လူၤကၣ်

၁၇ ဝံၤဒီးယ့ၣ်ၡူးတဲဘၣ်​ အပျဲၢ်အဘီၣ်တဖၣ်လၢ “တၢ်လီၤဃံၢ်အလီၢ်န့ၣ်​ ကဟဲဝဲသပှၢ်ကတၢၢ်လီၤ. ဘၣ်ဆၣ်​ ပှၤလၢအမၤလီၤဃံၢ်ပှၤဂၤန့ၣ်​ ကဘၣ်တၢ်စံၣ်ညီၣ်အီၤလီၤ. ၂ ဒီးလၢအကမၤလီၤဃံၢ်ပှၤလၢ အဆံးတဖၣ်အကျါ တဂၤအလီၢ် ပှၤမ့ၢ်ဘျးထီၣ်​ အကိာ်ဘိဒီး ဆၢၣ်ဂူာ်လၢၢ် ဒီးကွံာ်လီၤအီၤလၢ ပီၣ်လဲၣ်ပူၤန့ၣ်​ ကဂ့ၤဒိၣ်ဝဲလၢအဂီၢ်လီၤ.+ ၃ အိၣ်ဒီးတၢ်ပလီၢ်သးတက့ၢ်. နဒီပုၢ်ဝဲၢ်ခွါ မ့ၢ်မၤဘၣ်​ တၢ်ကမၣ်န့ၣ်​ သိၣ်အီၤဒီး+ အဝဲ မ့ၢ်ပီၢ်ယၢ်လီၤအသးန့ၣ်​ ပျၢ်အတၢ်ကမၣ်တက့ၢ်.+ ၄ အဝဲ မ့ၢ်မၤကမၣ်ဘၣ်နၤ တနံၤနွံဘျီဒၣ်လဲာ် အမ့ၢ်ဟဲက့ၤဃ့ကညးနၤ နွံဘျီ ဒီးတဲဝဲလၢ အပီၢ်ယၢ်လီၤအသးန့ၣ်​ နကဘၣ်ပျၢ်ကွံာ် အတၢ်ကမၣ်လီၤ.”+

၅ ဒီးတၢ်မၢဖိတဖၣ်​ တဲဘၣ်ကစၢ်လၢ “ဟ့ၣ်လီၤအါထီၣ်ပှၤတၢ်နာ်မီၤ.”+ ၆ ဝံၤဒီး ကစၢ်တဲဝဲလၢ “သုတၢ်နာ် မ့ၢ်အိၣ်ထဲသိးဒီး သဘၣ်အချံ* တဖျၢၣ်န့ၣ်​ သုမ့ၢ်တဲ မိၢ်ဒိးတထူၣ်အံၤလၢ ‘ထဲးထီၣ်ကွံာ်နသး ဒီးသူၣ်လီၤနသးလၢ ပီၣ်လဲၣ်ပူၤ’ န့ၣ်အကဒိကနၣ်​ သုကလုၢ်လီၤ.+

၇ “သုမ့ၢ်အိၣ်ဒီးကုၢ်လၢ အထူစံာ် မ့တမ့ၢ် အကွၢ်သိန့ၣ်​ ဖဲအဝဲဟဲက့ၤ လၢစံာ်ပူၤအခါ မ့ၢ်သုကတဲအီၤလၢ ‘ဟဲဖဲအံၤတဘျီဃီ ဒီးအီၣ်တၢ်လၢ စီၢ်နီၤခိၣ်’ ဧါ. ၈ တမ့ၢ်ဘၣ်, သုကတဲဘၣ်​ ကုၢ်အံၤလၢ ‘ဆီတလဲ နတၢ်ကူတၢ်သိး ဒီးကတဲာ်ကတီၤန့ၢ်ယၤ တၢ်အီၣ်တၢ်အီ ဒီးမၤန့ၢ်တၢ်လၢယဂီၢ် တုၤလၢ ယအီၣ်တၢ်အီတၢ်ဝံၤ တက့ၢ်. ဝံၤဒီး နအီၣ်တၢ်အီတၢ် သ့လီၤ.’ ၉ မ့ၢ်လၢ ကုၢ်အံၤမၤဝဲတၢ်လၢ အကြၢးမၤဝဲတဖၣ်အဃိ တမ့ၢ်လၢ အဝဲကစံးဘျုးစံးဖှိၣ်​ ကုၢ်အံၤဘၣ်. ၁၀ ဒ်န့ၣ်အသိး ဖဲသုမၤမူဒါလၢ သုဒိးန့ၢ်ဘၣ်တဖၣ်​ ဝံၤခဲလၢာ်အခါ တဲလၢ ‘ပမ့ၢ်ကုၢ်တဖၣ်လၢ အဘျုးတအိၣ်​ နီတမံၤဘၣ်. တၢ်လၢ ပမၤအီၤဝံၤတဖၣ်န့ၣ်​ မ့ၢ်ဝဲတၢ်လၢ ပကြၢးမၤလီၤ.’”+

