စံၣ်တဲၤတဲလီၤတၢ်
၁ တၢ်ကတိၤတဖၣ်အံၤ မ့ၢ်ဝဲ ပှၤစံၣ်တဲၤတဲလီၤတၢ်တဂၤ*+ အတၢ်ကတိၤလီၤ. အဝဲမ့ၢ် စီၤဒၤဝံးအဖိခွါ ဒီးမ့ၢ်စ့ၢ်ကီး စီၤပၤလၢ ဝ့ၢ်ယရူၤၡလ့ၣ် အပူၤလီၤ.+
၂ ပှၤစံၣ်တဲၤတဲလီၤတၢ်တဂၤ တဲဝဲဒၣ်လၢ “တၢ်ကလီကလီလီၤ. တၢ်ကလီကလီလီၤ.
တၢ်ခဲလၢာ်န့ၣ် မ့ၢ်ဝဲ တၢ်ကလီကလီလီၤ.”+
၅ မုၢ်ဟဲထီၣ် ဒီးမုၢ်လီၤနုာ်
ဝံၤဒီးအက့ၤကဒါက့ၤ ချ့ချ့ ဒီးဟဲထီၣ်ကဒီးဝဲလီၤ.+
၆ ကလံၤအူတၢ်ဆူ ကလံၤထံးတခီ ဒီးကလံၤက့ၤကဒါက့ၤလၢ ကလံၤစိးတခီလီၤ.
ကလံၤ လဲၤတရံးဝဲ တဝီဝံၤတဝီ ဒီးဟဲက့ၤကဒီးဝဲလီၤ.
၇ ထံကျိဖိတဖၣ် ယွၤလီၤဝဲလၢ ပီၣ်လဲၣ်ပူၤ ဘၣ်ဆၣ် ပီၣ်လဲၣ် တပှဲၤဘၣ်.+
ထံတဖၣ် က့ၤကဒါက့ၤလၢ တၢ်လီၢ်လၢ ထံကျိတဖၣ်ဟဲယွၤလီၤအလီၢ် ဒီးယွၤလီၤကဒီးဝဲလီၤ.+
၈ တၢ်ခဲလၢာ်န့ၣ် မၤလီၤဘှံးပှၤသး
ဒီးပှၤတဲဖျါထီၣ်အဂ့ၢ်မး တလၢာ်ဘၣ်.
ပှၤထံၣ်လၢ ပှၤမဲာ် သနာ်က့ ပှၤသးတမံဒံးဘၣ်.
ဒီးပှၤနၢ်ဟူဘၣ်အီၤ သနာ်က့ ပှၤသးတမံဒံးဘၣ်.
၉ တၢ်လၢ အကဲထီၣ်အသး လၢညါန့ၣ် ကဆဲးအိၣ်ဝဲ ဒ်န့ၣ်လီၤ.
တၢ်လၢ ပှၤမၤတ့ၢ်အီၤ လၢညါန့ၣ် ကဘၣ်တၢ်မၤကဒီးအီၤလီၤ.
တၢ်အသီလၢ ဟီၣ်ခိၣ်ချၢန့ၣ် တအိၣ် နီတမံၤဘၣ်.+
၁၀ ဘၣ်ဃးဒီး တၢ်တမံၤဂ့ၤ တမံၤဂ့ၤန့ၣ် ပှၤတဂၤမ့ၢ်တဲလၢ “ကွၢ်လၢအံၤ, တၢ်တခါအံၤ ကဲတၢ်အသီ” န့ၣ် ကဘၣ်ဧါ.
တၢ်တခါန့ၣ် အိၣ်ပာ်စၢၤ ဖးယံာ်လံ,
အအိၣ်ပာ်စၢၤ တချုးလၢ ပအိၣ်ဖျဲၣ်ထီၣ်ဒံးဘၣ်လံ.
၁၁ ပှၤလၢပျၢၤတဖၣ်န့ၣ် ပှၤလၢအသ့ၣ်နီၣ်ထီၣ်က့ၤ အဝဲသ့ၣ် တအိၣ် နီတဂၤလၢၤဘၣ်.
ပှၤလၢ အကဟဲလၢခံတဖၣ်စ့ၢ်ကီး ပှၤလၢအကသ့ၣ်နီၣ်ထီၣ်က့ၤ အဝဲသ့ၣ် တအိၣ် နီတဂၤဘၣ်.
