ယၡါယၤ

၄၆ ဘ့လး* ဆှိလီၤအသး+ ဒီးနဘိ* သကူးလီၤအသးလီၤ.

 ၂ အဝဲသ့ၣ် သကူးလီၤအသး ဒီးဆှိလီၤအသး ဒ်သိးသိးလီၤ.

ယွၤတဖၣ်အံၤ မၤပူၤဖျဲးအဂီၤတဖၣ် တန့ၢ်ဘၣ်.

ဒီးအဝဲသ့ၣ် အနီၢ်ကစၢ်ဒၣ်ဝဲ ဘၣ်တၢ်က့ၤဖီၣ်အီၤလီၤ.

 ၃ “စီၤယၤကိာ် အစၢၤအသွဲၣ် ဒီးပှၤအံၣ်စရ့လးဖိလၢ အအိၣ်တ့ၢ် ခဲလၢာ်သ့ၣ်ဧၢ, ကနၣ်ယၤတက့ၢ်.+

စးထီၣ်လၢ သုကဲထီၣ် ပှၤတကလုာ်လံၤလံၤန့ၣ် ယစိာ်သု ဒီးကွၢ်ထွဲသု ဒ်မိၢ်တဂၤလၢ အကွၢ်ထွဲ အဖိလၢ အအီနုၢ် အသိးလီၤ.+

ယကစိာ်သု, ဆီၣ်ထွဲသု ဒီးမၤပူၤဖျဲးသု ဒ်ယမၤလၢညါအသိးလီၤ.+

 ၅ သုကထိၣ်သတြီၤယၤဒီး မတဂၤလဲၣ်. ဒီးပှၤလၢသုကပာ်အီၤ ထဲသိးဒီးယၤန့ၣ် အိၣ်တဂၤဂၤဧါ.+

သုတဲလၢ ယလီၤဂာ်ဒီးပှၤအဂၤတဂၤ ကသ့ဧါ.+

ယွၤတဂၤန့ၣ် တသုးအသး လၢ အလီၢ်ဘၣ်.+

အဝဲသ့ၣ် ကိးပသူထီၣ်လၢ ယွၤတဂၤန့ၣ်အအိၣ် ဘၣ်ဆၣ် အတစံးဆၢတၢ်ဘၣ်.

ဒီးအမၤပူၤဖျဲး ပှၤလၢတၢ်ကိၢ်တၢ်ဂီၤ တသ့နီတဂၤဘၣ်.+

 ၈ သ့ၣ်နီၣ်ထီၣ်တၢ်ဂ့ၢ်တဖၣ်န့ၣ် ဒီးပာ်ဖျါထီၣ်တၢ်သးဒူတက့ၢ်.

ပှၤမၤကမၣ်တၢ်ဖိသ့ၣ်ဧၢ, တိၢ်နီၣ်လၢ သုသးပူၤတက့ၢ်.

 ၉ သ့ၣ်နီၣ်ထီၣ်က့ၤ တၢ်လၢအမၤတ့ၢ်အသး လၢပျၢၤတက့ၢ်.

သ့ၣ်နီၣ်ထီၣ်လၢ ယမ့ၢ် ကစၢ်ယွၤ ဒီးကစၢ်ယွၤ လၢအဂၤ တအိၣ်ဘၣ်.

ယမ့ၢ် ကစၢ်ယွၤ ဒီးပှၤလၢအလီၤဂာ်ဒီးယၤ တအိၣ်နီတဂၤဘၣ်.+

ယတဲဝံၤလံ ဒီးယကမၤလၢပှဲၤ အီၤလီၤ.

ယတိာ်ပာ်တၢ်လံ ဒီးယကဒုးကဲထီၣ်အီၤလီၤ.+

ဒီးယတၢ်အုၣ်က့ၤခီၣ်က့ၤန့ၣ် တစဲၤခံဘၣ်.+

ယကအုၣ်က့ၤခီၣ်က့ၤ စံယိၣ် ဒီးယကဟ့ၣ်လီၤ ပှၤအံၣ်စရ့လးဖိလၢ တၢ်ဃံတၢ်လၤလီၤ.+