ယံးရမံယၤ
၁၀ ပှၤအံၣ်စရ့လးဖိသ့ၣ်ဧၢ, ဒိကနၣ် တၢ်ဟ့ၣ်ပလီၢ်လၢ ယဟိဝၤယွၤ ဟ့ၣ်လီၤသုအံၤတက့ၢ်. ၂ ယဟိဝၤယွၤ တဲဝဲလၢ
“တဘၣ်ကွၢ်လိ ပှၤကလုာ်တဖၣ် အလုၢ်အလၢ်တဂ့ၤ.+
ပှၤကလုာ်တဖၣ် ပျံၤတၢ် ခီဖျိလၢ မူခိၣ်အတၢ်ပနီၣ်တဖၣ် သနာ်က့
မ့မ့ၢ် သုဝဲသ့ၣ်န့ၣ် တဘၣ်ပျံၤတၢ် ခီဖျိလၢ မူခိၣ်အတၢ်ပနီၣ်တဖၣ် အဃိတဂ့ၤ.+
၃ ပှၤဂီၢ်မုၢ်တဖၣ် အလုၢ်အလၢ်န့ၣ် မ့ၢ်တၢ်ကလီကလီလီၤ.
အဒိ ပှၤကူာ်လီၤသ့ၣ်တထူၣ် လၢပှၢ်ကျါ
ဒီးပှၤစုသ့ဖိတဂၤ တ့ထီၣ်ဝဲလၢ တၢ်ဂီၤတၢ်ဖှီၣ်တခါလီၤ.+
၄ အဝဲသ့ၣ် မၤဃံမၤလၤထီၣ်ဝဲလၢ စ့ညၣ်ဒီးထူလီၤ.+
ဒီးဒိတံၢ်ကျၢၤထီၣ်ဝဲလၢ တူၤဒီး ထးပနဲာ်တဖၣ် ဒ်သိးအသုတလီၤကူၢ်တဂ့ၤ အဂီၢ်လီၤ.+
၅ ဒ်တၢ်ဂီၤလၢ အမၤပျံၤထိၣ်ဖိလံၣ်ဖိလၢ အအိၣ်လၢ ဒံသၣ်ကျီးပူၤအသိး တၢ်ဂီၤတၢ်ဖှီၣ်တဖၣ်န့ၣ် တဲတၢ်တသ့ဘၣ်.+
အဝဲသ့ၣ် ဟးတသ့ဘၣ်အဃိ ပှၤဘၣ်စိာ်အဝဲသ့ၣ်လီၤ.+
အဝဲသ့ၣ် မၤဘၣ်ဒိတၢ်တသ့ဘၣ်
ဒီးမၤဂ့ၤတၢ်တသ့ဘၣ်အဃိ တဘၣ်ပျံၤ အဝဲသ့ၣ်တဂ့ၤ.”+
၆ အိ ယဟိဝၤယွၤဧၢ, ပှၤလၢအလီၤဂာ်ဒီးနၤ တအိၣ်နီတဂၤဘၣ်.+
နမ့ၢ်ပှၤလၢ အဒိၣ်အထီ ဒီးနမံၤန့ၣ် အစိကမီၤဒိၣ်မးလီၤ.
၇ ပှၤကလုာ်တဖၣ် အစီၤပၤဧၢ,+ ပှၤခဲလၢာ် ကြၢးပျံၤနၤလီၤ. အဃိ မ့ၢ်မတဂၤ တပျံၤနၤဘၣ်လဲၣ်.
လၢပှၤကလုာ်တဖၣ် အပှၤကူၣ်ဘၣ်ကူၣ်သ့ ခဲလၢာ်အကျါ ဒီးလၢ အဝဲသ့ၣ် အဘီမုၢ်ခဲလၢာ်အကျါန့ၣ်
ပှၤလၢအလီၤဂာ်ဒီးနၤ တအိၣ်နီတဂၤဘၣ်.+
၈ အဝဲသ့ၣ် မ့ၢ်ပှၤလၢ အသူၣ်တဆးအသးတဆးဘၣ် ဒီးမ့ၢ်ပှၤဟးဂီၤဖိ ကိးဂၤဒဲးလီၤ.+
တၢ်ဟံးစုနဲၣ်ကျဲလၢ အအိၣ်ဟဲလၢ သ့ၣ်ထူၣ်အအိၣ်န့ၣ် အမ့ၢ်တၢ်ကလီကလီ သပှၢ်တၢၢ်လီၤ.+
၉ စ့ညၣ်တဖၣ်လၢ အဟဲလၢ တၢ်ၡံၣ်+ ဒီးထူလၢ အဟဲလၢ အူဖစးန့ၣ်
ပှၤစုသ့ဖိ ဒီးပှၤပိာ်ထးဖိ သူဝဲလၢ ကကျးဘၢ တၢ်ဂီၤတၢ်ဖှီၣ်န့ၣ်လီၤ.
