ယံးရမံယၤ
၅ ဟးဝ့ၤဝီၤလၢ ဝ့ၢ်ယရူၤၡလ့ၣ် အကျဲတဖၣ်တက့ၢ်.
ကွၢ်တရံးတၢ် ဒီးပာ်သူၣ်ပာ်သးတက့ၢ်.
လၢအတၢ်ဆါတၢ်ပှ့ၤအလီၢ်န့ၣ်
မ့ၢ်သုဃုထံၣ်န့ၢ်ပှၤလၢ အမၤတၢ် တီတီလိၤလိၤ+
ဒီးပှၤလၢ အဂုာ်ကျဲးစၢး ဒ်သိးအကအိၣ်ဒီးတၢ်သးတီန့ၣ် အိၣ်တဂၤဂၤဧါ.
မ့ၢ်အိၣ်တဂၤဂၤန့ၣ် ယကပျၢ်ကွံာ် ဝ့ၢ်ယရူၤၡလ့ၣ် အတၢ်ကမၣ်လီၤ.
၂ အဝဲသ့ၣ် မ့ၢ်တဲဝဲလၢ “ဒ်ယဟိဝၤယွၤ မ့ၢ်ပှၤလၢ အမူဝဲ သပှၢ်ကတၢၢ်အသိး”
သနာ်က့ အဝဲသ့ၣ် အၢၣ်လီၤဒံးတၢ်လၢ တၢ်တတီတလိၤ အပူၤလီၤ.+
၃ အိ ယဟိဝၤယွၤဧၢ, နဃုကွၢ် ပှၤလၢ အအိၣ်ဒီးတၢ်သးတီ တမ့ၢ်ဘၣ်ဧါ.+
နစံၣ်ညီၣ်အဝဲသ့ၣ် ဘၣ်ဆၣ် အဝဲသ့ၣ် တပာ်ဝဲလၢ တၢ်နီတမံၤဘၣ်.
နမၤဟးဂီၤအဝဲသ့ၣ်ဒီဒူၣ် ဘၣ်ဆၣ် အဝဲသ့ၣ် တဟံးန့ၢ်တၢ်မၤလိဘၣ်.+
၄ ဘၣ်ဆၣ် ယတဲလီၤယသးလၢ “ပှၤတဖၣ်န့ၣ် ကဘၣ်မ့ၢ်ထဲ ပှၤပတီၢ်မုၢ်ဖိတဖၣ်လီၤသၢၤ.
ခီဖျိလၢ အဝဲသ့ၣ် တသ့ၣ်ညါ ယဟိဝၤယွၤ အတၢ်ဘၣ်သး*
ဒီးတသ့ၣ်ညါ ကစၢ်ယွၤ အတၢ်သိၣ်တၢ်သီဘၣ်အဃိ အဝဲသ့ၣ် မၤကြီတၢ်လီၤမၢၤ.
၅ အဃိ ယကလဲၤလၢ ပှၤဒိၣ်ပှၤပှၢ်တဖၣ်အအိၣ် ဒီးယကတဲတၢ်ဒီး အဝဲသ့ၣ်လီၤ.
မ့မ့ၢ်အဝဲသ့ၣ်န့ၣ် ကပလီၢ်အသးဘၣ်ဃးဒီး ယဟိဝၤယွၤ အတၢ်ဘၣ်သး
ဒီးကစၢ်ယွၤ အတၢ်သိၣ်တၢ်သီ လီၤသၢၤ.+
ဘၣ်ဆၣ် အနီၢ်ကီၢ်န့ၣ် အဝဲသ့ၣ် ခဲလၢာ် မၤကၢ်နီၣ်ယိးဘိ*
ဒီးမၤတဲာ်ကွံာ် ပျံၤစၢဃာ်တဖၣ်လံ.”
၆ လၢတၢ်န့ၣ်အဃိ ခ့ယုၢ်လၢပှၢ်ကျါ ဟဲအ့ၣ်အဝဲသ့ၣ်,
ထွံၣ်မံၤလၢ မဲးမုၢ်ခိၣ် အ့ၣ်ဖှီအဝဲသ့ၣ်
ဒီးခ့စံၣ်ပိၣ် ခိးခူသူၣ်တၢ် ဘူးဒီး အဝဲသ့ၣ် အဝ့ၢ်တဖၣ်လီၤ.
