ယိၤဘး
၇ “ပှၤဟီၣ်ခိၣ်ဖိ အတၢ်အိၣ်မူ လၢဟီၣ်ခိၣ်ချၢန့ၣ် လီၤဂာ်ဒ် ပှၤမၤတၢ်ဖိလၢ အဘၣ်မၤတၢ်ဆူၣ်ဆူၣ်တဂၤ
ဒီးဒ်ပှၤမၤတၢ်ဖိတဂၤလၢ အဒိးငါအသး အသိးလီၤ.+
၂ ဒ်ကုၢ်အသိး အဝဲသ့ၣ် ဆၢအိၣ်ဘၣ်လၢ တၢ်အကဒုအဖီလာ်
ဒီးဒ်ပှၤဒိးငါအသးအသိး အဝဲသ့ၣ် အိၣ်ခိး အဘူးအလဲလီၤ.+
၃ အဃိ ယတၢ်အိၣ်မူန့ၣ် အဘျုးတအိၣ်ဘၣ် တဘျုးလါလံ.
ဒီးယသးဘၣ်ဖှီၣ်ဒိၣ်မး အိၣ်တဘျုး နၤလံ.+
၄ ဖဲယမံနီၤအခါ ယတဲလၢ ‘မုၢ်ကဝါထီၣ် ဆံးယံာ်လဲၣ်.’+
မုၢ်နၤန့ၣ် ယံာ်ဝဲ ဒီးယမံတန့ၢ်ဘၣ် တုၤလၢ မုၢ်ဝါထီၣ်လီၤ.
၆ ယတၢ်အိၣ်မူ တနံၤဘၣ်တနံၤ လဲၤပူၤကွံာ်ဝဲ ချ့န့ၢ်ဒံး ပှၤထါတၢ်ဖိ အလုၣ်ဆွံလီၤ.+
ယတၢ်အိၣ်မူ ဘူးထီၣ်ကကတၢၢ်လံ ဒီးယတၢ်မုၢ်လၢ် တအိၣ်ဘၣ်.+
၈ ပှၤလၢ အထံၣ်ယၤခဲအံၤန့ၣ် လၢခံ တထံၣ်ဘၣ်ယၤလၢၤဘၣ်.
နကဃုယၤ ဘၣ်ဆၣ် ယတအိၣ်လၢၤဘၣ်.+
၁၁ အဃိ ယတကးပံး ယထးခိၣ်ဘၣ်.
ယကတဲတၢ်လၢ တၢ်သူၣ်ကိၢ်သးဂီၤအပူၤ
ဒီးယကကဒူးကဒ့ၣ်တၢ် ခီဖျိလၢ ယသးဟးဂီၤနးမးအဃိလီၤ.+
၁၂ လၢနကပာ်လီၤ ပှၤလၢ ကခိးကွၢ်ယၤ အဂီၢ်န့ၣ်
မ့ၢ်ယကဲပီၣ်လဲၣ် မ့တမ့ၢ် တၢ်သးသမူဖးဒိၣ် လၢပီၣ်လဲၣ် အပူၤဧါ.
၁၃ ဖဲယတဲလၢ ‘ယလီၢ်မံခး ကမၤမုာ်ထီၣ်ယၤ
ဒီးယလီၢ်မံခိၣ် ကမၤမုာ်ထီၣ်ယသးလၢ အဘၣ်ဒိ’ အခါ
၁၄ နမၤပျံၤမၤဖုးယၤလၢ တၢ်မံမီၢ်
ဒီးမၤပျံၤယၤလၢ တၢ်ထံၣ်လၢညါခီတဖၣ်လီၤ.
၁၅ ယကသါမ့ၢ် တပၢၢ်လၢၤဘၣ်
ဒီးယမ့ၢ်သံန့ၣ် ကဂ့ၤဒိၣ်န့ၢ်ဒံး ယဘၣ်အိၣ်ဒ်အံၤလီၤ.+
၁၆ ယသးဟ့လီၤ ယတၢ်အိၣ်မူ+ အဃိ ယတအဲၣ်ဒိး ဆဲးအိၣ်မူလၢၤဘၣ်.
ယတၢ်အိၣ်မူန့ၣ် လီၤဂာ်ဒ် တၢ်ကသါလီၤတထံၣ်အဃိ+ တဘၣ်ကနၣ်ဃုာ်ယၤလၢၤတဂ့ၤ.
၁၇ ဘၣ်မနုၤအဃိ နဘၣ်ယိၣ်တၢ်လၢ ပှၤဟီၣ်ခိၣ်ဖိအဃိလဲၣ်,
ဘၣ်မနုၤအဃိ နသးစၢၢ်ဆၢအီၤ အါထဲအံၤညါလဲၣ်.+
၁၈ ဘၣ်မနုၤအဃိ နသမံသမိးအီၤ ကိးဂီၤဒဲး
ဒီးမၤကွၢ်အီၤ ဒီယုၢ်လဲၣ်.+
၂၀ ပှၤလၢအကွၢ်ထံကွၢ်ဆး ပှၤဟီၣ်ခိၣ်ဖိဧၢ, ယမ့ၢ်မၤ တၢ်ဒဲးဘးနာ်က့ မ့ၢ်အကမၤဘၣ်ဒိနၤ ဒ်လဲၣ်.+
ဘၣ်မနုၤအဃိ နပာ်ယၤဒ် တၢ်ပနီၣ်လၢ နကခးအီၤ အဂီၢ်လဲၣ်.
မ့ၢ်ယကဲထီၣ် တၢ်ဝံဃၢ လၢနဂီၢ်ဟီဧါ.
၂၁ ဘၣ်မနုၤအဃိ နတပျၢ် ယတၢ်ဒဲးဘး
ဒီးနတသးပ့ၤနီၣ် ယတၢ်ကမၣ် ဘၣ်လဲၣ်.
တယံာ်လၢၤဘၣ်န့ၣ် ယကဘၣ်သံ ဒီးကဲထီၣ်က့ၤ ဟီၣ်ခိၣ်လီၤ.+
ဒီးနကဃုယၤ ဘၣ်ဆၣ် ယတအိၣ်လၢၤဘၣ်.”