၁၁ ဖဲယ့ၣ်ၡူးလဲၤလၢ ယရူၤၡလ့ၣ်အခါ အလဲၤခီဂာ်ဘၣ်ဝဲ ၡၤမရံ ဒီးကၤလံၤလါ အကီၢ်ဆၢလီၤ. ၁၂ ဒီးဖဲအဝဲ လဲၤနုာ်လီၤဝဲလၢ သဝီတဖျၢၣ်အပူၤအခါ ပှၤဘၣ်တၢ်ဆါအၢ အဂၤတဆံန့ၣ်​ ထံၣ်အီၤဘၣ်ဆၣ်​ အဝဲသ့ၣ်​ ဆၢထၢၣ်အိၣ်လၢအယံၤလီၤ.+ ၁၃ ဒီးအဝဲသ့ၣ်​ ကိးပသူထီၣ်ဝဲလၢ “သရၣ်ယ့ၣ်ၡူးဧၢ, သးကညီၤပှၤမီၤ.” ၁၄ ဖဲယ့ၣ်ၡူး ထံၣ်အဝဲသ့ၣ်အခါ အတဲအဝဲသ့ၣ်လၢ “လဲၤပာ်ဖျါထီၣ်​ သုသးလၢ ပှၤလုၢ်တၢ်ဒိၣ်တဖၣ်​ အအိၣ်နီၤ.”+ ဖဲအဝဲသ့ၣ်​ လဲၤဝဲအဆၢကတီၢ် အဝဲသ့ၣ်​ ကဆှီထီၣ်က့ၤဝဲလီၤ.+ ၁၅ ပှၤလၢအဝဲသ့ၣ်​ အကျါတဂၤန့ၣ်​ ဖဲအသ့ၣ်ညါဝဲလၢ အဘျါက့ၤအခါ အဟဲက့ၤဃၣ်ကဒါက့ၤအသး ဒီးစံးထီၣ်ပတြၢၤ ကစၢ်ယွၤလၢ အကလုၢ်ဖးဒိၣ်လီၤ. ၁၆ ဒီးအဝဲ ထိၣ်လီၤပှီၤအသးလၢ ယ့ၣ်ၡူးအခီၣ်ထံး ဒီးစံးဘျုးအီၤလီၤ. ဒီးအဝဲမ့ၢ် ပှၤၡၤမရံဖိတဂၤလီၤ.+ ၁၇ ယ့ၣ်ၡူး တဲဝဲလၢ “ပှၤအဂၤတဆံန့ၣ်​ ကဆှီထီၣ်က့ၤဝဲ ကိးဂၤဒဲး တမ့ၢ်ဧီၤ. အဝဲခွံဂၤန့ၣ်​ အိၣ်ဖဲလဲၣ်. ၁၈ ပှၤအဂၤတဖၣ်​ တဟဲက့ၤမၤလၤကပီၤ ကစၢ်ယွၤ နီတဂၤဧီၤ, ဟဲက့ၤထဲ ပှၤကလုာ်အဂၤ တဂၤလီၤဧါ.” ၁၉ ဝံၤဒီး ယ့ၣ်ၡူး တဲဘၣ်အီၤလၢ “ဂဲၤဆၢထၢၣ်​ ဒီးက့ၤဟီ, နတၢ်နာ် မၤဘျါက့ၤနၤလံ.”+