ပှၤလၢအဟးထီၣ်လၢ ဝ့ၢ်တဖၣ်အံၤအပူၤ ကိးဂၤဒဲးန့ၣ် ဘၣ်တၢ်အ့ၣ်ဖှီအီၤ တက့တခီ
မ့ၢ်လၢ အဝဲသ့ၣ် အတၢ်ကမၣ် အိၣ်ဒီဒူၣ်
ဒီးအဝဲသ့ၣ် အတၢ်သးတတီဘၣ်န့ၣ် အိၣ်ဖျါထီၣ် အဘျီအါမး အဃိလီၤ.+
၇ ဘၣ်ဃးဒီး တၢ်ဂ့ၢ်တဖၣ်အံၤ ယပျၢ်န* တၢ်ကမၣ် ကသ့ဒ်လဲၣ်.
နဖိခွါတဖၣ် ပာ်တ့ၢ်ကွံာ်ယၤ
ဒီးအဝဲသ့ၣ် အၢၣ်လီၤတၢ်လၢ အတမ့ၢ်ကစၢ်ယွၤဘၣ် အအိၣ်လီၤ.+
ယမၤလၢပှဲၤ အဝဲသ့ၣ် အ တၢ်လိၣ်ဘၣ်တဖၣ်
ဘၣ်ဆၣ် အဝဲသ့ၣ် ဆဲးအဲၣ်ဘၢယၤ
ဒီးအဝဲသ့ၣ် လဲၤပာ်ဖှိၣ်ထီၣ်အသး ဒီဒူၣ် လၢပိာ်မုၣ်လၢ အဆါလီၤ အီၣ်သးအဟံၣ်ပူၤလီၤ.
၈ အဝဲသ့ၣ် ကိးဂၤဒဲး လဲၤလူၤ ပှၤဂၤအမါလၢ တၢ်သးကတၢအပူၤ+
လီၤဂာ်ဒ်သိးဒီး ကသ့ၣ်ဖါတံၢ်လၢ အသးဆူၣ်တဖၣ်လီၤ.
၉ ယဟိဝၤယွၤ တဲဝဲလၢ “အဝဲသ့ၣ် မၤဝဲဒ်န့ၣ်န့ၣ် ယတကြၢး ဟံးန့ၢ်အီၤ အရ့ဧီၤ.
ပှၤကလုာ် ဒ်အံၤတကလုာ်န့ၣ် ယတကြၢး ဟ့ၣ်ကၣ်အီၤဧီၤ.”+
၁၀ “လဲၤထီၣ်လၢ ဝ့ၢ်ယရူၤၡလ့ၣ် အစပံးကျီးတဖၣ် ဒီးမၤဟးဂီၤအီၤတက့ၢ်.
ဘၣ်ဆၣ် တဘၣ်မၤဟးဂီၤကွံာ်အီၤ လၢာ်လၢာ်ဆ့ဆ့တဂ့ၤ.+
အဒ့ဘီၣ်တဖၣ်န့ၣ် တမ့ၢ် ယၤ, ယဟိဝၤယွၤ အတၢ်ဘၣ်အဃိ
ကျီကွံာ်အီၤတက့ၢ်.
၁၁ အံၣ်စရ့လး အပှၤဂီၢ်မုၢ် ဒီးယူဒၤ အပှၤဂီၢ်မုၢ်
တသးတီဒီးယၤ နီတစဲးဘၣ်.” ယၤ, ယဟိဝၤယွၤ တဲဝဲဒ်န့ၣ်လီၤ.+
တၢ်နးတၢ်ဖှီၣ် တဟဲဘၣ်ပှၤဘၣ်,
ပတထံၣ်ဘၣ် တၢ်ဒုးတၢ်ယၤ ဒီးတၢ်သၣ်ဝံၤလီၤဒိဘၣ်.’+
၁၃ ဝံတဖၣ်န့ၣ် တဲထဲတၢ်ကတိၤလၢ အဘျုးတအိၣ်ဘၣ်
ဒီးကစၢ်ယွၤ အတၢ်ကတိၤ တအိၣ်လၢ အဝဲသ့ၣ်အပူၤဘၣ်.
