၁ တံၤမသ့း
၂ အဃိ အဆိကတၢၢ် ယဟ့ၣ်သဆၣ်ထီၣ် ပှၤခဲလၢာ်လၢ ကဃ့ကညးတၢ်, ကဃ့တၢ်လၢ ပှၤဂၤအဂီၢ်, ကစံးဘျုး ကစၢ်ယွၤ ဒီးကဃ့ထုကဖၣ်တၢ် ဘၣ်ဃးဒီး ပှၤအကလုာ်ကလုာ် ၂ ပၣ်ဃုာ်ဒီး စီၤပၤတဖၣ် ဒီးပှၤလၢ အလီၢ်အလၤဒိၣ် ကိးဂၤဒဲး+ ဒ်သိးပကအိၣ်မူဘၣ် မုာ်မုာ်ခုၣ်ခုၣ် ဒီးပကပာ်ဖျါထီၣ် တၢ်သးတီဒီး ကစၢ်ယွၤ ဃုာ်ဒီးတၢ်လၢ အလီၤယူးယီၣ်ပာ်ကဲ+ လၢကျဲကိးဘိဒဲးအပူၤ အဂီၢ်လီၤ. ၃ အဝဲအံၤ မ့ၢ်တၢ်လၢအဂ့ၤ ဒီးမ့ၢ်တၢ်လၢ အဘၣ်ကစၢ်ယွၤလၢ+ အအုၣ်က့ၤခီၣ်က့ၤပှၤန့ၣ် အသးလီၤ. ၄ ကစၢ်ယွၤ အဲၣ်ဒိးဝဲလၢ ပှၤကိးကလုာ်ဒဲး ကဒိးန့ၢ်ဘၣ် တၢ်အုၣ်က့ၤခီၣ်က့ၤဒီး+ ကသ့ၣ်ညါထီၣ် တၢ်မ့ၢ်တၢ်တီ လီၤတံၢ်လီၤဆဲးလီၤ. ၅ ကစၢ်ယွၤ အိၣ်ဝဲတဂၤလီၤ.+ ဒီးလၢကစၢ်ယွၤဒီး ပှၤဟီၣ်ခိၣ်ဖိ အဘၢၣ်စၢၤန့ၣ်+ ပှၤလၢ အမၤစၢၤတၢ်လၢ ပှၤခံခီအဘၢၣ်စၢၤအိၣ်ဝဲတဂၤ+ လၢအမ့ၢ် ယ့ၣ်ၡူးခရံာ်လီၤ.+ အဝဲမ့ၢ်ပိာ်ခွါတဂၤ ၆ လၢအဟ့ၣ်လီၤအသး ဒ်တၢ်ပှ့ၤက့ၤအသိး* လၢပှၤခဲလၢာ်အဂီၢ်လီၤ.+ ပှၤကအုၣ်အသးလၢ တၢ်ဂ့ၢ်အဝဲန့ၣ် လၢအဆၢကတီၢ်ဒၣ်ဝဲလီၤ. ၇ အဃိ ကစၢ်ယွၤ ဃုထၢထီၣ်ယၤလၢ ပှၤစံၣ်တဲၤတဲလီၤတၢ်ဖိ ဒီးပှၤတၢ်မၢဖိ+ ဒ်သိးယကသိၣ်လိ+ ပှၤကလုာ်တဖၣ်လၢ+ ကအိၣ်ဒီးတၢ်နာ်ဒီး ကသ့ၣ်ညါ တၢ်မ့ၢ်တၢ်တီအဂီၢ်လီၤ. ယတလံၣ်တၢ်လီတၢ်ဘၣ်, ယတဲတၢ်မ့ၢ်တၢ်တီလီၤ.
