စံးထီၣ်ပတြၢၤ
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၁၃ အိ ယဟိဝၤယွၤဧၢ, နကသးပ့ၤနီၣ်ယၤ ယံာ်ဒံးထဲလဲၣ်. လီၤထူလီၤယိာ်လီၤဧါ.
နကဃၣ်ကွံာ်နမဲာ် လၢယအိၣ် ယံာ်ဒံးထဲလဲၣ်.+
၂ ယကဘၣ်အိၣ်ဒီး တၢ်ကိၢ်တၢ်ဂီၤ
ဒီးယကဘၣ်သးအုး ဒ်အံၤကိးနံၤဒဲးန့ၣ် ယံာ်ဒံးထဲလဲၣ်.
ယဒုၣ်ယဒါ ကမၤနၢၤယၤ ယံာ်ဒံးထဲလဲၣ်.+
၃ အိ ယကစၢ် ယဟိဝၤယွၤဧၢ, ကွၢ်လီၤယၤ ဒီးစံးဆၢယၤတက့ၢ်.
ဒ်သိးယသုတမံလၢ တၢ်သံအပူၤတဂ့ၤအဂီၢ် ဒုးကပီၤထီၣ် ယမဲာ်ချံတက့ၢ်.
၄ ဒီးဒ်သိး ယဒုၣ်ယဒါ သုတတဲလၢ အမၤနၢၤယၤလံ တဂ့ၤအဂီၢ်,
တဘၣ်ပျဲအဝဲသ့ၣ် သးခုလၢ ယၡူကွံာ်အဃိတဂ့ၤ.+
၆ ယဟိဝၤယွၤ မၤဂ့ၤယၤအါမးအဃိ ယကသးဝံၣ်ထီၣ် အီၤလီၤ.+