၁ ကွဲးနီၣ်တၢ်
၂၄ စီၤအၤဟရိၣ် အစၢၤအသွဲၣ်န့ၣ် ဘၣ်တၢ်နီၤဖးလီၤအီၤလၢ အကရူၢ်တဖၣ် ဒ်လၢလာ်အံၤ အသိးလီၤ. စီၤအၤဟရိၣ် အဖိခွါတဖၣ် မ့ၢ်ဝဲ စီၤနၤဒး, စီၤအဘံဟူၤ,+ စီၤအလၤဧစၢ် ဒီးစီၤအံသမၢ်လီၤ.+ ၂ ဘၣ်ဆၣ် စီၤနၤဒး ဒီးစီၤအဘံဟူၤန့ၣ် သံဆိလၢ အဝဲသ့ၣ်အပၢ် အမဲာ်ညါ+ ဒီးအဝဲသ့ၣ် အဖိခွါ တအိၣ်နီတဂၤဘၣ်. မ့မ့ၢ် စီၤအလၤဧစၢ် ဒီးစီၤအံသမၢ်န့ၣ်+ ဆဲးမၤတၢ်ဒ် ပှၤလုၢ်တၢ်ဒိၣ်တဖၣ် အသိးလီၤ. ၃ စီၤဒၤဝံး ဃုာ်ဒီး စီၤအလၤဧစၢ် အစၢၤအသွဲၣ်တဂၤ လၢအမ့ၢ် စီၤစၤဒိး+ ဒီးစီၤအံသမၢ် အစၢၤအသွဲၣ်တဂၤ လၢအမ့ၢ် စီၤအဃံၤမ့လ့းန့ၣ် နီၤဖးလီၤ စီၤအၤဟရိၣ် အစၢၤအသွဲၣ်လၢ အကရူၢ်တဖၣ် ဒ်အဝဲသ့ၣ် အမူဒါ လီၤဝဲအသိးလီၤ. ၄ ဒီးခီဖျိလၢ စီၤအလၤဧစၢ် အစၢၤအသွဲၣ် အခိၣ်အနၢ်တဖၣ် အိၣ်ဝဲအါန့ၢ်ဒံး စီၤအံသမၢ် အစၢၤအသွဲၣ် အခိၣ်အနၢ်တဖၣ်အဃိ တၢ်နီၤဖးလီၤ အဝဲသ့ၣ် ဒ်အံၤလီၤ. လၢစီၤအလၤဧစၢ် အစၢၤအသွဲၣ်တဖၣ် အကျါန့ၣ် ပှၤအခိၣ်အိၣ်ဝဲ ၁၆ ဂၤလၢ အဝဲသ့ၣ် အဒူၣ်ဖိထၢဖိတဖၣ်အဂီၢ်* ဒီးလၢစီၤအံသမၢ် အစၢၤအသွဲၣ်တဖၣ်အကျါန့ၣ် ပှၤအခိၣ်အိၣ်ဝဲ ၈ ဂၤလၢ အဝဲသ့ၣ် အဒူၣ်ဖိထၢဖိတဖၣ် အဂီၢ်လီၤ.
၅ တကးဒံးဘၣ် တၢ်နီၤဖးလီၤ စီၤအလၤဧစၢ် အစၢၤအသွဲၣ်တဖၣ် ဒီးစီၤအံသမၢ် အစၢၤအသွဲၣ်တဖၣ် ခီဖျိလၢတၢ်ဖး+ မ့ၢ်လၢ ပှၤခိၣ်ပှၤနၢ်တဖၣ်လၢ ယွၤလၢအမ့ၢ်အတီတဂၤအဂီၢ် ဒီးတၢ်လီၢ်စီဆှံ အခိၣ်အနၢ်တဖၣ် ပၣ်ဃုာ်လၢ ပှၤခံဒူၣ်အံၤ အကျါ အဃိလီၤ. ၆ ဒီးစီၤနၤသန့လး အဖိခွါ စီၤၡမါယၤ လၢအမ့ၢ် ပှၤလ့ၤဝံဖိ အနဲၣ်ရွဲၣ်န့ၣ် ကွဲးလီၤပှၤတဖၣ်န့ၣ် အမံၤလၢ စီၤပၤ, ပဒိၣ်ဖးဒိၣ်တဖၣ်, ပှၤလုၢ်တၢ်ဒိၣ် စီၤစၤဒိး,+ စီၤအ့ဘယၤသၢ်+ အဖိခွါ စီၤအဃံၤမ့လ့း+ ဒီးပှၤလုၢ်တၢ်ဒိၣ် ဒီးပှၤလ့ၤဝံဖိ အဒူၣ်ဖိထၢဖိ အခိၣ်အနၢ်တဖၣ် အမဲာ်ညါလီၤ. ဒီးစီၤအလၤဧစၢ် အဒူၣ်ဖိထၢဖိ ဒီးစီၤအံသမၢ် အဒူၣ်ဖိထၢဖိတဖၣ်န့ၣ် ဘၣ်တၢ်ဃုထၢထီၣ်အီၤ တဒူၣ်ဝံၤတဒူၣ်လီၤ.
