၂ ၡမူၤအ့လး
၂၂ မုၢ်တနံၤဖဲ ယဟိဝၤယွၤ မၤပူၤဖျဲး စီၤဒၤဝံးလၢ အဒုၣ်အဒါခဲလၢာ်+ ဒီးစီၤစီလူးအစုပူၤန့ၣ်+ စီၤဒၤဝံး သးဝံၣ်ဝဲ တၢ်သးဝံၣ် တယုၢ်အံၤလၢ ယဟိဝၤယွၤ အအိၣ်လီၤ.+ ၂ အဝဲတဲဝဲလၢ
“ယဟိဝၤယွၤ မ့ၢ်ယလၢၢ်, ယတၢ်အိၣ်သဒၢအလီၢ်+ ဒီးမ့ၢ်ပှၤလၢ အမၤပူၤဖျဲးယၤလီၤ.+
၃ ယကစၢ်ယွၤ မ့ၢ်ယလၢၢ်ယလ့+ လၢယကအိၣ်သဒၢ ယသးအဂီၢ်,
ယကတီၤ,+ ယတၢ်အုၣ်က့ၤခီၣ်က့ၤအနၢၤ ဒီးယတၢ်အိၣ်သဒၢအလီၢ် လၢအကျၢၤလီၤ.+
ဒီးမ့ၢ်ဝဲ တၢ်ဃ့ၢ်ပူၤဖျဲးသးအလီၢ် လၢယဂီၢ်,+ ပှၤလၢအအုၣ်က့ၤခီၣ်က့ၤယၤ+ ဒီးနမ့ၢ်ပှၤလၢ အမၤပူၤဖျဲးယၤလၢ ပှၤလၢအမၤဆူၣ်မၤစိးတၢ် အစုပူၤလီၤ.
၄ ယဟိဝၤယွၤလၢ အကြၢးဒိးန့ၢ်ဘၣ် တၢ်စံးထီၣ်ပတြၢၤန့ၣ် ယကိးထီၣ်အီၤ,
ဒီးယကပူၤဖျဲးလၢ ယဒုၣ်ယဒါတဖၣ် အစုပူၤလီၤ.
၅ တၢ်သံအလပီ အိၣ်ဝးတရံးယၤ,+
ပှၤပိာ်ခွါလၢ အလုၢ်အပှ့ၤတအိၣ်ဘၣ် လၢအလီၤဂာ်ဒ်သိး ထံဒိၣ်ထီၣ် သတူၢ်ကလာ်န့ၣ် မၤပျံၤမၤဖုး ယၤလီၤ.+
၇ ဖဲယဘၣ်ကိၢ်ဘၣ်ဂီၤအခါ ယကိးထီၣ် ယဟိဝၤယွၤ,+
ယဆဲးကိးထီၣ် ယကစၢ်ယွၤလီၤ.
အဝဲအိၣ်လၢ အတၢ်လုၢ်ဟံၣ် ဒီးနၢ်ဟူယကလုၢ်
ဒီးယဃ့အီၤတၢ်မၤစၢၤန့ၣ် အနၢ်ဟူဝဲလီၤ.+
၉ မ့ၣ်အူခုၣ် ဟးထီၣ်လၢ အနါဒ့အပူၤ,
မ့ၣ်အူအီၣ်တၢ် ဟးထီၣ်လၢ အကိာ်ပူၤ,+
မ့ၣ်အူအ့ၣ်လၢ အကဲၤတဖၣ် ဟးထီၣ်လၢအအိၣ်လီၤ.
၁၂ ဒီးအဝဲပာ် တၢ်ခံးသူဝးတရံးအီၤ ဒ်တၢ်အိၣ်ကဒု အလီၢ်အသိး,+
အဃိ ထံဒုဒီး တၢ်အၢၣ်ခံးသူ အိၣ်ဝးတရံးအီၤလီၤ.
၁၃ တၢ်ကပီၤလၢ အအိၣ်လၢ အမဲာ်ညါအကျါန့ၣ် မ့ၣ်အူအ့ၣ် ကဲၤကပျီၤထီၣ်ဝဲလီၤ.