ပှၤဒုးကၤထီၣ် တၢ်ဂီၤတၢ်ဖှီၣ်တဖၣ်န့ၣ်လၢ တၢ်ကူတၢ်ကၤလၢ အဘၣ်တၢ်မၤအီၤလၢ လုၣ်လၢ အလွဲၢ်လါအဲး ဒီးသိဆူၣ်လၢ အလွဲၢ်လုးလီၤ.
တၢ်ဂီၤတၢ်ဖှီၣ်တဖၣ်န့ၣ် ပှၤလၢအမၤတၢ်သ့ဂ့ၤဂ့ၤတဖၣ် တ့ထီၣ်ဝဲလီၤ.
၁၀ မ့မ့ၢ် ယဟိဝၤယွၤန့ၣ် မ့ၢ်ကစၢ်ယွၤလၢ အမ့ၢ်အတီလီၤ.
အဝဲမ့ၢ် ကစၢ်ယွၤလၢအမူဝဲ+ ဒီးစီၤပၤအထူအယိာ်လီၤ.+
ခီဖျိလၢ အတၢ်သးထီၣ်အဃိ ဟီၣ်ခိၣ်ကဟူးဝးဝဲ+
ဒီးပှၤကလုာ်တဖၣ် တူၢ်အတၢ်သးဒိၣ်ထီၣ် တကဲဘၣ်.
၁၁ * နကြၢးတဲအဝဲသ့ၣ်လၢ
“ယွၤတဖၣ်လၢ အတတ့လီၤ မူခိၣ် ဒီးဟီၣ်ခိၣ်ဘၣ်န့ၣ်
ကဟးဂီၤကွံာ်လၢ မူခိၣ်အဖီလာ် ဒီးလၢဟီၣ်ခိၣ်ချၢလီၤ.”+
၁၂ ကစၢ်ယွၤ မ့ၢ်ပှၤတဂၤလၢ အတ့လီၤဟီၣ်ခိၣ်လၢ အစိကမီၤ,
အဒုးအိၣ်ထီၣ်ခိခိၣ်လၢ အတၢ်ကူၣ်သ့+
ဒီးအဝဲထုးသလၣ်ထီၣ် မူခိၣ်လၢ အတၢ်သ့ၣ်ညါနၢ်ပၢၢ်လီၤ.+
၁၃ ဖဲအဝဲဒုးသီၣ်ထီၣ် အကလုၢ်အခါ
ထံတဖၣ်လၢ မူခိၣ်န့ၣ် ဟူးဝး ဆှဲးဆှိးဝဲလီၤ.+
အဝဲဒုးဟဲထီၣ် တၢ်အၢၣ်လၢ ဟီၣ်ခိၣ်အနၢၣ်အကတၢၢ်,+
မၤကပီၤထီၣ် လီဝၢ်ဒံးလၢ မူခိၣ်စူၤကျါ
ဒီးဒုးဟဲထီၣ် ကလံၤလၢ အတၢ်ပာ်ဖှိၣ်အလီၢ်တဖၣ်လီၤ.+
၁၄ ပှၤကိးဂၤဒဲးန့ၣ် မၤတၢ်လၢ တအိၣ်ဒီး တၢ်သူၣ်ဆးသးဆး ဒီးတအိၣ်ဒီး တၢ်သ့ၣ်ညါဘၣ်.
ပှၤပိာ်ထးဖိ ကိးဂၤဒဲးန့ၣ် ကတူၢ်ဘၣ်တၢ်မဲာ်ဆှး ခီဖျိလၢ တၢ်ဂီၤတၢ်ဖှီၣ်အဃိလီၤ.+
အတၢ်ဂီၤတၢ်ဖှီၣ်ထးန့ၣ် မ့ၢ်ဝဲ တၢ်လံၣ်တၢ်လီ
ဒီးအသးသမူ တအိၣ်ဘၣ်.+
၁၅ တၢ်ဂီၤတၢ်ဖှီၣ်တဖၣ်အံၤ မ့ၢ်တၢ်ကလီကလီ ဒီးမ့ၢ်တၢ်လၢ အလီၤဒုၣ်ဒွဲၣ်စံးအၢလီၤ.+
အခါမ့ၢ်ဘၣ်လၢ ကစၢ်ယွၤ ကကျဲၤက့ၤ တၢ်ဂီၤတၢ်ဖှီၣ်တဖၣ်အံၤန့ၣ် တၢ်ဂီၤတၢ်ဖှီၣ်တဖၣ်အံၤ ကလီၤမၢ်ကွံာ်ဝဲလီၤ.
၁၆ စီၤယၤကိာ် အကစၢ်ယွၤန့ၣ် တလီၤဂာ်ဒီး တၢ်သ့ၣ်တဖၣ်န့ၣ်ဘၣ်.
