ၣ်တဖၣ်န့ၣ်လီၤ.+ ဒ်ယဟ့ၣ်ပလီၢ်ပာ်စၢၤသု ဘၣ်ဃးဒီး တၢ်ဂ့ၢ်သ့ၣ်တဖၣ်န့ၣ်အသိး ယကဟ့ၣ်ပလီၢ်ကဒီးသုလၢ ပှၤလၢအဆဲးမၤ တၢ်သ့ၣ်တဖၣ်န့ၣ် တန့ၢ်သါဘၣ် ယွၤအဘီအမုၢ်ဘၣ်.+

၈ မ့မ့ၢ်ပှၤလၢ အတၢ်သးဒူတအိၣ်ဘၣ်, ပှၤလၢ အတၢ်နာ်တအိၣ်ဘၣ်,+ ပှၤလၢအတကဆှီဘၣ် ဒီးလီၤသးဘၣ်အၢ, ပှၤလၢအမၤသံပှၤဂၤ,+ ပှၤမၤကမၣ် မုၣ်ကမၣ်ခွါတဖၣ်,*+ ပှၤလၢအမၤ တၢ်ဝံတၢ်နါ အတၢ်ဖံးတၢ်မၤ, ပှၤလၢအဘါတၢ်ဂီၤတၢ်ဖှီၣ် ဒီးပှၤလံၣ်တၢ်လီတၢ်+ ကိးဂၤဒဲးန့ၣ် အဝဲသ့ၣ် ကတုၤလၢ နိၣ်လၢအအိၣ်ဒီး မ့ၣ်အူဒီးကး*+ အပူၤ လၢအခီပညီမ့ၢ်ဝဲ တၢ်သံခံစုတစုလီၤ.”+