၁၅ အဝဲခးဝဲအပျၢ်တဖၣ်+ ဒီးမၤလီၤပြံလီၤပြါ အဒုၣ်အဒါ,
မၤကပီၤထီၣ် လီဝၢ်ဒံး ဒီးမၤဘံဘူ အဒုၣ်အဒါတဖၣ် အတၢ်ဆိကမိၣ်လီၤ.+
၁၆ အိ ယဟိဝၤယွၤဧၢ, ခီဖျိလၢ နတၢ်သိၣ်က့ၤသီက့ၤ
ဒီးနကသါလီၤကလံၤလၢ နနါဒ့အဃိ+
ထံကျိ အခံဒးအိၣ်ဖျါထီၣ်+ ဒီးခိခိၣ်အခီၣ်ထံး အိၣ်ဖျါထီၣ်ဝဲလီၤ.
၁၇ အဝဲအိၣ်လၢ တၢ်လီၢ်ထီၣ်ထီဒီး ယူာ်လီၤအစု,
အဝဲဟံးန့ၢ်ယၤ ဒီးထုးထီၣ်ယၤလၢ ထံယိာ်အပူၤလီၤ.+
၁၈ အဝဲမၤပူၤဖျဲးယၤလၢ ယဒုၣ်ယဒါလၢ အဂံၢ်ဆူၣ်ဘါဆူၣ်,+
ပှၤလၢအသးဟ့ယၤ ဒီးပှၤလၢ အဂံၢ်ဆူၣ်ဘါဆူၣ်န့ၢ်ဒံးယၤ အစုပူၤလီၤ.
၁၉ ဖဲယဘၣ်နးဘၣ်ဖှီၣ်အခါ အဝဲသ့ၣ် ဟဲသဂၢၢ်ယၤ+
ဘၣ်ဆၣ် ယဟိဝၤယွၤ မ့ၢ်ပှၤလၢ အမၤစၢၤယၤလီၤ.
၂၀ အဝဲထုးထီၣ်ယၤ ဒီးပာ်လီၤယၤလၢ တၢ်လီၢ်လၢ အအိၣ်ဒီး တၢ်ဘံၣ် တၢ်ဘၢ,+
အဝဲမၤပူၤဖျဲးယၤ မ့ၢ်လၢ အဘၣ်သူၣ်ဘၣ်သးယၤအဃိလီၤ.+
၂၂ ယမၤထွဲ ယဟိဝၤယွၤ အတၢ်မၤလိာ်ထီဘိ,
ယတမၤ တၢ်အၢတၢ်သီ ခီဖျိပာ်တ့ၢ်ကွံာ် ယကစၢ်ယွၤဘၣ်.
၂၆ ပှၤလၢအတီဒီးနၤန့ၣ် နတီဒီးအီၤ,+
ပှၤပိာ်ခွါလၢ ပှၤပာ်ဒ့ၣ်ပာ်ကမၣ်အီၤအလီၢ် တအိၣ်ဘၣ်န့ၣ် နတပာ်တ့ၢ်အီၤဘၣ်.+
၃၀ လၢနတၢ်မၤစၢၤအဃိ ယလဲၤထီၣ်သဂၢၢ် သုးဖိတဖုသ့,
ဒီးယဖုကပာ် တၢ်ဒူၣ် ခီဖျိ နစိနကမီၤ အဃိသ့လီၤ.+
အဝဲမ့ၢ်ကတီၤတဘ့ၣ်လၢ ပှၤလၢအသန့ၤအသးလၢအီၤ ကိးဂၤဒဲး အဂီၢ်လီၤ.+
၃၄ အဝဲဒုးဃ့ၢ်ယၤဒ် တၤဟိအသိး,
အဝဲဒုးဆၢထၢၣ်ယၤလၢ တၢ်လီၢ်လၢ အထီၣ်ထီတဖၣ်အလိၤ ကျၢၤကျၢၤလီၤ.+
၃၅ အဝဲသိၣ်လိနဲၣ်လိယၤ လၢတၢ်ဒုးအဂီၢ်
ဒီးယဘိးက့ၣ်ချံၣ်တိၢ်ဘီ န့ၢ်ဝဲလီၤ.
