စံးထီၣ်ပတြၢၤ
စီၤဒၤဝံးအထါ. မၣ်စခ့.*
၃၂ ပှၤလၢအတၢ်ကမၣ် ဘၣ်တၢ်ပျၢ်ကွံာ်အီၤ ဒီးပှၤလၢအတၢ်ဒဲးဘး ဘၣ်တၢ်ကျၢၢ်ဘၢအီၤန့ၣ် ကသးခုဝဲလီၤ.+
၃ ဖဲယအိၣ်ဘှ့ၣ်အခါ ယဂံၢ်ယဘါလီၤစၢ်ဝဲ မ့ၢ်လၢ ယသးဘၣ်ဒိဒိၣ်မး* ဒီတနံၤညါအဃိလီၤ.+
၄ လၢမုၢ်ဆါ ဒီးလၢမုၢ်နၤန့ၣ် နတၢ်သးတမုာ်ဘၣ် လၢယဖီခိၣ် ဃၢဝဲဒ် တၢ်ဝံဃၢအသိးလီၤ.+
ဒီးယဂံၢ်ယဘါ လၢာ်ကွံာ်ဝဲ ဒ်ထံလၢ အလီၤသံးကွံာ်ဝဲလၢ တၢ်ကိၢ်ခါအသိးလီၤ. (စ့လၤ)
ယတဲလၢ “ယကအၢၣ်လီၤ ယတၢ်ကမၣ်တဖၣ် လၢယဟိဝၤယွၤ အအိၣ်လီၤ.”+
ဒီးနပျၢ်ကွံာ် ယတၢ်ကမၣ် ဒီးယတၢ်ဒဲးဘးတဖၣ်လီၤ.+ (စ့လၤ)
ပှၤမ့ၢ်မၤဒ်န့ၣ်န့ၣ် ထံဒိၣ်ထီၣ်လၢ အဆီၣ်တၢ်ဆူၣ်ဆူၣ် တတုၤလၢ အဝဲသ့ၣ်အအိၣ်ဘၣ်.
၇ နမ့ၢ်တၢ်အိၣ်ခူသူၣ်အလီၢ်လၢ ယဂီၢ်လီၤ.
နကဒီသဒၢယၤလၢ တၢ်နး တၢ်ဖှီၣ်လီၤ.+
ခီဖျိလၢ နတၢ်အုၣ်က့ၤခီၣ်က့ၤအဃိ ပှၤလၢအကိးပသူထီၣ်လၢ တၢ်သးခုအပူၤန့ၣ် ကအိၣ်ဝးတရံးယၤလီၤ.+ (စ့လၤ)
၈ နတဲလၢ “ယကဟ့ၣ်နၤ တၢ်သ့ၣ်ညါနၢ်ပၢၢ် ဒီးဟံးစုနဲၣ်ကျဲနၤလၢ ကျဲလၢ နကြၢးလဲၤ+
ဒီးယကကွၢ်နၤ လီၤတံၢ်လီၤဆဲး ဒီးယကဟ့ၣ်ကူၣ်ဟ့ၣ်ဖးနၤ.+
၉ ဒီးတဘၣ်ကဲထီၣ်ပှၤလၢ အတၢ်နၢ်ပၢၢ်တအိၣ်ဘၣ် ဒ်ကသ့ၣ် မ့တမ့ၢ် ကသ့ၣ်ယီၤ* အသိးတဂ့ၤ.+
ဒ်သိးပှၤပၢၤအီၤကန့ၢ်အဂီၢ် ပှၤဘၣ်ဒုးအ့ၣ်ထီၣ်အီၤ ထးလၢအကိာ်ပူၤ ဒီးသူပျံၤလီၤ.
ထဲန့ၣ်မး အကဟဲဘူးဒီးနၤလီၤ.”
၁၀ ပှၤအၢပှၤသီ တူၢ်ဘၣ်တၢ်အါမး
မ့မ့ၢ် ပှၤလၢအနာ်န့ၢ် ယဟိဝၤယွၤန့ၣ် ကစၢ်ယွၤ အတၢ်အဲၣ်လၢအတီ အိၣ်ဝးတရံးအီၤလီၤ.+
၁၁ ပှၤတီပှၤလိၤသ့ၣ်ဧၢ, သးခုလၢ ယဟိဝၤယွၤအပူၤ ဒီးသူၣ်ခုသးခုတက့ၢ်.
ပှၤလၢအသူၣ်ဘျၢသးဘျၢ ခဲလၢာ်သ့ၣ်ဧၢ, ကိးပသူထီၣ်လၢ တၢ်သူၣ်ခုသးခု အပူၤတက့ၢ်.