ယိၤဘး
၉ စီၤယိၤဘး တဲဆၢဝဲလၢ
၂ “တၢ်အဝဲန့ၣ်န့ၣ် ယသ့ၣ်ညါဧဲၤ.
ဘၣ်ဆၣ် လၢကစၢ်ယွၤ အမဲာ်ညါန့ၣ် ပှၤဟီၣ်ခိၣ်ဖိ တဲလီၤအသးလၢ အတီအလိၤ ကသ့ဒ်လဲၣ်.+
၃ ပှၤတဂၤ မ့ၢ်အဲၣ်ဒိး တဲအါတဲစှၤတၢ်ဒီးအီၤန့ၣ်*+
အတၢ်သံကွၢ် အဖျၢၣ်တကထိအကျါ တဖျၢၣ်ဒၣ်လဲာ် ပှၤတဂၤန့ၣ် စံးဆၢဝဲ တဘၣ်ဘၣ်.
၄ အဝဲ ကူၣ်တၢ်သ့ဒိၣ်မး* ဒီးအစိကမီၤဒိၣ် ဒိၣ်မးလီၤ.+
ပှၤလၢအထီဒါအီၤ ဒီးတဘၣ်ဒိဘၣ်ထံးဘၣ်န့ၣ် ကအိၣ်တဂၤဂၤဧါ.+
၅ အဝဲ သုးကွံာ်ကစၢၢ်တဖၣ် ဘၣ်ဆၣ် ပှၤတသ့ၣ်ညါဝဲ နီတဂၤဘၣ်.
အဝဲကျၢၢ်အီထီ ကစၢၢ်တဖၣ် လၢတၢ်သးဒိၣ် အပူၤလီၤ.
၆ အဝဲမၤဟူး ဟီၣ်ခိၣ်အဃိ
ဟီၣ်ခိၣ်အထူၣ်တဖၣ် ကနိးဝဲလီၤ.+
၇ အဝဲမၤလိာ်မုၢ် ဒ်သိး အသု တကပီၤလီၤ တဂ့ၤအဂီၢ်
ဒီးပာ်သဒၢဝဲ ဆၣ်သ့ၣ်တဖၣ် အတၢ်ကပီၤလီၤ.+
၉ အဝဲတ့လီၤ ဆၣ်ကဆီ, ဆၣ်ယိးမါ ဒီးဆၣ်ဒၢမုၢ် အကရူၢ်တဖၣ်+
ဒီးဆၣ်ကရူၢ်တဖၣ် လၢမူခိၣ် အကလံၤထံးလီၤ.
၁၀ အမၤတၢ်လၢ အဒိၣ်အမုၢ် ဒီးအတၢ်မၤတဖၣ်န့ၣ် ပှၤနၢ်ပၢၢ်အီၤ တသ့ဘၣ်.+
ဒီးအတၢ်လီၤလိၢ်လီၤလးတဖၣ်န့ၣ် ပှၤဂံၢ်ကွၢ်အီၤ တလၢာ်ဘၣ်.+
၁၁ အဝဲလဲၤခီဂာ်တၢ်လၢ ယကပၤ ဘၣ်ဆၣ် ယထံၣ်အီၤတသ့ဘၣ်,
အဝဲ လဲၤတလၢယၤ ဘၣ်ဆၣ် ယတသ့ၣ်ညါထွဲဘၣ်.
၁၂ ဖဲအဖီၣ်ထုးန့ၢ် တၢ်တမံၤမံၤအခါ မတဂၤတြီအီၤ ကန့ၢ်လဲၣ်.
မတဂၤတဲအီၤလၢ ‘နမၤမနုၤလဲၣ်’ န့ၣ်ကသ့လဲၣ်.+
၁၄ အဃိ ယမ့ၢ် တဲအါတဲစှၤတၢ်ဒီး ကစၢ်ယွၤန့ၣ်
ယကဘၣ်ဃုထၢ တၢ်ကတိၤ မူာ်မူာ်နီၢ်နီၢ် လၢယကစံးဆၢအီၤ အဂီၢ်သၢၤ.
၁၅ ယမ့ၢ် ဘၣ်သနာ်က့ ယစံးဆၢအီၤ တဘူၣ်ဘၣ်.+
အိၣ်ဒၣ်ထဲ ယကဘၣ်ဃ့ တၢ်သးကညီၤ လၢယစံၣ်ညီၣ်ကွီၢ် အအိၣ်လီၤ.
၁၆ ယမ့ၢ်ကိးထီၣ်အီၤ နာ်က့ မ့ၢ်အဝဲ ကစံးဆၢယၤဧါ.
ယဆိကမိၣ်လၢ အဝဲတဒိကနၣ် ယကလုၢ်ဘၣ်.
၁၇ အဝဲမၤသဘှံးယၤလၢ ကလံၤမုၢ်
ဒီးတၢ်ဂ့ၢ်တအိၣ် နီတမံၤဘၣ် သနာ်က့ အဝဲမၤအါထီၣ် ယတၢ်ပူၤလီၢ်တဖၣ်လီၤ.+
၁၈ အဝဲ တဒုးကသါယၤလၢၤဘၣ်,
အမၤအါထီၣ် ယတၢ်ကီတၢ်ခဲတဖၣ် ထီဘိလီၤ.
၁၉ မ့မ့ၢ်ဘၣ်ဃးဒီး တၢ်စိတၢ်ကမီၤန့ၣ် ကစၢ်ယွၤ မ့ၢ်ပှၤလၢအအိၣ်ဒီး တၢ်စိတၢ်ကမီၤ,+
ဒီးမ့မ့ၢ်လၢ တၢ်စံၣ်ညီၣ်တီ တကပၤန့ၣ် ကစၢ်ယွၤ တဲဝဲလၢ ‘မတဂၤ ဟံးန့ၢ်ယၤအရ့ ကသ့လဲၣ်.’