ဒီးအဝဲသ့ၣ် ကကဲထီၣ် တၢ်လၢအဘျုးတအိၣ်ဘၣ် ဒ်အဝဲသ့ၣ် အတၢ်ကတိၤတဖၣ် အသိးလီၤ.”
၁၄ လၢတၢ်န့ၣ်အဃိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ
“ပှၤသ့ၣ်တဖၣ်အံၤ တဲဝဲဒ်န့ၣ်အဃိ
ဒီးပှၤသ့ၣ်တဖၣ်န့ၣ် ကကဲဝဲသ့ၣ်မုၣ်
ဒီးမ့ၣ်အူကအီၣ်ကွံာ် အဝဲသ့ၣ်လီၤ.”+
၁၅ ယဟိဝၤယွၤတဲဝဲလၢ “အံၣ်စရ့လး အပှၤဂီၢ်မုၢ်သ့ၣ်ဧၢ, ယကဒုးဟဲ ပှၤတကလုာ်လၢ အအိၣ်ဖးယံၤလၢသုအိၣ်လီၤ.+
အမ့ၢ်ဝဲ ပှၤတကလုာ်လၢ အအိၣ်ပာ်စၢၤဖးယံာ်,
ပှၤလၢပျၢၤတကလုာ်,
ပှၤတကလုာ်လၢ သုတသ့ၣ်ညါ အကျိာ်ဘၣ်
ဒီးသုတနၢ်ပၢၢ် အတၢ်ကတိၤ တဖၣ်ဘၣ်.+
၁၆ အဝဲသ့ၣ် အပျၢ်ပီၤန့ၣ် လီၤဂာ်ဒ်သိးဒီး တၢ်သွၣ်ခိၣ်လၢ အအိးထီၣ်အသး
ဒီးအဝဲသ့ၣ်ခဲလၢာ် မ့ၢ်ဝဲ ပှၤသုးဖိလၢ အဂံၢ်ဆူၣ်ဘါဆူၣ်လီၤ.
၁၇ အဝဲသ့ၣ် ကဟံးန့ၢ်ကွံာ် သုဘု ဒီးအီၣ်ကွံာ်သုကိၣ်,+
အဝဲသ့ၣ် ကမၤသံ သုဖိမုၣ် ဒီးသုဖိခွါတဖၣ်,
အဝဲသ့ၣ် ကမၤသံ သုသိ ဒီးသုကျီၢ်တဖၣ်
ဒီးအဝဲသ့ၣ် ကအီၣ်ကွံာ် သုစပံးသၣ် ဒီးသုချၢၣ်ဒၢသၣ်တဖၣ်လီၤ.
သုဝ့ၢ်တဖၣ်လၢအအိၣ်ဒီး အဒူၣ်လၢအကျၢၤ လၢသုနာ်န့ၢ်အီၤန့ၣ် အဝဲသ့ၣ် ကမၤဟးဂီၤကွံာ်ဝဲလၢ အတၢ်စုကဝဲၤတဖၣ်လီၤ.”