၈ အဃိ ယအဲၣ်ဒိးလၢ ပိာ်ခွါလၢ အသးတီတဖၣ်*+ လၢတၢ်လီၢ်ကိးတီၤဒဲးန့ၣ် ကဆဲး ဃ့ထုကဖၣ်တၢ်လၢ တအိၣ်ဒီးတၢ်သးထီၣ်+ ဒီးတၢ်အ့ၣ်လိာ်ဆိးက့ဘၣ်.+ ၉ ဒ်န့ၣ်အသိး ပိာ်မုၣ်တဖၣ် ကြၢးမၤဃံမၤလၤထီၣ်အသး ခီဖျိ အကူတၢ်သိးတၢ် ဂ့ၤဂ့ၤဘၣ်ဘၣ်လၢ အလီၤပာ်ကဲ ဒီးလၢအပာ်ဖျါထီၣ် လၢအမ့ၢ် ပှၤလၢ အဆိကမိၣ်ထံတၢ်သ့ဂ့ၤဂ့ၤလီၤ. ဒီးတဘၣ်မ့ၢ်ခီဖျိလၢ တၢ်သံၣ်ခိၣ်ဆူၣ် လီၤလီၤဆီဆီတဖၣ် မ့ၢ်ဂ့ၤ, ခီဖျိလၢ အသူဝဲ ထူမ့ၢ်ဂ့ၤ, ပလဲမ့ၢ်ဂ့ၤ မ့တမ့ၢ် တၢ်ကူတၢ်သိးလၢ အပှ့ၤဖးဒိၣ်တဖၣ်မ့ၢ်ဂ့ၤန့ၣ်ဘၣ်.+ ၁၀ အဝဲသ့ၣ်ကြၢး မၤဃံမၤလၤထီၣ်အသး ခီဖျိလၢ တၢ်မၤလၢအဂ့ၤတဖၣ် ဒ်တၢ်လၢ အကြၢးဝဲဘၣ်ဝဲဒီး ပိာ်မုၣ်လၢ အတဲလီၤအသးလၢ အအဲၣ်ထူအဲၣ်ယွၤလီၤ.+
၁၁ ဖဲပိာ်မုၣ်မၤလိတၢ်အခါ လၢတၢ်ဆီၣ်လီၤသး နီၢ်ကီၢ်အပူၤ+ မ်အအိၣ်ဘှ့ၣ်တက့ၢ်. ၁၂ ပိာ်မုၣ်ကသိၣ်လိတၢ်မ့ၢ်ဂ့ၤ အိၣ်ဒီးတၢ်စိတၢ်ကမီၤလၢ ပိာ်ခွါအဖီခိၣ်မ့ၢ်ဂ့ၤ ယတဟ့ၣ်အခွဲးဘၣ်. လၢတၢ်န့ၣ်အလီၢ် အဝဲသ့ၣ်ကဘၣ်အိၣ်ဘှ့ၣ်လီၤ.+ ၁၃ စီၤအၤဒၣ်န့ၣ် ဘၣ်တၢ်တ့လီၤဆိအီၤ ဝံၤဒီးတၢ်တ့လီၤ နီၢ်အံၣ်အုလီၤ.+ ၁၄ ဒီးစီၤအၤဒၣ်န့ၣ် တဘၣ်တၢ်လံၣ်န့ၢ်လီန့ၢ်အီၤဘၣ်. မ့မ့ၢ်ပိာ်မုၣ်န့ၣ် ဘၣ်တၢ်လံၣ်န့ၢ်လီန့ၢ်အီၤ သပှၢ်တၢၢ်+ ဒီးအကဲထီၣ်ပှၤလၢ အမၤကမၣ်တၢ်လီၤ. ၁၅ ဘၣ်ဆၣ် ပိာ်မုၣ်တဖၣ် ကအိၣ်ပူၤပူၤဖျဲးဖျဲး ခီဖျိလၢ အထီၣ်ဖိထီၣ်လံၤလီၤ.*+ သနာ်က့ အဝဲကဘၣ် ဆဲးအိၣ်ဒီးတၢ်နာ် ဒီးတၢ်အဲၣ်တၢ်ကွံ, ဆဲးအိၣ်စီဆှံ ဒီးဆဲးပာ်ဖျါထီၣ် လၢအမ့ၢ် ပှၤလၢအဆိကမိၣ်ထံတၢ် သ့ဂ့ၤဂ့ၤလီၤ.+