စံးထီၣ်ပတြၢၤ
စီၤဒၤဝံးအထါ.
၂၆ အိ ယဟိဝၤယွၤဧၢ, ယလဲၤတၢ်လၢ တၢ်သးတီအပူၤလံအဃိ စံၣ်ညီၣ်န့ၢ်တၢ်လၢ ယဂီၢ်တက့ၢ်.+
ယနာ်န့ၢ်ယဟိဝၤယွၤ ဒီးယသး တဒ့ဒီဘၣ်.+
၂ အိ ယဟိဝၤယွၤဧၢ, သမံသမိးယၤ ဒီးမၤကွၢ်ယၤတက့ၢ်.
မၤကဆှီထီၣ် ယတၢ်ဆိကမိၣ်လၢအယိာ်* ဒီးယသးတက့ၢ်.+
၃ နတၢ်အဲၣ်လၢအတီန့ၣ် အိၣ်လၢ ယမဲာ်ညါထီဘိ
ဒီးယလဲၤတၢ်လၢ နတၢ်မ့ၢ်တၢ်တီ အပူၤလီၤ.+
၆ အိ ယဟိဝၤယွၤဧၢ, ယသ့ယစု ဒ်သိး ယကပာ်ဖျါထီၣ်လၢ ယတၢ်ကမၣ်တအိၣ်ဘၣ်.
ဒီးယကဟးဝးတရံး နတၢ်လုၢ်လီၢ်လီၤ.
၇ ယကစံးဘျုးနၤလၢ ယကလုၢ်ဖးဒိၣ်+
ဒီးတဲဖျါထီၣ် နတၢ်မၤလၢ အလီၤလိၢ်လီၤလး ခဲလၢာ်လီၤ.
၉ တဘၣ်ခွဲဖျိးယၤ ဃုာ်ဒီး ပှၤတၢ်ဒဲးဘးဖိတဖၣ်တဂ့ၤ.+
ဒီးတဘၣ်မၤဟးဂီၤ ယသးသမူ ဃုာ်ဒီးပှၤလၢ အမၤဆူၣ်မၤစိးတၢ်တဖၣ်,
၁၀ ပှၤလၢအမၤဝဲ လုၢ်လၢ်သကဲာ်ပဝးလၢ အလီၤမဲာ်ဆှး
ဒီးပှၤလၢအတူၢ်လိာ် တၢ်ထီးကျိၣ် ထီးစ့* တဂ့ၤ.
၁၁ မ့မ့ၢ်ယၤန့ၣ် ယကလဲၤတၢ်လၢ တၢ်သးတီအပူၤလီၤ.
မၤပူၤဖျဲးယၤ ဒီးဘၣ်သူၣ်ဘၣ်သးယၤတက့ၢ်.
၁၂ ယဆၢထၢၣ်လၢ တၢ်လီၢ်လၢ အဂၢၢ်ကျၢၤလီၤ.+
လၢတၢ်အိၣ်ဖှိၣ်ဖးဒိၣ်အပူၤန့ၣ် ယကစံးထီၣ်ပတြၢၤ ယဟိဝၤယွၤလီၤ.+