မၤလကံ

၄ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဝဲလၢ “မုၢ်တနံၤန့ၣ်​ ကဟဲဝဲဒ် မ့ၣ်အူအီၣ်တၢ်လၢ ဖၣ်ကပူၤအသိးလီၤ.+ ဖဲန့ၣ်အခါ ပှၤလၢ အပာ်ထီၣ်ထီအသး ဒီးပှၤလၢ အမၤတၢ်အၢတၢ်သီခဲလၢာ်န့ၣ်​ ကကဲထီၣ်​ ဒ်လီၢ်ဘိအသိးလီၤ. ဖဲတၢ်တနံၤန့ၣ်​ အဝဲသ့ၣ်​ ကတုၤလၢ တၢ်ဟးဂီၤ သပှၢ်ကတၢၢ် ဒီးအဂံၢ်မ့ၢ်ဂ့ၤ အဒ့မ့ၢ်ဂ့ၤ တအိၣ်တ့ၢ်လၢၤဘၣ်. ၂ မ့မ့ၢ် သုဝဲလၢ အမၤလၤကပီၤ* ယမံၤန့ၣ်​ တၢ်တီတၢ်လိၤအမုၢ် ကဆဲးကပီၤလီၤ လၢသုလိၤ ဒီးအတၢ်ကပီၤအယဲၤတဖၣ်​ ကမၤဘျါက့ၤသုလီၤ. ဒီးသုကဖုကဆဲး* ဒ်သိးဒီး ကျီၢ်ဖိလၢ အဘီၣ်အသိတဖၣ်လီၤ.”

၃ တၢ်သုးမုၢ်ဂီၢ်မုၢ်အကစၢ် ယဟိဝၤယွၤ တဲဝဲလၢ “မုၢ်နံၤလၢ ယမၤဒ်န့ၣ်န့ၣ်​ သုကယီၢ်တံၢ်လီၤ ပှၤအၢပှၤသီတဖၣ်​ လၢသုခီၣ်အဖီလာ် ဒီးအဝဲသ့ၣ်​ ကလီၤဂာ် ဒ်သိးဒီး ဟီၣ်ခိၣ်ကမူၣ်​ လၢသုခီၣ်အဖီလာ်လီၤ.”

၄ “ယခ့ယပှၤ စီၤမိၤၡ့ အတၢ်သိၣ်တၢ်သီ, တၢ်ဘျၢတဖၣ်​ ဒီးတၢ်စံၣ်ညီၣ်ဆၢတဲာ်တဖၣ်​ လၢယမၤလိာ်တ့ၢ် ပှၤအံၣ်စရ့လးဖိခဲလၢာ်ဖဲ ဃိၤရ့းလၢ အကဘၣ်မၤထွဲဝဲန့ၣ်​ သ့ၣ်နီၣ်ထီၣ်က့ၤအီၤတက့ၢ်.+

၅ “တချုးလၢ ယၤ, ယဟိဝၤယွၤ အမုၢ်နံၤဖးဒိၣ်​ လၢအပှဲၤဒီးအလၤကပီၤ ဟဲတုၤဒံးဘၣ်န့ၣ်+ ယကဆှၢလီၤန့ၢ်သု ဝံအ့ၤလံယၤလီၤ.+ ၆ ဒီးဒ်သိး ယသုတဟဲမၤဟးဂီၤ ဟီၣ်ခိၣ်တဂ့ၤအဂီၢ် အဝဲကဒုးကဲထီၣ်က့ၤ ပၢ်တဖၣ်အသး+ ဒ်ဖိတဖၣ်အသးအသိး ဒီးဖိတဖၣ်အသး ဒ်ပၢ်တဖၣ်အသးအသိးလီၤ.”

(လံာ်စီဆှံလၢ ဧ့ၤဘြံၤ ဒီးအရၣ်မ့းအကျိာ် တကတြူၢ်လၢ ဘၣ်တၢ်ကွဲးကျိာ်ထံက့ၤအီၤန့ၣ် ကတၢၢ်ဝဲဖဲအံၤ. လံာ်စီဆှံလၢ ကြံးကျိာ်တကတြူၢ် ကပိာ်ထွဲထီၣ်အခံ.)