၁၈ ယဟိဝၤယွၤ တဲဝဲလၢ “ဘၣ်ဆၣ် ဖဲန့ၣ်အဆၢကတီၢ်ဒၣ်လဲာ် ယတမၤဟးဂီၤကွံာ်သု ခဲလၢာ်ခဲဆ့ဘၣ်.+ ၁၉ ဒီးအဝဲသ့ၣ် မ့ၢ်သံကွၢ်ဝဲလၢ ‘ဘၣ်မနုၤအဃိ ပကစၢ် ယဟိဝၤယွၤ မၤပှၤထဲအံၤညါလဲၣ်’ န့ၣ်နကဘၣ် တဲဆၢအဝဲသ့ၣ်လၢ ‘ဒ်သုပာ်တ့ၢ်ယၤလၢ သုကမၤ ပှၤထံဂၤကီၢ်ဂၤဖိ အယွၤတဂၤ အတၢ်လၢ သုကီၢ်ပူၤအဂီၢ်အသိး သုကမၤ ပှၤထံဂၤကီၢ်ဂၤဖိတဖၣ် အတၢ်လၢ ထံကီၢ်တဘ့ၣ်လၢ အတမ့ၢ်သုထံကီၢ်ဘၣ် အပူၤလီၤ.’”+
၂၀ တဲဖျါထီၣ် တၢ်ဂ့ၢ်တခါအံၤလၢ စီၤယၤကိာ် အစၢၤအသွဲၣ် တဖၣ်အအိၣ်
ဒီးဘိးဘၣ်သ့ၣ်ညါ တၢ်ဂ့ၢ်တခါအံၤလၢ ယူဒၤအပှၤဂီၢ်မုၢ်အအိၣ် ဒီးတဲလၢ
၂၁ “သုဝဲပှၤဟးဂီၤဖိ ဒီးပှၤလၢ အသးတဆးဘၣ်သ့ၣ်ဧၢ, ကနၣ်လၢအံၤ.+
သုမဲာ်ချံအိၣ် ဘၣ်ဆၣ် သုတထံၣ်တၢ်ဘၣ်.+
သုနၢ်ကုအိၣ် ဘၣ်ဆၣ် သုတနၢ်ဟူတၢ်ဘၣ်.+
၂၂ ယဟိဝၤယွၤ တဲဝဲလၢ ‘သုတပျံၤ ယၤဧီၤ.
ဘၣ်မနုၤအဃိ သုတကနိးကစုာ်လၢ ယမဲာ်ညါဘၣ်လဲၣ်.
ယမ့ၢ်ပှၤလၢ ပာ်လီၤတ့ၢ် မဲးတဖၣ် ဒ်ပီၣ်လဲၣ်အဆၢအသိး
ဒီးအလီၤဂာ်ဒီး တၢ်ဘျၢလၢ အဂၢၢ်အကျၢၤတခါလၢ ပီၣ်လဲၣ် ခါကပာ် တန့ၢ်ဘၣ်.
ပီၣ်လဲၣ်အလပီတဖၣ် မ့ၢ်ဆှဲးဆှိး ဘၣ်ဆၣ် လဲၤတလၢကွံာ် တၢ်အဆၢန့ၣ် တသ့ဘၣ်.
လပီမ့ၢ်သီၣ်ရုၢ်ရုၢ် သနာ်က့ လဲၤခီဂာ် တၢ်အဆၢန့ၣ် တသ့ဘၣ်.+
၂၃ ဘၣ်ဆၣ် ပှၤဂီၢ်မုၢ်အံၤ အခိၣ်ကိၤ ဒီးအအိၣ်ဒီး သးလၢအအဲၣ်ဒိး ထီဒါက့ၤတၢ်လီၤ.
အဝဲသ့ၣ် ပာ်တ့ၢ်ကွံာ်ယၤ ဒီးလဲၤလၢ အနီၢ်ကစၢ် အကျဲဒၣ်ဝဲလီၤ.+
၂၄ ဒီးအဝဲသ့ၣ် တတဲလီၤ အနီၢ်ကစၢ်အသး ဒ်လၢလာ်အံၤ အသိးဘၣ်.
“ခဲအံၤ မ်ပပျံၤ ပကစၢ် ယဟိဝၤယွၤတက့ၢ်.
အဝဲမ့ၢ် ပှၤတဂၤလၢ အဟ့ၣ်ပှၤ တၢ်စူၤထံ လၢအဆၢကတီၢ်ဒၣ်ဝဲ
ဒ်သိးဒီး တၢ်စူၤထံ ဖဲတၢ်ဂိၢ်ထီၣ်သီ အကတီၢ် ဒီးတၢ်ကိၢ်ထီၣ်သီ အကတီၢ်လီၤ.
အဝဲမ့ၢ် ပှၤတဂၤလၢ အမၤဝဲဒ်သိး ပကအိၣ်ဘၣ်ဒီး ကူးဘု အဆၢကတီၢ်လီၤ.”+
၂၅ ခီဖျိလၢ သုနီၢ်ကစၢ် တၢ်ကမၣ်တဖၣ်အဃိ သုတဒိးန့ၢ်ဘၣ် တၢ်အဘျုးတဖၣ်န့ၣ်ဘၣ်.