၇ တၢ်ဖး အဆိကတၢၢ် တခါန့ၣ် လီၤဘၣ်လၢ စီၤယဟိယၤရံာ်, ခံခါတခါန့ၣ် လီၤဘၣ်လၢ စီၤယဒါယၤ, ၈ သၢခါတခါန့ၣ် လီၤဘၣ်လၢ စီၤဃၤရံၣ်, လွံၢ်ခါတခါန့ၣ် လီၤဘၣ်လၢ စီၤစဧိရံၣ်, ၉ ယဲၢ်ခါတခါန့ၣ် လီၤဘၣ်လၢ စီၤမၤလကံယၤ, ဃုခါတခါန့ၣ် လီၤဘၣ်လၢ စီၤမံယမံၣ်, ၁၀ နွံခါတခါန့ၣ် လီၤဘၣ်လၢ စီၤဟးကိး, ဃိးခါတခါန့ၣ် လီၤဘၣ်လၢ စီၤအဘံယၤ,+ ၁၁ ခွံခါတခါန့ၣ် လီၤဘၣ်လၢ စီၤယ့ၤၡူ, ၁၀ ခါတခါန့ၣ် လီၤဘၣ်လၢ စီၤၡကါနယၤ, ၁၂ ၁၁ ခါတခါန့ၣ် လီၤဘၣ်လၢ စီၤအ့လယၤၡံၣ်, ၁၂ ခါတခါန့ၣ် လီၤဘၣ်လၢ စီၤယာ်ကံၣ်, ၁၃ ၁၃ ခါတခါန့ၣ် လီၤဘၣ်လၢ စီၤဃူးပၤ, ၁၄ ခါတခါန့ၣ် လီၤဘၣ်လၢ စီၤယ့ၤၡ့ၤဘအာ်, ၁၄ ၁၅ ခါတခါန့ၣ် လီၤဘၣ်လၢ စီၤဘံလကၤ, ၁၆ ခါတခါန့ၣ် လီၤဘၣ်လၢ စီၤအံးမ့ၢ်, ၁၅ ၁၇ ခါတခါန့ၣ် လီၤဘၣ်လၢ စီၤဃ့စံၢ်, ၁၈ ခါတခါန့ၣ် လီၤဘၣ်လၢ စီၤဟဖံးစ့း, ၁၆ ၁၉ ခါတခါန့ၣ် လီၤဘၣ်လၢ စီၤပသၤဃယၤ, ၂၀ ခါတခါန့ၣ် လီၤဘၣ်လၢ စီၤယဃ့းစက့လာ်, ၁၇ ၂၁ ခါတခါန့ၣ် လီၤဘၣ်လၢ စီၤယၤကံၣ်, ၂၂ ခါတခါန့ၣ် လီၤဘၣ်လၢ စီၤကမူလး, ၁၈ ၂၃ ခါတခါန့ၣ် လီၤဘၣ်လၢ စီၤဒလါယၤ ဒီး၂၄ ခါတခါန့ၣ် လီၤဘၣ်လၢ စီၤမၤဧါစယၤလီၤ.
၁၉ အဝဲန့ၣ် မ့ၢ်တၢ်ရဲၣ်တၢ်ကျဲၤလၢ အဝဲသ့ၣ်အဂီၢ် ဖဲအဝဲသ့ၣ် ဘၣ်လီၤမူဒါ ဒီးလဲၤနုာ်လၢ ယဟိဝၤယွၤ အဟံၣ်ပူၤအခါလီၤ. ဒီးအဝဲသ့ၣ်ဘၣ် မၤဝဲမူဒါတဖၣ်အံၤဒ်သိး အဝဲသ့ၣ် အဖုဖးဒိၣ် စီၤအၤဟရိၣ် ပာ်လီၤ တၢ်ရဲၣ်တၢ်ကျဲၤလၢ အံၣ်စရ့လး အကစၢ် ယဟိဝၤယွၤ မၤလိာ်ပာ်စၢၤအီၤလီၤ.+
၂၀ ဒီးပှၤလ့ၤဝံဖိ အဂၤတဖၣ်န့ၣ် ဘၣ်တၢ်ပာ်ဖျါအီၤ ဒ်လၢလာ်အံၤ အသိးလီၤ. စီၤၡူဘအ့လး+ လၢအပၣ်ဃုာ်လၢ စီၤဧၤမရၣ်+ အစၢၤအသွဲၣ်အကျါ, စီၤယ့ဒယၤ လၢအပၣ်ဃုာ်လၢ စီၤၡူဘအ့လး အစၢၤအသွဲၣ် အကျါ, ၂၁ ပှၤအခိၣ် စီၤယံးၡံယၤ လၢအပၣ်ဃုာ်လၢ စီၤရဃါဘယၤ+ အစၢၤအသွဲၣ်အကျါ, ၂၂ စီၤၡလိမိး+ လၢအပၣ်ဃုာ်လၢ ပှၤယံးစဟၢ်ဖိအကျါ, စီၤယၤဃး လၢအပၣ်ဃုာ်လၢ စီၤၡလိမိး အစၢၤအသွဲၣ်အကျါ, ၂၃ ပှၤအခိၣ် လၢအမ့ၢ် စီၤအရံယာ်,+ ခံဂၤတဂၤ လၢအမ့ၢ် စီၤအမၤရယၤ, သၢဂၤတဂၤ လၢအမ့ၢ် စီၤယၤဃစအ့လး, လွံၢ်ဂၤတဂၤ လၢအမ့ၢ် စီၤယကၤမၣ် လၢအပၣ်ဃုာ်လၢ စီၤဃ့ဘြိၣ် အစၢၤအသွဲၣ်အကျါ, ၂၄ စီၤမံကၤ လၢအပၣ်ဃုာ်လၢ စီၤဧူးစံၤအ့လး အစၢၤအသွဲၣ်အကျါ, စီၤၡၤမံၢ် လၢအပၣ်ဃုာ်လၢ စီၤမံကၤ အစၢၤအသွဲၣ်အကျါလီၤ. ၂၅ စီၤမံကၤ အပုၢ်န့ၣ် မ့ၢ်ဝဲ စီၤယံးၡံယၤလီၤ. ဒီးစီၤစကၤရယၤ ပၣ်ဃုာ်လၢ စီၤယံးၡံယၤ အစၢၤအသွဲၣ်အကျါလီၤ.
၂၆ စီၤမရၤရံၤ+ အဖိခွါတဖၣ် မ့ၢ်ဝဲ စီၤမးဃလံ ဒီးစီၤမူၡံၤလီၤ. စီၤဘနိၤ လၢအပၣ်ဃုာ်လၢ စီၤယဧၤစံ အစၢၤအသွဲၣ်အကျါလီၤ. ၂၇ စီၤယဧၤစံ လၢအပၣ်ဃုာ်လၢ စီၤမရၤရံၤ အစၢၤအသွဲၣ်အကျါန့ၣ် အိၣ်ဒီး အဖိခွါတဖၣ် လၢအမ့ၢ် စီၤဘနိၤ, စီၤၡိဟၣ်, စီၤစးကူၢ် ဒီးစီၤဧံဘြံၤလီၤ. ၂၈ စီၤအလၤဧစၢ် လၢအပၣ်ဃုာ်လၢ စီၤမးဃလံ အစၢၤအသွဲၣ် အကျါန့ၣ် အဖိခွါတအိၣ် နီတဂၤဘၣ်.+ ၂၉ စီၤယရၤဃမအ့လး လၢအပၣ်ဃုာ်လၢ စီၤကံၣ် အစၢၤအသွဲၣ်အကျါ, ၃၀ စီၤမးဃလံ, စီၤဧ့ဒ့ၢ် ဒီးစီၤယရံမိး လၢအပၣ်ဃုာ်လၢ စီၤမူၡံၤ အစၢၤအသွဲၣ်အကျါလီၤ.
ပှၤသ့ၣ်တဖၣ်န့ၣ် မ့ၢ်ဝဲ စီၤလ့ၤဝံ အစၢၤအသွဲၣ် ဒ်အဝဲသ့ၣ် အဒူၣ်ဖိထၢဖိ အိၣ်ဝဲအသိးလီၤ. ၃၁ ဒီးဒ်အဝဲသ့ၣ် အဘူးအတံၢ်* လၢအမ့ၢ် စီၤအၤဟရိၣ် အစၢၤအသွဲၣ်တဖၣ် မၤတ့ၢ်ဝဲအသိး အဝဲသ့ၣ်စ့ၢ်ကီး ဖးတၢ်လၢ+ စီၤပၤဒၤဝံး, စီၤစၤဒိး, စီၤအဃံၤမ့လ့း ဒီးပှၤလုၢ်တၢ်ဒိၣ် ဒီးပှၤလ့ၤဝံဖိ အဒူၣ်ဖိထၢဖိ အခိၣ်အနၢ်တဖၣ် အမဲာ်ညါလီၤ. ဒီးပှၤအခိၣ်တဂၤ အဒူၣ်ဖိထၢဖိန့ၣ် ဘၣ်တၢ်ပာ်ပနီၣ်အီၤ ဒ်သိးဒီး ပှၤအဆံးတဂၤ အဒူၣ်ဖိထၢဖိ အသိးလီၤ.