အဝဲမ့ၢ် ပှၤတဂၤလၢ အတ့လီၤ တၢ်ခဲလၢာ်
ဒီးပှၤအံၣ်စရ့လးဖိ မ့ၢ်ဝဲ အတၢ်န့ၢ်သါလၢ အလုၢ်ဒိၣ်ပှ့ၤဒိၣ်ကတၢၢ် တမံၤလီၤ.*+
ဒီးအမံၤမ့ၢ်ဝဲ တၢ်သုးမုၢ်ဂီၢ်မုၢ် အကစၢ် ယဟိဝၤယွၤလီၤ.+
၁၇ ပိာ်မုၣ်* လၢပှၤကဝီၤဃာ်အီၤဧၢ,
ဘိၣ်ထီၣ် နတၢ်ဘိၣ်သၢၤ.
၁၈ ယဟိဝၤယွၤ တဲဝဲလၢ
“ခဲအံၤ ယကနီဟးထီၣ်ကွံာ် ပှၤလၢအအိၣ်လၢ တၢ်လီၢ်အံၤ+
ဒီးယကဒုးတူၢ် အဝဲသ့ၣ်လၢ တၢ်ကိၢ်တၢ်ဂီၤလီၤ.”
၁၉ ယဘၣ်ဒိဘၣ်ထံး သပှၢ်တၢၢ်အဃိ လီၤသးအုးလၢ ယဂီၢ်ထဲလဲၣ်.+
ယတၢ်ပူၤလီၢ်အံၤ ဘျါက့ၤ တသ့ဘၣ်.
ဒီးယတဲလၢ “တၢ်ဆါတခါအံၤ မ့ၢ်ဝဲ ယတၢ်ဆါ ဒီးယကဘၣ် တူၢ်အီၤလီၤ.
၂၀ ယဒဲန့ၣ် ဘၣ်တၢ်မၤဟးဂီၤကွံာ်အီၤ ဒီးယဒဲအပျံၤတဖၣ် ဘၣ်တၢ်မၤတဲာ်ကွံာ်အီၤ လၢာ်လံ.+
ယဖိခွါတဖၣ် ပာ်တ့ၢ်ကွံာ်ယၤ ဒီးတအိၣ် နီတဂၤလၢၤဘၣ်.+
ပှၤလၢကဆီလီၤယဒဲ ဒီးကဘျးထီၣ် ယဒဲအတၢ်ကံးညာ်တဖၣ်န့ၣ် တအိၣ်နီတဂၤလၢၤဘၣ်.
အဃိ အဝဲသ့ၣ် တပာ်ဖျါထီၣ် တၢ်နၢ်ပၢၢ်လီၤတံၢ်လီၤဆဲးလၢ တၢ်လၢအမၤဝဲဘၣ်
ဒီးအဝဲသ့ၣ် အသိတဖၣ်န့ၣ် လီၤပြံလီၤပြါဝဲ ခဲလၢာ်လီၤ.”+
၂၂ ကနၣ်တၢ်ကစီၣ်သၢၤ, ဒုၣ်ဒါဟဲလံ.
တၢ်တၢထီၣ်တၢလီၤ ဖးဒိၣ်တမံၤ အိၣ်ဟဲလၢ ကလံၤစိးတခီ+
ဒ်သိး ကဒုးအိၣ်သယုၢ် ယူဒၤအဝ့ၢ်တဖၣ် ဒီးဒုးကဲထီၣ်အီၤလၢ တၢ်လီၢ်လၢ ထွံၣ်မံၤ ကအိၣ်ဝဲအဂီၢ်လီၤ.+
၂၃ ယဟိဝၤယွၤဧၢ, ပှၤဟီၣ်ခိၣ်ဖိ ဟံးစုနဲၣ်ကျဲလီၤ အနီၢ်ကစၢ် အတၢ်အိၣ်မူ တန့ၢ်ဘၣ်န့ၣ် ယသ့ၣ်ညါ ဂ့ၤဂ့ၤလီၤ.
ပှၤဟီၣ်ခိၣ်ဖိ တဒိးန့ၢ်ဘၣ် တၢ်ခွဲး တၢ်ယာ်လၢ ကဟံးစုနဲၣ်ကျဲလီၤ အနီၢ်ကစၢ် အခီၣ်ခါဘၣ်.+
၂၄ ယဟိဝၤယွၤဧၢ, ဘှီဘၣ်ထီၣ်ယၤ ဒ်နထံၣ်လၢ အကြၢးအဘၣ် အသိးတက့ၢ်.
ဘၣ်ဆၣ် ဒ်သိးနသု တမၤဟးဂီၤဘၣ်ဖုးယၤ တဂ့ၤအဂီၢ်+ တဘၣ်ဘှီဘၣ်ထီၣ်ယၤလၢ တၢ်သးထီၣ် အပူၤတဂ့ၤ.+
၂၅ လူလီၤ နတၢ်သးထီၣ်လၢ ပှၤကလုာ်တဖၣ်လၢ အတကနၣ်ဃုာ်နၤဘၣ် အဖီခိၣ်+
ဒီးလၢပှၤဂီၢ်မုၢ်တဖၣ်လၢ အတကိးထီၣ်နမံၤဘၣ် အဖီခိၣ်တက့ၢ်.