၃၇ နမၤလဲၢ်ထီၣ် ကျဲလၢယခီၣ်အဂီၢ်
ဒ်သိးယသု တလီၤဃံၢ်တဂ့ၤ အဂီၢ်လီၤ.+
၃၈ ယကလူၤ ယဒုၣ်ယဒါဒီး မၤဟးဂီၤ အဝဲသ့ၣ်
ဒီးယမၤဟးဂီၤ အဝဲသ့ၣ် မ့ၢ်တလၢာ်ဘၣ်န့ၣ် ယတဟဲက့ၤဒံးဘၣ်.
၃၉ ဒ်သိးအဝဲသ့ၣ် သုတဂဲၤဆၢထၢၣ် လၢၤတဂ့ၤအဂီၢ် ယကမၤဟးဂီၤ အဝဲသ့ၣ် ဒီးမၤသဘှံးအဝဲသ့ၣ် ခဲလၢာ်+
ဒီးအဝဲသ့ၣ် ကလီၤဃံၢ်လၢ ယခီၣ် ဖီလာ်လီၤ.
၄၂ အဝဲသ့ၣ်ဃ့ တၢ်မၤစၢၤဘၣ်ဆၣ် ပှၤလၢအကမၤပူၤဖျဲး အဝဲသ့ၣ်န့ၣ် တအိၣ်နီတဂၤဘၣ်.
ဒီးအဝဲသ့ၣ် ဃ့တၢ်မၤစၢၤလၢ ယဟိဝၤယွၤအအိၣ် သနာ်က့ ကစၢ်ယွၤ တစံးဆၢ အဝဲသ့ၣ်ဘၣ်.+
၄၃ ယကတိၢ်သဘှံးအဝဲသ့ၣ် တုၤလၢ အဝဲသ့ၣ် လီၤကမူၣ် ဒ်ဟီၣ်ခိၣ် ကမူၣ်အသိး,
ယကမၤလီၤဘျဲး ဒီးယီၢ်တံၢ်အဝဲသ့ၣ် ဒ်ကပံာ်လၢ ကျဲပူၤအသိးလီၤ.
၄၄ ယပှၤဂီၢ်မုၢ် ဃုယတၢ်ကမၣ် သနာ်က့ နကမၤပူၤဖျဲးယၤလီၤ.+
၄၅ လၢတၢ်ပျံၤတၢ်ဖုးအပူၤန့ၣ် ပှၤထံဂၤကီၢ်ဂၤဖိ ကဟဲဆုးလီၤအခိၣ် လၢယမဲာ်ညါ,+
တၢ်လၢအဝဲသ့ၣ်နၢ်ဟူ ဘၣ်ဃးဒီးယဂ့ၢ်န့ၣ် ကထိၣ်ဟူးထိၣ်ဂဲၤထီၣ်အဝဲသ့ၣ် လၢကဒိကနၣ်ယကလုၢ်လီၤ.
၄၆ ပှၤထံဂၤကီၢ်ဂၤဖိ အတၢ်သးဒူ ကလီၤမၢ်
ဒီးအဝဲသ့ၣ် ကဟးထီၣ်လၢ အတၢ်အိၣ်သဒၢအလီၢ်တဖၣ် ဒီးကဟဲဝဲ ကနိးကစုာ်လီၤ.
၄၇ ယဟိဝၤယွၤန့ၣ် မူဝဲလီၤ. မ်ယလၢၢ် ဘၣ်တၢ်စံးထီၣ်ပတြၢၤအီၤတက့ၢ်.+
ကစၢ်ယွၤ လၢအမ့ၢ် ယတၢ်အုၣ်က့ၤခီၣ်က့ၤ အလၢၢ်န့ၣ် မ်အဘၣ် တၢ်ပာ်ထီၣ်ထီအီၤတက့ၢ်.+
၄၉ အဝဲမၤပူၤဖျဲးယၤလၢ ယဒုၣ်ယဒါတဖၣ် အစုပူၤလီၤ.
နစိာ်ထီၣ်ထီယၤလၢ+ ပှၤလၢအထီဒါယၤ အဖီခိၣ်လီၤ.
နမၤပူၤဖျဲးယၤလၢ ပှၤပိာ်ခွါလၢ အမၤဆူၣ်မၤစိးတၢ် အစုပူၤလီၤ.+