ယိၤဘး

၃ တၢ်မၤအသးတဖၣ်န့ၣ်​ ဝံၤအလီၢ်ခံ စီၤယိၤဘး စးထီၣ်တဲတၢ်ဒီး ဆိၣ်အၢဝဲ မုၢ်နံၤလၢ အအိၣ်ဖျဲၣ်ထီၣ်ဝဲလီၤ.+ ၂ စီၤယိၤဘး တဲဝဲလၢ

 ၃ “မုၢ်နံၤလၢ ယဟဲအိၣ်ဖျဲၣ်ထီၣ်န့ၣ်​ မ်အဟးဂီၤကွံာ်တက့ၢ်.+

ဒီးမုၢ်နၤလၢ ပှၤတဂၤဂၤတဲဝဲလၢ ‘ပှၤဒၢထီၣ်​ ဖိသၣ်ပိာ်ခွါတဂၤလံ’ န့ၣ်​ မ်အဟးဂီၤကွံာ်တက့ၢ်.

 ၄ မ်မုၢ်နံၤ အဝဲန့ၣ်​ ခံးလီၤကွံာ်တက့ၢ်.

 ၅ မ်တၢ်ခံးယိာ် လုၢ်ဘၢကွံာ်အီၤတက့ၢ်.

မ်တၢ်အၢၣ်ခံးသူ ကးဘၢကွံာ်အီၤတက့ၢ်.

မုၢ်နံၤအံၤ အတၢ်ကပီၤန့ၣ်​ မ်တၢ်ခံးသူ လၢအလီၤပျံၤလီၤဖုး လုၢ်ဘၢကွံာ်အီၤတက့ၢ်.

 ၆ မ်မုၢ်နၤအဝဲန့ၣ်​ ပှဲၤဒီး တၢ်ခံးသူပံးကလာ်တက့ၢ်.+

မ်တၢ်သူၣ်ဖှံသးညီ သုတအိၣ်လၢ မုၢ်နံၤအဝဲန့ၣ်တဂ့ၤ.

ဒီးမ်တၢ်သုတဂံၢ်ဃုာ်အီၤ လၢလါတဖၣ်​ အကျါတဂ့ၤ.

 ၉ ဖဲတၢ်တနၤန့ၣ်​ မ်ဆၣ်တဖၣ်​ ခံးလီၤတက့ၢ်.

၁၁ ဘၣ်မနုၤအဃိ ယတသံ ဖဲယအိၣ်ဖျဲၣ်ထီၣ်​ အခါဘၣ်လဲၣ်.

ဖဲယအိၣ်လၢ ယမိၢ်ဒၢလီၢ်ပူၤအခါ ဘၣ်မနုၤအဃိ ယတသံဆိပာ်စၢၤဘၣ်လဲၣ်.+

၁၇ လၢတၢ်သွၣ်ခိၣ်​ အပူၤန့ၣ်​ ပှၤအၢပှၤသီတဖၣ်ဒၣ်လဲာ် အသးတဘၣ်​ တံာ်တာ်လၢၤဘၣ်.

ဒီးဖဲန့ၣ်န့ၣ်​ ပှၤလၢ အလီၤဘှံးလီၤတီၤတဖၣ်​ အိၣ်ဘှံးဘၣ်ဝဲလီၤ.+

၁၈ ဖဲန့ၣ်န့ၣ်​ ပှၤဃိာ်ဖိတဖၣ်​ အိၣ်ဘၣ်ဝဲ မုာ်မုာ်ခုၣ်ခုၣ်လီၤ.

အဝဲသ့ၣ်​ တနၢ်ဟူဘၣ်​ တၢ်ကလုၢ်လၢ အမၢဆူၣ်အီၤလၢ ကမၤတၢ်မၤ န့ၣ်ဘၣ်.

၁၉ ဖဲန့ၣ်န့ၣ်​ ပှၤဒိၣ်ပှၤပှၢ်မ့ၢ်ဂ့ၤ ပှၤပတီၢ်ဖုၣ်မ့ၢ်ဂ့ၤ မ့ၢ်တၢ်ဒ်သိးသိးလီၤ.+

ဒီးကုၢ်တဖၣ်န့ၣ်​ ပူၤဖျဲးလၢ အကစၢ် အစုပူၤလီၤ.

၂၁ အဝဲသ့ၣ်​ အဲၣ်ဒိးသံဘၣ်ဆၣ်​ တသံဘၣ်.+

အဝဲသ့ၣ်​ ဃုဝဲတၢ်သံအါန့ၢ်ဒံး အဃုဝဲ တၢ်လုၢ်ဒိၣ်ပှ့ၤဒိၣ်လၢ အအိၣ်ခူသူၣ်ဒံးလီၤ.

၂၄ လၢယတၢ်အီၣ်အလီၢ်န့ၣ်​ ယတၢ်သးဟးဂီၤ ဟဲဝဲလီၤ.+

ဒီးယတၢ်ကအုကစွါန့ၣ်+ ယွၤလီၤဝဲဒ် ထံလီၤဆူအသိးလီၤ.

၂၆ တၢ်မုာ်တၢ်ခုၣ်, တၢ်ဘှ့ၣ်တၢ်ဘှီၣ်​ ဒီးတၢ်အိၣ်ဘှံးအိၣ်သါ တအိၣ်ဒီးယၤဘၣ်.

ယတၢ်ကီတၢ်ခဲတဖၣ်​ အါထီၣ်ဝဲ ထီဘိလီၤ.”