၂၀ ပှၤဖၤရံၤၡဲတဖၣ်​ သံကွၢ်ဝဲလၢ ကစၢ်ယွၤ အဘီမုၢ်ကဟဲ အဆၢကတီၢ်ဖဲလဲၣ်+ ဒီးယ့ၣ်ၡူးတဲဆၢ အဝဲသ့ၣ်လၢ “ကစၢ်ယွၤ အဘီမုၢ်န့ၣ်​ တဟဲဝဲဖျါဖျါဘၣ်. ၂၁ ပှၤတတဲဝဲလၢ ‘အအိၣ်လၢအံၤ’ ‘အအိၣ်လၢန့ၣ်’ ဘၣ်. ကွၢ်မီၤ, ကစၢ်ယွၤအဘီမုၢ်န့ၣ်​ အိၣ်လၢသုခၢၣ်သးလီၤ.”*+

၂၂ ဝံၤဒီး အဝဲတဲဘၣ်​ အပျဲၢ်အဘီၣ်တဖၣ်လၢ “မုၢ်နံၤမုၢ်သီ ကဘၣ်လၢ သုကမုၢ်လၢ် တၢ်ဆၢကတီၢ်လၢ ပှၤကညီဖိခွါ ကအိၣ်ဒီးသု ဘၣ်ဆၣ်​ သုတထံၣ်ဘၣ်​ တၢ်ဆၢကတီၢ် အဝဲန့ၣ်ဘၣ်. ၂၃ ဒီးပှၤမ့ၢ် တဲဘၣ်သုလၢ ‘အအိၣ်လၢအံၤ’ ‘အအိၣ်လၢန့ၣ်’ န့ၣ်တဘၣ်လဲၤ ဒီးတဘၣ်လူၤပိာ် အဝဲသ့ၣ်အခံတဂ့ၤ.+ ၂၄ ဒ်လီဝၢ်ဒံး ကပီၤထီၣ်လၢ မူခိၣ်လၢအံၤတခီ ပၢၢ်တုၤလၢ အဝဲတခီအသိး ဖဲပှၤကညီဖိခွါ+ အမုၢ်နံၤအတီၢ်ပူၤ+ အဝဲကမၤအသး ဒ်န့ၣ်လီၤ. ၂၅ ဘၣ်ဆၣ်​ အဆိကတၢၢ်န့ၣ်​ အဝဲကတူၢ်ဘၣ်​ တၢ်နးတၢ်ဖှီၣ်အါမံၤ ဒီးပှၤတစိၤအံၤ ကဂ့ၢ်လိာ်အီၤလီၤ.+ ၂၆ တကးဒံးဘၣ်​ ဒ်တၢ်မၤအသးလၢ စီၤနိအၤ အမုၢ်နံၤတဖၣ်အသိးန့ၣ်+ တၢ်ကမၤအသးလၢ ပှၤကညီဖိခွါ အမုၢ်နံၤတဖၣ်​ စ့ၢ်ကီးလီၤ.+ ၂၇ အဝဲသ့ၣ်​ အီၣ်တၢ်ဒီးအီတၢ် ဒီးန့ၢ်မါန့ၢ်ဝၤ တုၤလီၤလၢ မုၢ်တနံၤဖဲ စီၤနိအၤ လဲၤနုာ်လီၤလၢ ကဘီအပူၤလီၤ.+ ဒီးထံလုၢ်ဘၢတၢ်ဟဲဝဲဒီး မၤဟးဂီၤကွံာ် အဝဲသ့ၣ်ခဲလၢာ်လီၤ.+ ၂၈ တကးဒံးဘၣ်​ တၢ်အိၣ်သးကလီၤဂာ် ဒ်သိးဒီး စီၤလိာ်အစိၤစ့ၢ်ကီးလီၤ.+ ဖဲန့ၣ်အခါ ပှၤအီၣ်တၢ်, အီတၢ်, ပှ့ၤတၢ်, ဆါတၢ်, သူၣ်တၢ်ဖျးတၢ် ဒီးသူၣ်ဟံၣ်သူၣ်ဃီလီၤ. ၂၉ ဘၣ်ဆၣ်​ မုၢ်နံၤဖဲစီၤလိာ် ဟးထီၣ်ကွံာ်လၢ ဝ့ၢ်စဒိၣ်အပူၤန့ၣ်​ မ့ၣ်အူဒီးကး ဟဲစူၤလီၤဝဲလၢမူခိၣ်​ ဒီးမၤဟးဂီၤကွံာ် ပှၤတဖၣ်န့ၣ်​ ခဲလၢာ်လီၤ.+ ၃၀ မုၢ်နံၤလၢ ပှၤကညီဖိခွါ ကလီၣ်ဖျါထီၣ်အသးန့ၣ်​ တၢ်ကမၤအသးဒ်န့ၣ်အသိး စ့ၢ်ကီးလီၤ.+