ဒီးပှၤတဖၣ်န့ၣ်စ့ၢ်ကီး ပှၤလၢအကဟဲလၢခံတဖၣ် တမ့ၢ်လၢ အကသ့ၣ်နီၣ်ထီၣ်က့ၤ အဝဲသ့ၣ်ဘၣ်.+
၁၂ ယၤ, ပှၤစံၣ်တဲၤတဲလီၤတၢ်တဂၤ ကဲပာ်စၢၤ စီၤပၤလၢ ပှၤအံၣ်စရ့လးဖိ အဖီခိၣ် လၢဝ့ၢ်ယရူၤၡလ့ၣ်အပူၤလီၤ.+ ၁၃ ယပာ်လီၤယသးလၢ ယကသူ ယတၢ်ကူၣ်သ့ ဒ်သိး ယကမၤလိ ဒီးဃုသ့ၣ်ညါ+ တၢ်ခဲလၢာ်လၢ ပှၤမၤတ့ၢ်အီၤလၢ ဟီၣ်ခိၣ်ချၢလီၤ.+ ဒီးအမ့ၢ်ဝဲ တၢ်မၤလၢ အလီၤသးဘၣ်တံာ်တာ်လၢ ပှၤဟီၣ်ခိၣ်ဖိအဂီၢ်လၢ ကစၢ်ယွၤဟ့ၣ်လီၤ အဝဲသ့ၣ် ဒ်သိး အဝဲသ့ၣ် အတၢ်မၤ ကအိၣ်ဝဲအဂီၢ်လီၤ.
၁၄ ယထံၣ်ဘၣ် တၢ်မၤခဲလၢာ်လၢ ပှၤမၤဝဲ လၢဟီၣ်ခိၣ်ချၢ
ဒီးယသ့ၣ်ညါဘၣ်လၢ တၢ်ခဲလၢာ်န့ၣ် မ့ၢ်ဝဲတၢ်ကလီကလီ ဒီးလီၤဂာ်ဒ်သိးဒီး ပှၤလူၤဖီၣ်ကလံၤလီၤ.+
၁၅ တၢ်လၢအက့ၣ်န့ၣ် ပှၤမၤဘျၢထီၣ်အီၤ တသ့ဘၣ်.
ဒီးတၢ်လၢအတအိၣ်ဘၣ်န့ၣ် ပှၤဂံၢ်အီၤတသ့ဘၣ်.
၁၆ ဒီးယတဲလီၤယသးလၢ “ယန့ၢ်ဘၣ် တၢ်ကူၣ်သ့ အါန့ၢ်ဒံး ပှၤတဂၤဂ့ၤ တဂၤဂ့ၤ လၢအအိၣ်မူတ့ၢ် လၢယမဲာ်ညါ လၢဝ့ၢ်ယရူၤၡလ့ၣ် အပူၤလီၤ.+ ဒီးယအိၣ်ဒီး တၢ်ကူၣ်သ့ ဒီးတၢ်သ့ၣ်ညါ ဒီဒူၣ်လီၤ.”+ ၁၇ ယဂုာ်ကျဲးစၢး ဃုသ့ၣ်ညါ တၢ်ကူၣ်သ့, တၢ်လၢအခီပညီတအိၣ်ဘၣ်* ဒီးတၢ်လၢအနါစိၤတဖၣ်လီၤ.+ ဘၣ်ဆၣ် ယထံၣ်လၢ ပှၤမ့ၢ်ဂုာ်ကျဲးစၢး ဃုသ့ၣ်ညါ တၢ်သ့ၣ်တဖၣ်န့ၣ် အလီၤဂာ်ဒ်သိးဒီး ပှၤလူၤဖီၣ်ကလံၤ စ့ၢ်ကီးလီၤ.
၁၈ နီၢ်ကီၢ်န့ၣ် ပှၤအိၣ်ဒီး တၢ်ကူၣ်သ့မ့ၢ်အါန့ၣ် အသးဘၣ်တံာ်တာ် ဒံးအါလီၤ.
အဃိ ပှၤလၢ အတၢ်သ့ၣ်ညါ ဒံးအါန့ၣ် အသးဘၣ်ဒိ ဒံးအါလီၤ.+