ဧၤမိၣ်

“ယဟိဝၤယွၤ ကကညီၤထီၣ်​ လၢစံယိၣ်

ဒီးအဝဲကမၤဒိၣ်ထီၣ်​ အကလုၢ်လၢ ဝ့ၢ်ယရူၤၡလ့ၣ်လီၤ.

ပှၤကွၢ်သိဖိတဖၣ်​ အသိအီၣ်ဆၣ်အလီၢ်န့ၣ်​ ကဃ့ထီကွံာ်ဝဲ

ဒီးကၢ်မ့ၤလး အဒီခိၣ်န့ၣ်​ ကဃ့ထီကွံာ်ဝဲလီၤ.”+

 ၃ “ယဟိဝၤယွၤ တဲဝဲလၢ

“‘မ့ၢ်လၢ ဝ့ၢ်ဒၤမ့ၤစ့း ထီဒါတၢ် သၢဘျီလွံၢ်ဘျီ*

ဒီးအဝဲသ့ၣ်​ ယီၢ်ကံးလဧးလၢ နီၣ်ယီၢ်ဘုထး အဃိ ယတဆီတလဲ ယတၢ်ဆၢတဲာ်လၢၤဘၣ်.+

 ၄ ယကဆှၢလီၤ မ့ၣ်အူလၢ စီၤဃစ့လး+ အဟံၣ်အဖီခိၣ်

ဒီးမ့ၣ်အူကအီၣ်ကွံာ် စီၤဘ့ၣ်ဟဒး အတၢးလၢ အကျၢၤတဖၣ်လီၤ.’”+

 ၅ ‘ယဟိဝၤယွၤ တဲဝဲလၢ “ယကမၤကၢ်ကွံာ် ဝ့ၢ်ဒၤမ့ၤစ့း+ အနီၣ်ဘိတဖၣ်

ဒီးယကမၤဟးဂီၤ ပှၤလၢအအိၣ်လၢ ဘံၤခဲၤအၤဝ့ၣ်​ တၢ်တြီၤပူၤ

ဒီးပှၤလၢအပၢ ဝ့ၢ်ဘ့ၤသဧ့ၤဒၣ်လီၤ.

 ၆ ယဟိဝၤယွၤ တဲဝဲလၢ

“‘မ့ၢ်လၢ ဝ့ၢ်ဂါစၤ+ ထီဒါတၢ် သၢဘျီလွံၢ်ဘျီ

ဒီးအဝဲသ့ၣ်​ လဲၤကိးဝဲ ပှၤလၢ အဘၣ်တၢ်က့ၤဖီၣ်အီၤ ဒီတဒူၣ်+ ဒ်သိး အကဟ့ၣ်လီၤကွံာ်ဝဲလၢ ပှၤအဒိၣ်ဖိ အစုပူၤအဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.

 ၇ ယကဆှၢလီၤ မ့ၣ်အူလၢ ဝ့ၢ်ဂါစၤ အတၢ်ဒူၣ်အလိၤ+

ဒီးမ့ၣ်အူကအီၣ်ကွံာ် အတၢးလၢ အကျၢၤတဖၣ်လီၤ.’”

 ၈ ‘တၢ်ပၢကစၢ် ယဟိဝၤယွၤ တဲဝဲလၢ “ယကမၤဟးဂီၤကွံာ် ပှၤလၢအအိၣ်လၢ ဝ့ၢ်အၤစဒိာ်အပူၤ+

ဒီးပှၤလၢအပၢ ဝ့ၢ်အၤၡကလိၣ်လီၤ.+

ယကထီဒါ ဝ့ၢ်ဧ့ကြိၣ်+

ဒီးပှၤဖလ့ၡသးဖိ လၢအအိၣ်တ့ၢ်တဖၣ်န့ၣ်​ ကတုၤလၢ တၢ်ဟးဂီၤလီၤ.”’+

 ၉ ယဟိဝၤယွၤ တဲဝဲလၢ

‘ဝ့ၢ်စိၢ်+ ထီဒါတၢ် သၢဘျီလွံၢ်ဘျီ

ဒီးအဝဲသ့ၣ်​ ဟ့ၣ်လီၤကွံာ်ဝဲ ပှၤလၢ အဘၣ်တၢ်က့ၤဖီၣ်အီၤ ဒီတဒူၣ်လၢ ပှၤအဒိၣ်ဖိတဖၣ်​ အစုပူၤ

ဒီးအဝဲသ့ၣ်​ တနီၣ်ဘၣ်​ ဒီပုၢ်ဝဲၢ်တဖၣ်​ အတၢ်အၢၣ်လီၤအီလီၤလၢၤဘၣ်အဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.+

၁၀ ယကဆှၢလီၤ မ့ၣ်အူလၢ ဝ့ၢ်စိၢ် အတၢ်ဒူၣ်အလိၤ

ဒီးမ့ၣ်အူကအီၣ်ကွံာ် အတၢးလၢ အကျၢၤတဖၣ်လီၤ.’+

၁၁ ယဟိဝၤယွၤ တဲဝဲလၢ

‘ကီၢ်အဒိၣ်+ ထီဒါတၢ် သၢဘျီလွံၢ်ဘျီ

ဒီးအဝဲသ့ၣ်​ လူၤအနီၢ်ကစၢ် အဒီပုၢ်ဝဲၢ်တဖၣ်လၢနး+

ဒီးတပာ်ဖျါထီၣ်​ တၢ်သးကညီၤဘၣ်.

တကးဒံးဘၣ်​ လၢတၢ်သးဒိၣ်အပူၤ ပှၤအဒိၣ်ဖိတဖၣ်​ အ့ၣ်ဖှီကွံာ် အဝဲသ့ၣ်​ ဆူၣ်ဆူၣ်ကိၤကိၤ

ဒီးပှၤအဒိၣ်ဖိတဖၣ်​ အတၢ်သူၣ်ဒိၣ်သးဖျိး တလီၤမၢ် နီတဘျီဘၣ်. လၢတၢ်န့ၣ်အဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.+

၁၂ ယကဆှၢလီၤ မ့ၣ်အူလၢ ဝ့ၢ်တ့ၤမၣ်အပူၤ+

ဒီးမ့ၣ်အူကအီၣ်ကွံာ် ဝ့ၢ်ဘိးစရၤ အတၢးလၢ အကျၢၤတဖၣ်လီၤ.’+

၁၃ ယဟိဝၤယွၤ တဲဝဲလၢ

“‘ပှၤဧၣ်မိၣ်ဖိတဖၣ်+ ထီဒါတၢ် သၢဘျီလွံၢ်ဘျီ

ဒီးအဝဲသ့ၣ်​ ဖှဲးသ့ၣ်ဖးဝဲ ကံးလဧးမုၣ်လၢ အဒၢတဖၣ်အဟၢဖၢ ဒ်သိးကမၤလဲၢ်ထီၣ်​ အနီၢ်ကစၢ်အ တၢ်လီၢ်တၢ်ကျဲအဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.+

၁၄ ဖဲတၢ်ဒုးအမုၢ်နံၤန့ၣ်​ ယကဆှၢလီၤ မ့ၣ်အူလၢ ဝ့ၢ်ရးဘး အတၢ်ဒူၣ်အလိၤ+

ဒီးမ့ၣ်အူလၣ်လၢ အဟဲလီၤလၢ

တၢ်ဒုးအတၢ်ကိးပသူထီၣ်အကျါ

ဒီးကလံၤမုၢ်ဖးဒိၣ်န့ၣ်​ ကမၤဟးဂီၤကွံာ် အတၢးလၢ အကျၢၤ တဖၣ်လီၤ.’”