ခီဖျိလၢ သုနီၢ်ကစၢ် တၢ်ဒဲးဘးတဖၣ်အဃိ သုတဒိးန့ၢ်ဘၣ် တၢ်လၢ အဂ့ၤဘၣ်.+
၂၆ ပှၤအၢပှၤသီ အိၣ်ဝဲလၢ ယပှၤဂီၢ်မုၢ်အကျါလီၤ.
အဝဲသ့ၣ် ဆဲးခိးကွၢ်တၢ် ဒ်ပှၤဖီၣ်ထိၣ်ဖိ ခိးကွၢ်တၢ်အသိးလီၤ.
အဝဲသ့ၣ် ပာ်လီၤပျံၤသကွီၤ လၢအမၤသံတၢ်သ့
ဒ်သိး ကဖီၣ်န့ၢ်ဝဲ ပှၤကညီအဂီၢ်လီၤ.
၂၇ ဒ်ဃၤတဖျၢၣ်လၢ အပှဲၤဒီးထိၣ်တဖၣ်အသိး
အဝဲသ့ၣ် အဟံၣ်တဖၣ်န့ၣ် အိၣ်ပှဲၤဒီး တၢ်လၢအဝဲသ့ၣ် န့ၢ်ဘၣ်ဝဲခီဖျိ တၢ်လံၣ်တၢ်လီလီၤ.+
အဃိ အဝဲသ့ၣ် ကဲထီၣ်ပှၤလၢ အအိၣ်ဒီး တၢ်စိတၢ်ကမီၤ ဒီးကဲထီၣ် ပှၤထူးပှၤတီၤလီၤ.
၂၈ အဝဲသ့ၣ် ဘီၣ်ထီၣ်သိထီၣ်, အဖံးဘျ့ညၣ်ဘျ့
ဒီးအိၣ်ပှဲၤဒီး တၢ်အၢတၢ်သီလီၤ.
ဒ်သိး အဝဲသ့ၣ် အတၢ်အိၣ်မူ ကဘီၣ်ထီၣ်ညီထီၣ်အဂီၢ်
အဝဲသ့ၣ် တစံၣ်ညီၣ်န့ၢ်တၢ်လၢ ပှၤဖိၣ်ဃဲဖိတဖၣ်အဂီၢ်ဘၣ်+
ဒီးတဟ့ၣ်အခွဲးလၢ ပှၤဖှီၣ်ဖိယာ်ဖိ ကဒိးန့ၢ်ဘၣ် တၢ်စံၣ်ညီၣ် လၢအတီဘၣ်.’”+
၂၉ ယဟိဝၤယွၤ တဲဝဲလၢ “အဝဲသ့ၣ် မၤဝဲဒ်န့ၣ်န့ၣ် ယတကြၢး ဟံးန့ၢ်အီၤ အရ့ဧီၤ.
ပှၤကလုာ် ဒ်အံၤတကလုာ်န့ၣ် ယတကြၢး ဟ့ၣ်ကၣ်အီၤဧီၤ.
၃၀ တၢ်လၢ အလီၤကမၢကမၣ် ဒီးအလီၤပျံၤလီၤဖုးတမံၤ ကဲထီၣ်အသးလၢ ကီၢ်ပူၤလီၤ.
၃၁ ဝံတဖၣ် တဲဝံအတၢ်စံးပာ်လၢ အတမ့ၢ်တတီဘၣ်+
ဒီးပှၤလုၢ်တၢ်ဒိၣ်တဖၣ် သူအ တၢ်စိတၢ်ကမီၤလၢ ကဒိၣ်စိလၢ ပှၤဂၤအဖီခိၣ်လီၤ.
ယပှၤဂီၢ်မုၢ် ဘၣ်သူၣ်ဘၣ်သးဝဲ ဒ်န့ၣ်လီၤ.+
ဘၣ်ဆၣ် ဖဲတၢ်ကတၢၢ်ဘၣ်အခါ သုကမၤဒ်လဲၣ်.”