စံးထီၣ်ပတြၢၤ
လံာ်အဆိကတၢၢ်တဘ့ၣ်
(စံးထီၣ်ပတြၢၤ ၁–၄၁)
၁ ပှၤလၢအတတူၢ်လိာ် ပှၤအၢပှၤသီ အတၢ်ဟ့ၣ်ကူၣ်ဘၣ်,
တဆၢထၢၣ်လၢ ပှၤတၢ်ဒဲးဘးဖိ အကျဲဘၣ်+
၂ အဝဲဘၣ်သူၣ်ဘၣ်သး ယဟိဝၤယွၤ အတၢ်သိၣ်တၢ်သီ+
ဒီးအဝဲဖးဝဲ ဒီးဆိကမိၣ်ထံဝဲ* ကစၢ်ယွၤ အတၢ်သိၣ်တၢ်သီ လၢမုၢ်ဆါခီ ဒီးလၢမုၢ်နၤခီလီၤ.+
၃ အဝဲကလီၤဂာ် ဒ်သ့ၣ်တထူၣ်လၢ ဘၣ်တၢ်သူၣ်လီၤအီၤလၢ ထံကျိဖိတဖၣ်အနံၤ,
သ့ၣ်တထူၣ်လၢ အသၣ်ထီၣ်လၢ အဆၢကတီၢ်ဒၣ်ဝဲ
လၢအလၣ် တလီၤညွံး လီၤဘဲဘၣ်လီၤ.
ဒီးတၢ်လၢအမၤဝဲခဲလၢာ်န့ၣ် ကကဲထီၣ်လိၣ်ထီၣ်လီၤ.+
၄ မ့မ့ၢ် ပှၤအၢပှၤသီန့ၣ် တမ့ၢ်ဒ်န့ၣ်ဘၣ်.
အဝဲသ့ၣ်န့ၣ် လီၤဂာ်ဒ် ဖ့လၢ ကလံၤအူဒံကွံာ်အီၤ အသိးလီၤ.
၅ အဃိ ဖဲတၢ်စံၣ်ညီၣ်တုၤအခါ ပှၤအၢပှၤသီ တပူၤဖျဲးဘၣ်.+
ဒီးပှၤတၢ်ဒဲးဘးဖိ တဆဲးအိၣ်လၢ ပှၤတီပှၤလိၤ အတၢ်အိၣ်ဖှိၣ် အကျါဘၣ်.+