၂၀ ယမ့ၢ် ဘၣ်သနာ်က့ ယကစံၣ်ညီၣ်လီၤက့ၤ ဘၣ်ဖုးယသး ခီဖျိလၢ ယထးခိၣ်လီၤ.
ယမ့ၢ်ဆဲးအိၣ်ဒီး တၢ်သးတီဘၣ်ဆၣ် အဝဲကတဲလၢ ယတၢ်ကမၣ်အိၣ်လီၤ.
၂၁ ယမ့ၢ်ပၢၤဃာ် ယတၢ်သးတီဘၣ်ဆၣ် ယတနာ်လီၤယသးလၢၤဘၣ်.
ယသးလၢာ် ယတၢ်အိၣ်မူလီၤ.
၂၂ တၢ်တလီၤဆီလိာ်သး နီတမံၤဘၣ်. လၢတၢ်န့ၣ်အဃိ ယတဲလၢ
‘အဝဲမၤဟးဂီၤ ပှၤလၢအတၢ်ကမၣ် တအိၣ်ဘၣ်ဒီးပှၤအၢပှၤသီ ဒ်သိးသိးလီၤ.’
၂၃ ထံမ့ၢ်ဒိၣ်ထီၣ် သတူၢ်ကလာ်
ဒီးပှၤလၢအတၢ်ကမၣ် တအိၣ်ဘၣ်တဖၣ် မ့ၢ်သံဃုာ်ဒီး ပှၤဂၤတဖၣ် နာ်က့ ကစၢ်ယွၤကနံၤဝဲလီၤ.
၂၄ ကစၢ်ယွၤ ဟ့ၣ်လီၤ ဟီၣ်ခိၣ်အံၤလၢ ပှၤအၢပှၤသီ အစုပူၤလီၤ.+
အဝဲကးဘၢ ဟီၣ်ခိၣ် အစံၣ်ညီၣ်ကွီၢ်တဖၣ် အမဲာ်လီၤ.
ပှၤမၤတၢ်အဝဲန့ၣ် မ့တမ့ၢ်အီၤဘၣ်န့ၣ် ကမ့ၢ်မတဂၤလဲၣ်.
၂၅ ယတၢ်အိၣ်မူ တနံၤဘၣ်တနံၤ လဲၤပူၤကွံာ်အသး ချ့န့ၢ်ဒံး ပှၤဃ့ၢ်ပြၢတၢ်ဖိတဂၤ ဃ့ၢ်ဝဲ+
ဒီးယတထံၣ်ဘၣ် တၢ်သးခု နီတဘျီဘၣ်.
၂၆ ယတၢ်အိၣ်မူ လဲၤပူၤကွံာ် ဒ်ချံတဖၣ်လၢ ပှၤတ့အီၤလၢ တပိၢ်ဘိ
ဒီးလီၤဂာ်ဒ် လံာ်ကြီကြာ်လၢ အယူၤလီၤ စှီၤန့ၢ်အဆၣ် ချ့ချ့လီၤ.
၂၇ ယမ့ၢ်တဲလၢ ‘ယကသးပ့ၤနီၣ်ကွံာ် ယတၢ်ကဒူးကဒ့ၣ်,
ဒီးယကဆီတလဲ ယတၢ်ပာ်မဲာ်ပာ်နါ ဒီးယကသးခုက့ၤ’ နာ်က့
၂၈ မ့ၢ်လၢ ယတူၢ်ဘၣ်တၢ် ဆါနးမးအဃိ ယကပျံၤတၢ်ဒံးလီၤ.+
ဒီးယသ့ၣ်ညါလၢ နတထံၣ်ယၤဒ် ပှၤလၢ အတၢ်ကမၣ် တအိၣ်ဘၣ် န့ၣ်ဘၣ်.
၂၉ ပှၤကထံၣ်ယၤဒ် ပှၤလၢအတၢ်ကမၣ်အိၣ် အသိး
အဃိ ယမ့ၢ်ဟ့ၣ်အၡူခဲအံၤန့ၣ် ဝံၤလီၤ.+
၃၀ ယမ့ၢ်လုၢ် မူခိၣ်ဖီအထံ
ဒီးသ့စီ ယစုလၢ ဆးပၠၣ်နာ်က့+
၃၁ နကဘျၢလီၤယၤလၢ ကပံာ်ကျါ
အဃိ ယကူယကၤဒၣ်လဲာ် ကသးဘၣ်အၢယၤလီၤ.
၃၂ အဝဲတမ့ၢ် ပှၤကညီ ဒ်သိးဒီး ယၤဘၣ် အဃိ
ယကလဲၤထီၣ်ရူဒီးအီၤ လၢယကတဲဆၢက့ၤအီၤ အဂီၢ်န့ၣ် တန့ၢ်ဘၣ်.+
၃၃ ပှၤလၢအကကဲန့ၢ်ပှၤ စံၣ်ညီၣ်ကွီၢ်လၢ
အကစံၣ်ညီၣ်န့ၢ်တၢ်လၢ ပဘၢၣ်စၢၤန့ၣ် တအိၣ်ဘၣ်.
၃၄ အဝဲ မ့ၢ်တတီၢ်ယၤလၢၤဘၣ်
ဒီးမ့ၢ်တမၤပျံၤယၤလၢၤဘၣ်န့ၣ်+
၃၅ ယတဲတၢ်ဒီးအီၤ ကဘူၣ်
မ့ၢ်လၢ တၢ်ဂ့ၢ်အဂၤလၢ ယကဘၣ်ပျံၤအီၤန့ၣ် တအိၣ်လၢၤဘၣ် အဃိလီၤ.