၃၁ “ဖဲနံၤအဝဲန့ၣ်​ ပှၤအိၣ်လၢဟံၣ်ခိၣ်န့ၣ်​ တဘၣ်စံၣ်လီၤလၢဟံၣ်ပူၤ ဒ်သိးကဟံးန့ၢ် တၢ်ဖိတၢ်လံၤ အဂီၢ်တဂ့ၤ. ဒ်န့ၣ်အသိး ပှၤအိၣ်လၢစံာ်ပျီပူၤန့ၣ်​ တဘၣ်ဟဲက့ၤလၢ တၢ်လၢအပာ်တ့ၢ်ဝဲ တဖၣ်အအိၣ်တဂ့ၤ. ၃၂ သ့ၣ်နီၣ်ထီၣ်က့ၤ စီၤလိာ်အမါတက့ၢ်.+ ၃၃ ပှၤလၢ အဂုာ်ကျဲးစၢး မၤပူၤဖျဲးအသးသမူန့ၣ်​ အသးသမူကလီၤမၢ်ဝဲလီၤ. ဘၣ်ဆၣ်​ ပှၤလၢ အသးသမူလီၤမၢ်ကွံာ်န့ၣ်​ ကအိၣ်မူဘၣ်ကဒီးလီၤ.+ ၃၄ ယကတဲဘၣ်သု, တၢ်လၢမုၢ်တနၤန့ၣ်​ ပှၤခံဂၤ ကအိၣ်ဝဲလၢ လီၢ်မံတဖျၢၣ်ဃီ ဘၣ်ဆၣ်​ တၢ်ကဟံးန့ၢ်အီၤတဂၤ ဒီးတၢ်ကပာ်တ့ၢ်ကွံာ် အီၤတဂၤလီၤ.+ ၃၅ ဒီးပိာ်မုၣ်ခံဂၤ ကဂူာ်ဆၢၣ်ဂူာ်တဖျၢၣ်ဃီ ဘၣ်ဆၣ်​ တၢ်ကဟံးန့ၢ်အီၤတဂၤ ဒီးတၢ်ကပာ်တ့ၢ်ကွံာ်အီၤတဂၤလီၤ.” ၃၆ *— ၃၇ အဃိ အဝဲသ့ၣ်​ တဲဆၢက့ၤအီၤလၢ “ကစၢ်ဧၢ, လၢတၢ်လီၢ်ဖဲလဲၣ်.” အဝဲတဲဆၢက့ၤ အဝဲသ့ၣ်လၢ “ဖဲတၢ်သံစိၣ်အိၣ်ဝဲ အလီၢ်န့ၣ်​ လံာ်ကြီကြာ်တဖၣ်* ကအိၣ်ဖှိၣ်ဝဲ ဖဲန့ၣ်စ့ၢ်ကီးလီၤ.”+